Quba Rayon Məhkəməsi Qərar — İş №3(027)-297/2024

Azərbaycan Respublikası adından QƏRAR Quba şəhəri İş № 3(027)-297/2024 29.03.2024 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu, Məhkəmə iclas katibi X1, Protokolu tərtib edən X2, barəsində inzibati xəta haqqında iş üzrə icraat aparılan Şəxs iştirakları ilə xx.xx.1997-ci ildə Quba şəhərində anadan olmuş, Azərbaycan Respublikasının vətəndaşı, subay, orta təhsilli, işləməyən, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 510-cu maddəsilə Quba Rayon Polis Şöbəsindən daxil olmuş inzibati xəta haqqında işə baxaraq, müəyyənetdi: Şəxs xx.xx.2024-cü il tarixdə, saat 12:40 radələrində Quba RPŞ-nin inzibati binasında olduğu zaman ucadan səs-küy salaraq nalayiq ifadələr işlətmişdir. Ona görə də Quba RPŞ-nin İTB-nin polis sahə rəisi X3 tərəfindən Şəxs barəsində Azərbaycan Respublikası İXM-nin 510-cu madddəsində nəzərdə tutulmuş inzibati xətanı törətməsi haqqında 28 mart 2024-cü il tarixli, MN 1663940-2693 №-li protokol tərtib edilmişdir. Məhkəmədə protokol tərtib etmiş şəxs X3 bildirdi ki, Şəxs İXM-nin 510-cu maddəsində nəzərdə tutulan inzibati xətanı törətdiyindən barəsində tərəfindən inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan Şəxs özünü Azərbaycan Respublikası İXM-nin 510-cu maddəsində nəzərdə tutulmuş inzibati xətanın törədilməsində təqsirli bilərək, bildirmişdir ki, şəxsi məsələləri ilə əlaqədar əsəbi olduğundan küçədə telefonla danışdığı zaman nalayiq ifadələr işlətmişdir. Daha sonra polis əməkdaşları onu sakitləşdirməyə çalışmış və onu polis şöbəsinə dəvət etmişdir. Əsəbi soyumadığından polis şöbəsinin inzibati binasında da nalayiq söyüşlər söyməyə davam etmişdir. Əməlindən peşman olduğunu, bir daha belə əməllər törətməyəcəyini və qərar qəbul edərkən nəzərə alınmasını xahiş etdi. Məhkəmə iclasında şahid qismində dindirilmiş Quba RPŞ-nin NMQ-nun baş əməliyyat müvəkkili X6 ifadəsində bildirmişdir ki, xx.xx.2024-cü il tarixdə, saat 12:00 radələrində xitmət yoldaşı Laçın Eyvazzadə ilə birlikdə Quba şəhəri, köhnə avtovağzal adlanan ərazidə xidmətdə olduğu zaman bir nəfər şəxsin ucadan səs-küy salaraq nalayiq ifadələr işlətdiyini görmüşdür. Dərhal həmin şəxsə yaxınlaşaraq özlərini təqdim edib onu sakitləşdirməyə çalışsa da, o əsəbi halda onların qanuni tələbinə məhəl qoymayaraq öz hərəkətlərinə davam etmişdir. Daha sonra həmin şəxsi avtomaşına mindirərk Quba RPŞyə gətirmişdirlər. Həmin şəxs öz əməllərinə Quba RPŞ-nin inzibati binasında olduğu zaman da davam etmişdir. Məhkəmə inzibati xəta haqqında işin materiallarını tədqiq edib, barəsində inzibati xəta haqqında iş üzrə icraat aparılan şəxsi, şahidi və protokolu tərtib edən şəxsi dinləyərək, hesab edir ki, toplanmış sübutlarla Şəxs Azərbaycan Respublikası İXM-nin 510-cu maddəsində göstərilən inzibati xətanı törətməsində təqsirli olması sübuta yetir. Belə ki, Azərbaycan Respublikası İXM-nin 510-cu maddəsi xırda xuliqanlıq, yəni ictimai qaydanı pozan, fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati məsuliyyət nəzərdə tutur. İnzibati tənbeh növünü tətbiq edərkən məhkəmə törədilmiş xətanın xarakterini, Şəxs şəxsiyyətini, onun təqsirinin dərəcəsini və əmlak vəziyyətini, habelə məsuliyyətini yüngülləşdirən və ağırlaşdıran halları nəzərə alır. Məhkəmə tərəfindən Şəxs ilk dəfə inzibati məsuliyyətə cəlb olunmasını məsuliyyətini yüngülləşdirən hal kimi müəyyən edir və ağırlaşdıran hallar müəyyən edilməmişdir. Məhkəmə Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 510-cu maddəsinin sanksiyasında nəzrədə tutulmuş həbs növündə inzibati tənbeh tədbirinin tətbiq edilməsi məqsədə müvafiqdir. Göstərilənlərə əsasən və Azərbaycan Respublikası İnzibati Xətalar Məcəlləsinin 112-115, 117 və 128-130-cu maddələrini rəhbər tutaraq məhkəmə, qəraraaldı: Şəxs Azərbaycan Respublikası İXM-nin 510-cu maddəsilə təqsirli bilinərək barəsində 04 (dörd) gün müddətində inzibati həbs tətbiq edilsin. Həbsin əvvəli 28 mart 2024-cü il tarixdən, saat 16:30-dan hesablansın. Qərardan, onun surəti rəsmi qaydada verildiyi vaxtdan 10 gün müddətində qərarı qəbul etmiş hakim vasitəsi ilə Sumqayıt Apellyasiya Məhkəməsinə şikayət və protest verilə bilər. Sədrlik edən: Vüqar Seyidov