Quba Rayon Məhkəməsi Qərar — İş №3(027)-291/2024

Azərbaycan Respublikası adından QƏRAR Quba şəhəri İş № 3(027)-291/2024 19.04.2024 QUBA RAYON MƏHKƏMƏSİ Həsənov Rahim Təşəkkül oğlunun sədrliyi, X4 oğlunun katibliyi ilə, Quba Rayon Polis X8 Xidməti tərəfindən tərtib edilmiş inzibati tənbeh vermə haqqında xx.xx.2024-cü il tarixli TP ******* nömrəli qərardan X5 tərəfindən verilmiş şikayətə baxaraq, məhkəmə MÜƏYYƏN ETDİ: X2 rayon Məhkəməsinə şikayət ərizəsi ilə müraciət edərək, Quba Rayon Polis X8 Xidmətinin inspektoru X3 tərəfindən saxtalaşdırılmış TP6368706 saylı inzibati tənbeh vermə haqqında qərarı və İXP6126511 saylı inzibati xəta haqqında protokol ləğv edilməsini xahiş etmişdir. Şikayət onunla əsaslandırılmışdır ki, o, xx.xx.2024-cü il tarixdə idarə etdiyi 10PR685 dövlət nömrə nişanlı nəqliyyat vasitəsi ilə Xaçmaz Quba yolunun (GPS41.3932984,48.6313404) qeyd olunan hissəsində hərəktədə olarkən Quba Rayon Polis X8 Xidmətinin inspektoru X3 idarə etdiyi nəqliyyat vasitəsini saxlayaraq ona İXP6126511 saylı inzibati xəta haqqında protokol və TP6368706 saylı inzibati tənbeh vermə haqqında qərar tərtib etmişdir. X3 qeyd olunan protokolu və qərarı yol patrul xidmətinin inspektoru X1 adından tərtib etmiş və TP6368706 saylı inzibati tənbeh vermə haqqında qərarı isə X1 əvəzinə öz imzası ilə imzalayaraq rəsmi sənədləri saxtalaşdırmışdır. X3 qərarı X1 adından tərtib edildiyi halda, öz imzası ilə həmin qərarı imzalamış və qərarı saxtalaşdırmışdır. X3 digər vəzifəli şəxsin adından tərtib etdiyi protokolu ona təqdim etməmiş, protokol ilə onu tanış etməmiş, saxtalaşdırdığı TP6368706 saylı inzibati tənbeh vermə haqqında qərarı isə ona təqdim etmişdir. O, həmçinin qeyd olunan protokol və qərarda hadisənin baş vermə yerini düzgün qeyd etməmişdir. X11 yolunun Barlı kəndi ərazisində baş verməsinə baxmayaq, o protokol və qərarda hadisənin baş vermə yerini 6 km aralıdakı (GPS41.3932984,48.6313404) ünvanı qeyd etmişdir. Məhkəmə iclasının vaxtı və yeri haqqında lazımi qaydada xəbərdar edilmiş Quba Rayon Polis X8 Xidmətinin nümayəndəsi və X5 məhkəmə iclasında iştirak etməmişlər. Məhkəmə işə onların iştirakı olmadan baxmışdır. Məhkəmə şikayəti iş materialları ilə birlikdə araşdıraraq, hesab edir ki, Quba Rayon Polis X8 Xidmətinin inzibati tənbeh vermə haqqında xx.xx.2024-cü il tarixli TP ******* nömrəli qərarından X5 tərəfindən verilmiş şikayət təmin olunmalıdır. Belə ki, iş materiallarında olan xx.xx.2024-cü il tarixli TP ******* nömrəli inzibati tənbeh vermə haqqında qərardan görünür ki, X5 idarə etdiyi “FİAT DOBLO Panorama” Minik markalı ** PR *** Dövlət qeydiyyat nişanlı minik avtomobili ilə Azərbaycan Respublikasının İnzibati Xətalar Məcəlləsinin 327.2-ci maddəsində nəzərdə tutulmuş inzibati xətanı törətmişdir. İnzibati tənbeh vermə haqqında qərar Azərbaycan Respublikası İXM-nin 115-ci maddəsinin tələblərinə uyğun olmadan tərtib edilmişdir. Azərbaycan Respublikası İXM-nin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan hallar barəsində inzibati tənbeh haqqında qərar qəbul edilmiş şəxsin təqsirli olmasını şübhə altına aldığından həmin şübhələr onun xeyrinə həll edilməlidir. Belə ki, Azərbaycan Respublikası İXM-nin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Azərbaycan Respublikası İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikasının İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 134.1.4-cü maddəsinin tələbinə əsasən hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması və Azərbaycan Respublikası İXM ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında məhkəmə qərar qəbul edir. Azərbaycan Respublikasının İXM-nin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Azərbaycan Respublikasının İXM-nin 122.1-ci maddəsinə əsasən Bu Məcəllənin 327.1 - 327.5, 328, 329.1, 329.2, 330, 339.1-1, 346, 346-1.1, 346-1.5, 353.2 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının mərkəzi informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir. Həmin Məcəllənin 122.3.1-ci maddəsinə əsasən inzibati tənbeh vermə haqqında elektron qərarda bu Məcəllənin 115.1-ci maddəsində nəzərdə tutulanlarla yanaşı - inzibati xətanın aşkar edilməsində istifadə olunmuş xüsusi texniki vasitələrlə əldə edilən məlumatlar (inzibati xəta hadisəsinin baş verdiyini və hansı nəqliyyat vasitəsinin sürücüsü tərəfindən törədildiyini sübut edən foto və ya video materiallar əlavə edilməklə) göstərilir. Beləliklə, məhkəmə araşdırması zamanı müəyyən olunmuşdur ki, Quba Rayon Polis X8 Xidməti tərəfindən X5 barəsində xx.xx.2024-cü il tarixli, TP ******* nömrəli qərar qəbul edilmişdir. Həmin qərarın tərtib edilməsinə səbəb olan sübutlar protokolu tərtib edən orqan tərəfindən məhkəməyə təqdim edilməmişdir. Qanunvericiliyin tələblərinə əsasən, hər hansı şəxsin inzibati xəta törətməsi müəyyən olunarsa, ilk öncə həmin şəxs barəsində inzibati xətanın törətməsi ilə əlaqədar protokol tərtib olunur. Lakin, qeyd olunan inzibati xəta barəsində X5 bu barədə məlumatlandırılsa da, onun barəsində inzibati xəta haqqında protokol tərtib edilmiş onun razılığı olmadan həmin gün qərar qəbul edilmişdir. Həmçinin, qərarı qəbul etmiş şəxslə onu imzalayan şəxs fərqli olmuşdur. Bundan başqa, Quba Rayon Polis X8 Xidmətinin inzibati tənbeh vermə haqqında xx.xx.2024-cü il tarixli TP ******* nömrəli qərarı Azərbaycan Respublikasının İXM-nin 122.3-cü maddəsinin tələblərinə əsasən tərtib edilməmişdir. Belə ki, inzibati tənbeh vermə haqqında qərara inzibati xəta hadisəsinin baş verdiyini və hansı nəqliyyat vasitəsinin sürücüsü tərəfindən törədildiyini sübut edən foto və ya video materiallar əlavə edilməlidir. Qeyd olunanlara əsasən məhkəmə hesab edir ki, Quba Rayon Polis X8 Xidmətinin inzibati tənbeh vermə haqqında xx.xx.2024-cü il tarixli TP ******* nömrəli qərarından X5 tərəfindən verilmiş şikayət təmin edilməli, həmin inzibati tənbeh vermə haqqında qərar ləğv edilərək, inzibati xəta haqqında iş yenidən baxılması üçün Quba Rayon Polis Şöbəsinə göndərilməlidir. Göstərilənləri nəzərə alaraq və Azərbaycan Respublikası İXM-nin 128-137-ci maddələrini rəhbər tutaraq, məhkəmə QƏRARAALDİ: X5 tərəfindən verilmiş şikayət təmin edilsin. Quba Rayon Polis X8 Xidmətinin inzibati tənbeh vermə haqqında xx.xx.2024-cü il tarixli TP ******* nömrəli elektron qərarı ləğv edilsin. İnzibati xəta haqqında iş yenidən baxılmaq üçün Azərbaycan Respublikası Quba Rayon Polis Şöbəsinə göndərilsin. Qərarın surəti təqdim edildiyi və ya alındığı gündən 10 (on) gün müddətində qərarı qəbul etmiş hakim vasitəsilə və ya Sumqayıt Apelyasiya Məhkəməsinə apelyasiya şikayəti və protesti verilə bilər. Sədrlik edən Rahim Həsənov