Quba Rayon Məhkəməsi Qərardad — İş №3(027)-292/2024

Azərbaycan Respublikası adından QƏRARDAD Quba şəhəri İş № 3(027)-292/2024 29.03.2024 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu, xx.xx.2023-cü il tarixli, EQ 20102712 saylı inzibati xəta haqqında elektron qərarın ləğv edilməsi barədə X4 tərəfindən verilmiş şikayəti nəzərdən keçirib, müəyyənetdi: X1 Rayon Məhkəməsinə qərardan şikayət göndərərək, DİN BDYPİ-nin Mərkəzi Məlumat Xidmətinin 22 mart 2023-cü il tarixli, EQ 20102712 nömrəli elektron qərarının ləğv edilməsi və yazılmış 80 manat cərimənin silinməsi barədə qərar qəbul edilməsini xahiş etmişdir. Məhkəmə şikayəti və ona əlavə edilmiş sənədləri nəzərdən keçirib hesab edir ki, inzibati xəta haqqında qərardan verilmiş şikayət ona əlavə edilmiş sənədlərlə birlikdə şikayətçiyə geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin: 61.1.6-ci maddəsinə əsasən barəsində inzibati xəta haqqında iş üzrə icraat aparılan şəxsin inzibati xətalar haqqında işlər üzrə icraatın təmin edilməsi tədbirlərinin tətbiqindən və iş üzrə qəbul edilmiş qərardan şikayət vermək hüququ var; 126.1-ci maddəsinə əsasən barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər; 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Şikayəti araşdırıb, hesab edirəm ki, qərardan şikayət səlahiyyəti olmayan şəxs tərəfindən verildiyindən şikayət ona əlavə edilmiş sənədlərlə birlikdə şikayətçiyə geri qaytarılmalıdır. Belə ki, şikayətdən görünür ki, 23 mart 2024-cü il tarixli, EQ 20102712 nömrəli elektron qərar X3 barəsində qəbul olunduğu halda qərardan şikayət X4 tərəfindən imzalanmışdır. Azərbaycan Respublikası İnzibati Xətalar Məcəlləsinin 61, 126, 128 və 132-ci maddələrini rəhbər tutaraq, qəraraaldı: DİN BDYPİ-nin Mərkəzi Məlumat Xidmətinin 22 mart 2023-cü il tarixli, EQ 20102712 nömrəli elektron qərarının ləğv edilməsi barədə X4 tərəfindən verilmiş şikayət və ona əlavə olunmuş sənədlər X2 geri qaytarılsın. Qərardadın surəti təqdim edildiyi və ya alındığı gündən 10 (on) gün müddətində Sumqayıt Apelyasiya Məhkəməsinə şikayət verilə bilər. Hakim: Vüqar Seyidov