Quba Rayon Məhkəməsi Qərar — İş №3(027)-449/2021

Azərbaycan Respublikası adından QƏRAR Quba şəhəri İş № 3(027)-449/2021 05.06.2021 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu, Fətəliyev Veysəl Surxay oğlunun katibliyi, Zərərçəkmiş şəxs və barəsində inzibati xəta haqqında iş üzrə icraat aparılan Şəxs Amil oğlunun iştirakı ilə Şəxs Amil oğlu barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 227-ci maddəsilə icraatı başlanmış inzibati xəta haqqında işə baxaraq məhkəmə, müəyyən etdi: Quba rayon Polis Şöbəsindən daxil olmuş inzibati xəta haqqında materiala əsasən, Şəxs Amil oğlu 26.03.2021-ci il tarixdə günorta saatlarında Quba rayon Qudyalçay karxanasında (xxxx MMC) açıq ərazidən 4 ədəd Şaqman təkərləri oğurlayaraq 100 manata satmış və həmin məbləğdə ziyan vurmuşdur. Bununla bağlı Quba RPŞ-nin İTB-nın sahə rəisi, polis mayoru X1 tərəfindən Şəxs Amil oğlunun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə tərtib edilmiş inzibati xəta haqqında 05.06.2021-ci il tarixli, MN ******* nömrəli protokol materialla birlikdə baxılması üçün Quba rayon Məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan Şəxs Amil oğlu Azərbaycan Respublikası İXM-nin 227-ci maddəsində nəzərdə tutulmuş inzibati xətanın törədilməsində özünü təqsirli bilməyərək, izahatında göstərmişdir ki, o, Qudyalçay kəndində fəaliyyət göstərən “xxxx” MMC-də yükləyici işləmişdir. Pula ehtiyacı olduğu üçün 26 mart 2021ci il tarixdə, günorta saatlarında işlədiyi “xxxx“ MMC-yə məxsus Quba rayonu, Qudyalçay daş karxanasından dörd ədəd “Şaqman” markalı maşının təkərini oğurlayaraq Elnar adlı şəxsə 100 manata satmışdır. Hazırda dəymiş ziyanı tam ödəmiş və zərəzçəkmiş şəxslə barışmışdır. Göstərilənləri nəzərə alıb inzibati material üzrə icraata xitam verilməsini xahiş edir. Məhkəmə iclasında Zərərçəkmiş şəxs izahatında göstərmişdir ki, o, Quba rayonu, Qudyalçay kəndində fəaliyyət göstərən “xxxx” MMC-də sex rəisi işləyir. Şəxs onunla birgə işlədiyi müddətdən tanıyır. O, daş karxanasında yükləyici işləyirdi. Şəxs 26 mart 2021-ci il tarixdə, günorta saatlarında işlədiyi “xxxx” MMC-yə məxsus Quba rayonu, Qudyalçay daş karxanasından dörd ədəd “Şaqman” markalı maşının təkərinin oğurlayaraq 100 manata satmış və onlara həmin məbləğdə ziyan vurmuşdur. Hazırda Şəxs ilə barışmış, dəymiş zinayı tam ödənilmiş, ona qarşı heç bir tələb və şikayəti yoxdur. İş materiallarında olan Quba RPŞ-nin TQ-nin təhqiqatçısı Gülmalıyev Məhəmməd Sahib oğlu tərəfindən qəbul edilmiş 16 aprel 2021-ci il tarixli cinayət işinin başlanmasının rədd edilməsi barədə qərardan görünür ki, Şəxs Amil oğlunun barəsində cinayət işinin başlanması rədd edilmiş, qərarın surəti Şəxs Amil oğlunun barəsində Azərbaycan Respublikası İnzibati Xətalar Məcəlləsinin 227-ci maddəsi ilə inzibati tədbir görülməsi üçün Quba RPŞ-nin İTB-nə göndərilmişdir. Barəsində inzibati xəta haqqında iş üzrə icraat aparılan şəxsin və zərərçəkmiş şəxsin izahatlarını dinləyib, iş materiallarını araşdırıb, işdəki sübutlara hüquqi qiymət verərək, məhkəmə hesab edir ki, Şəxs Amil oğlu Azərbaycan Respublikası İXM-nin 227-ci maddəsində nəzərdə tutulmuş inzibati xətanı törətmişdir. Lakin zərərçəkmiş şəxslə barışdığı üçün, Şəxs Amil oğlu barəsində Azərbaycan Respublikası İXM-nin 227-ci maddəsilə başlanmış inzibati xəta haqqında iş üzrə icraata xitam verilməlidir. Belə ki, iş materiallarına əlavə olunmuş Zərərçəkmiş şəxs ərizəsindən görünür ki, O, hal-hazırda Şəxs Amil oğlu ilə barışmışdır, Şəxs Amil oğlu barəsində Azərbaycan Respublikası İXM-nin 227-ci maddəsi ilə başlanmış inzibati xəta haqqında iş üzrə icraata xitam verilməsini xahiş edir. Barəsində inzibati xəta haqqında iş üzrə icraat aparılan Şəxs Amil oğlu da haqqında Azərbaycan Respublikası İXM-nin 227-ci maddəsilə başlanmış inzibati xəta haqqında iş üzrə icraata xitam verilməsini xahiş etmişdir. Azərbaycan Respublikaksı İXM-nin 39.2-ci maddəsinə əsasən bu Məcəllənin 227, 232-1ci və 351-1-ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Azərbaycan Respublikası İXM-nin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Azərbaycan Respublikası İXM-nin 114.2.1ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda, hakim inzibati xəta haqqında iş üzrə icraata xitam verilməsi haqqında qərar çıxarır. Yuxarıda göstərilənlərə əsasən və Azərbaycan Respublikası İXM-nin 53.0.9, 114.1.4, 115, 128-130-cu maddələrini rəhbər tutaraq, q ə r a r a a l d ı m: Zərərçəkmiş şəxslə barışması əsasına görə Şəxs Amil oğlu barəsində Azərbaycan Respublikası İnzibati Xətalar Məcəlləsinin 227-ci maddəsilə başlanmış inzibati xəta haqqında iş üzrə icraata xitam verilsin. Qərardan onun surəti rəsmi qaydada verildiyi vaxtdan 10 gün müddətində Quba Rayon Məhkəməsi vasitəsilə Sumqayıt Apellyasiya Məhkəməsinə şikayət və protest verilə bilər. Hakim: Vüqar Seyidov