Quba Rayon Məhkəməsi Qərar — İş №3(027)-33/2024

Azərbaycan Respublikası adından QƏRAR Quba şəhəri İş № 3(027)-33/2024 10.01.2024 QUBA RAYON MƏHKƏMƏSİ Hakim Seyidov Vüqar Mircuma oğlunun sədrliyi, Fətəliyev Veysəl Surxay oğlunun katibliyi, Protokolu tərtib edən X6, barəsində inzibati xəta haqqında iş üzrə icraat aparılan Şəxs və müdafiəçi Quba rayon Vəkil Bürosunun vəkili X2 iştirakı ilə xx.xx.1992-ci ildə Quba rayonunda anadan olmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Quba şəhəri, 32-33-cü məhəllədə qeydiyyatda olmaqla yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 535.1-cı maddəsilə icraatı başlanmış inzibati xəta haqqında işə açıq məhkəmə iclasında baxaraq məhkəmə m ü ə y y ə n e t d i m: Şəxs xx.xx.2024-cü il tarixdə, saat 12:35 radələrində Quba şəhəri, Köhnə Avtovağzal dairəsində polisin xidməti fəaliyyətini pozaraq polisin qanuni tələblərinə məhəl qoymayaraq tabesizlik etmişdir. Ona görə də Quba RPŞ-nin İTB-nin sahə rəisi, X8 tərəfindən Şəxs barəsində Azərbaycan Respublikası İXM-nin 535.1-ci maddəsində nəzərdə tutulmuş inzibati xətanı törətməsi barədə 10 yanvar 2024-cü il tarixli, MN 1663548-93 №-li inzibati xəta haqqında protokol tərtib olunmuşdur. Məhkəmədə protokol tərtib etmiş şəxs Nihad Həsənli bildirdi ki, Şəxs Quba şəhəri, Köhnə Avtovağzal adlanan ərazidə post patrul xidməti əməkdaşlarının fəaliyyətinə müdaxilə etməklə, onların qanuni tələbinə tabe olmamışdır. Polis əməkdaşları həmin ərazidə, həm vətəndaşların həm də nəqliyyat vasitələrinin sıxlığının qarşısının alınması üçün xidmət aparırlar. Şəxs da həmin ərazidə dayanma durma nişanının təsiri altında nəqliyyat vasitəsini saxladığı üçün PPX əməkdaşları ona nəqliyyat vasitəsini ordan götürülməsini və sıxlıq yaratmaması üçün müraciət etdikdə həmin şəxs polis əməkdaşlarının qanuni tələbinə qəsdən tabe olmayaraq PPX əməkdaşlarına aqressiv şəkildə iradını bildirmiş və polis əməkdaşlarını öz mobil telefonu vasitəsi ilə çəkmişdir. Polis əməkdaşları ona xidmətdə olduqlarından onların videoya çəkməməsini bildirmişdir. Şəxs bu əməlinə davam etmişdir. Məhkəmə iclasında barəsində inzibati xəta haqqında iş üzrə icraat aparılan Şəxs Azərbaycan Respublikası İXM-nin 535.1-ci maddəsində nəzərdə tutulmuş inzibati xətanın törədilməsində özünü təqsirli bilərək, izahatında göstərmişdir ki, xx.xx.2024-cü il tarixdə, saat 12:00 radələrində Quba şəhəri, Köhnə Avtovağzal dairəsi adlanan ərazidə taksi fəaliyyəti ilə məşğul olduğundan orada özünə məxsus nəqliyyat vasitəsini yolun kənarında saxlamışdır. PPX-nin əməkdaşlarının onun nəqliyyat vəsitəsinin şəkilinin çəkdiyini gördükdə onlara öz iradını bildirmiş və aralarında sözlü mübahisə yaranmışdır. Daha sonra polis əməkdaşlarının göstərişi əsasında RPŞ-yə getmişdir. İnzibati xəta törətməsini etiraf edir və bu xətanı törətməsindən səmimi peşmançılıq hissi keçirir. Bu halların ona inzibati tənbeh verilməsində nəzərə alınmasını xahiş edir. Məhkəmə iclasında şahid qismində dindirilmiş Quba Rayon Polis Şöbəsinin əməkdaşı X4 izahatında göstərmişdir ki, xx.xx.2024-cü