Azərbaycan Respublikası adından QƏRAR Quba şəhəri İş № 3(027)-441/2021 31.05.2021 QUBA RAYON MƏHKƏMƏSİ Hakim Məmmədov İlqar Aslan oğlunun sədrliyi ilə, Məhkəmə iclas katibi X2 oğlunun, Protokol tərtib edən X4 oğlunun Barəsində inzibati xəta haqqında iş üzrə icraat aparılan şəxs- Şəxs iştirakları ilə, xx.xx.1977-ci ildə Quba rayonunda anadan olmuş, Azərbaycan Respublikasının vətəndaşı, ailəli, işləməyən, Quba rayonu Qırmızı Slobada qəsəbəsi, G. Əsədov küç, ev 63-də qeydiyyatda olan və yaşayan Şəxs barəsində Quba rayon İcra və probasiya şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, məhkəmə Müəyyən etdi: Quba rayon İcra və probasiya şöbəsindən daxil olmuş inzibati xəta haqqında protokola əsasən Şəxs Sumqayıt Apelyasiya Məhkəməsinin 2(105)-3307/2017 saylı, 28.02.2017-ci il tarixli icra sənədini icra etməmiş və icra məmurunun tələblərini yerinə yetirməmiş, bununla da Şəxs Azərbaycan Respublikası inzibati Xətalar Məcəlləsinin 528.1 -ci maddəsində nəzərdə tutulan inzibati xətanı törətmişdir. Bu barədə Quba rayon İcra və probasiya Şöbəsinin icra məmuru X4 oğlu tərəfindən 31 may 2021-ci il tarixdə inzibati xəta haqqında MN ******* nömrəli protokol tərtib olunaraq, baxılması üçün Quba Rayon Məhkəməsinə göndərilmişdir. Məhkəmədə protokolu tərtib edən şəxs X4 oğlu göstərdi ki, Sumqayıt Apelyasiya Məhkəməsinin 2(105)-3307/2017 saylı, 28.02.2017-ci il tarixli “icra vərəqəsi”-nə əsasən Şəxs cəmi 120 manat məbləğdə aliment alınaraq X1 verilməsi qət edilmişdir. Aparılmış icraat zamanı borclu Şəxs Zakir oğlunun bu günə qədər 4900 manat aliment üzrə borcu yaranmışdır. Barəsində inzibati xəta haqqında iş üzrə icraat aparılan şəxs Şəxs Zakir oğlu bildirdi ki, maddi imkanı çox zəifdir.Pandemiya ilə əlaqədar son bir ildən çoxdur ki, iş tapa bilmir, ailəsi xəsdədir. Aliment üzrə bu gün 500 manat ödəniş edib və bundan sonra da aliment üzrə yaranmış borcunu qısa zamanda ödəyəcəkdir. Qərar qəbul edən zaman göstərilənləri nəzərə almağı məhkəmədən xahiş etdi. Məhkəmə, işin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək hesab edir ki, Şəxs Zakir oğlunun barəsində Azərbaycan Respublikası İnzibati Xətalar Məçəlləsinin 528.1-ci maddəsi ilə başlanmış 3(027)-441/2021 saylı inzibati xəta haqqında iş üzrə icraata xitam verilməlidir. Belə ki, işdə olan 31.05.2021-ci il tarixli ödəniş qəbzinin surətindən görünür ki, Şəxs alimentə görə X1 500 manat məbləğdə pul ödəyib. Məhkəmədə müəyyən olundu ki, Şəxs Zakir oğlu hər ay bir uşağa görə 120 manat aliment ödəməlidir və borcundan 500 manat ödəniş edib və qalan aliment borcunu qısa zamanda ödəyəcəkdir. Azərbaycan Respublikası İnzibati Xətalar Məcəlləsinin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Azərbaycan Respublikası İnzibati Xətalar Məcəlləsinin 53.0.2-ci maddəsinə əsasən inzibati xəta tərkib olmadıqda inzibati xətalar haqqında işlər üzrə icraata xitam verilir. Azərbaycan Respublikası İnzibati Xətalar Məcəlləsinin 105-ci maddəsinə əsasən bu Məcəllənin 53-cü maddəsində nəzərədə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Şərh edilənləri və Şəxs Zakir oğlunun əməlində Azərbaycan Respublikası İnzibati Xətalar Məcəlləsinin 528.1-ci maddəsində göstərilən inzibati xəta tərkibi olmadığını və Azərbaycan Respublikası İnzibati Xətalar Məcəlləsinin 105-ci maddəsinə əsasən onun barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış 3(027)-441/2021 saylı inzibati xəta haqqında iş üzrə icraata xitam verilməsini qanuni hesab edir. Azərbaycan Respublikası İnzibati Xətalar Məcəlləsinin 114.1.4-cü maddəsinə əsasən inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında qərar çıxarılır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 53,
105. 109-112 və 113-114-cü maddələrini rəhbər tutaraq, məhkəmə
Qərara aldı:
Şəxs barəsində Azərbayçan Respublikası İnzibati Xətalar Məçəlləsinin 528.1-ci maddəsi ilə başlanmış 3(027)-441/2020 saylı inzibati xəta haqqında iş üzrə icraata xitam verilsin. Qərarın surəti rəsmi qaydada təqdim edildiyi və ya alındığı gündən 10 (on) gün müddətidə Quba Rayon Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər.
Sədrlik edən: İlqar Məmmədov