il tarixdə rəhbərliyin göstərişinə əsasən avtomobillərin şəkillərini çəkib DYPB işçilərinə məlumat verməli olublar. Həmin vaxt Şəxs öz narazılığını bildirərək onları videogörüntüyə alaraq onların xidmət fəaliyyətini pozmuşdur. İşdəki sübutlara hüquqi qiymət verərək, hesab edirəm ki, Şəxs Azərbaycan Respublikası İXM-nin 535.1-ci maddəsində nəzərdə tutulmuş inzibati xətanın törədilməsində təqsirli bilinməlidir və onun əməli İXM-nin 535.1-ci maddəsi ilə düzgün tövsif edilmişdir. Belə ki, Azərbaycan Respublikası İXM-nin 535.1-ci maddəsində polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibati məsuliyyət nəzərdə tululmuşdur. Məhkəmə qeyd edir ki, Azərbaycan Respublikası İXM-nin 535.1-ci maddəsinin tərkibini təşkil edən obyekt müəyyən olunmuş idarəçilik qaydaları və dövlət orqanlarının (vəzifəli şəxslərinin) normal fəaliyyətidir. Bu inzibati xətanın bilavasitə obyekti ictimai qaydanın mühafizəsi üzrə xidməti fəaliyyətlərini icra edən polis işçisinin və ya hərbi qulluqçunun normal fəaliyyətidir. Subyektiv cəhətdən bu xəta qəsdən törədilir. Şəxs inzibati tənbeh tətbiq edərkən törətdiyi inzibati xətanın xarakterini, şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyətini yüngülləşdirən və ağırlaşdıran halları nəzərə alıram. İnzibati xətanı törətməsindən səmimi peşmançılıq çəkməsini Şəxs məsuliyyətini yüngülləşdirən hallar kimi nəzərə alıram. Şəxs məsuliyyətini ağırlaşdıran hal müəyyən edilməmişdir. Azərbaycan Respublikası İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Törətdiyi inzibati xətanın hallarını nəzərə alaraq hesab edirəm ki, Şəxs inzibati cərimə növündə inzibati tənbeh tətbiq etməklə, inzibati tənbehin məqsədlərinə nail olmaq mümkündür. Həmçinin, məhkəmə barəsində inzibati xəta haqqında iş üzrə icraat aparılan şəxsin hüquqlarının müdafiəsi məqsədi ilə Quba rayon Vəkil Bürosunun vəkili X5 tərəfindən Şəxs hüquqlarının məhkəmədə müdafiə edilməsinə görə 1 saat üçün 6 manat pulun “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 01 fevral tarixli qərarına əsasən dövlət büdcəsindən tutulub Quba rayon Vəkil Bürosunun hesabına ödənilməsini əsaslı hesab edir. Göstərilənlərə əsasən və Azərbaycan Respublikası İnzibati Xətalar Məcəlləsinin 112-115, 117 və 128-130-cu maddələrini rəhbər tutaraq, qəraraaldım: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın törədilməsində təqsirli bilinsin və 200 (iki yüz) manat məbləğində inzibati qaydada cərimə edilsin. Şəxs məhkəmə iclasında dövlət hesabına hüquqlarını müdafiə etmiş Quba rayon Vəkil Bürosunun vəkili X1 etdiyi hər iş saatına görə 6 (altı) manat hesab edilməklə, 1 (bir) iş saatına görə 6 (altı) manat məbləğində vəsait Azərbaycan Respublikası Dövlət büdcəsindən Quba rayon Vəkil Bürosunun hesabına (H/h AZ62İBAZ********************, Bank rekvizitləri: ABB Quba filialı, VÖEN: **********, Kod: 805476) köçürülsün. Qərardan rəsmi qaydada verildiyi vaxtdan 10 gün müddətində qərarı qəbul etmiş hakim vasitəsilə Sumqayıt Apellyasiya Məhkəməsinə şikayət və protest verilə bilər. Hakim: Vüqar Seyidov