Quba Rayon Məhkəməsi Qərar — İş №3(027)-464/2025

Azərbaycan Respublikası adından QƏRAR Quba şəhəri İş № 3(027)-464/2025 10.07.2025 QUBA RAYON MƏHKƏMƏSİ Hakim Xəlilova Nigar Nemət qızının sədrliyi, Fətəliyev Veysəl Surxay oğlunun katibliyi ilə, X2 X6 haqqında 18 may 2025-ci il tarixli ******* nömrəli qərardan verilmiş şikayətə baxaraq məhkəmə, müəyyənetdi: X4 məhkəməyə şikayət ərizəsi ilə müraciət edərək, 18 may 2025-ci il tarixli X6 Haqqında ******* nömrəli qanunsuz və əsassız Qərarın ləğv edilərək, barəsində inzibati xəta haqqında iş üzrə icraata xitam verilməsi və həmin polis əməkdaşının Quba Rayonu, yol patrul inspektoru polis baş serjantı X1 cəzalandırılması ilə bağlı müvafiq qərar qəbul edilməsini xahiş etmişdir. X4 şikayətini onunla əsaslandırmışdır ki, Quba, şəhər Heydər Əliyev pr. 200 ünvanında istifadəsində olan 99NN299 dövlət nömrə nişanlı avtomobili ilə hərəkətdə olan zaman dairəvi yola daxil olaraq heç bir qayda pozuntusu törətmədən və heç bir hərəkət iştirakçısına maneə olmadan hərəkətini davam etdirən zaman Quba rayonu, yol patrul inspektoru polis baş serjantı X3 tərəfindən saxlanıldı. Həmin yol polisi əməkdaşı ona inizbati xəta törətdiyini bildirdi. Onun barəsində X6 Haqqında ******* nömrəli qanunsuz və əsassız qərar qəbul etdi. Halbuki, o İnzibati xəta törətməmişdir. Həmçinin yol polisi əməkdaşı onun qanunla qorunan hüquqlarını pozaraq etiraz etməyinə baxmayaraq protokol deyil, birbaşa qərar qəbul etmişdir. Bu da İnzibati Xətalar Məcəlləsinin 124.3-cü maddəsinin tələblərini pozmaqdır. Həmçinin araşdırmanın aparılması və müəyyən sualların cavablandırılması üçün Quba Rayonu, yol patrul inspektoru polis baş serjantı X1 da məhkəmədə iştirakı vacib və zəruri olduğu üçün həmin şəxsin də dəvət olunmasını xahiş edir. Məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, şikayət vermiş X4 və AR DİN-nin Baş Dövlət Yol Polisi İdarəsinin nümayəndəsi məhkəmə iclasına gəlməmiş və işə təxirə salmaq barədə ondan hər hansı vəsatət daxil olmamışdır. Ona görə də, məhkəmə, Azərbaycan Respublikası İXM-nin 133.2.4-cü maddəsinə əsasən hazırki şikayətə X4 və Baş Dövlət Yol Polisi İdarəsinin nümayəndəsinin iştirakı olmadan baxılmasını mümkün hesab edir. Məhkəmə iş üzrə toplanmış sübütlara hüquqi qiymət verərək hesab edir ki, X2 şikayəti əsassız olduğundan təmin edilməməlidir. İş materiallarına Baş Dövlət Yol Polisi İdarəsinin nümayəndəsi tərəfindən təqdim edilmiş 1 ədəd CD diskə məhkəmə iclasında baxış keçirilərkən görünür ki, X4 nəqliyyat vasitəsi ilə dairəvi yolda hərəkətdə olan digər nəqliyyat vasitəsinə yol vermədən hərəkətini davam etdirmişdir. Azərbaycan Respublikasının İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi nümayəndə tərəfindən inzibati xətalar haqqında İşlər üzrə qərarlardan şikayət, prokuror isə protest verə bilər. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikasının İnzibati Xətalar Məcəlləsinin 135.1-ci maddəsində inzibati xəta haqqında iş üzrə qərarın ləğv edilməsi və ya dəyişdirilməsi üçün, hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması; hakimin, səlahiyyətli orqanın (vəzifəli şəxsin) gəldiyi nəticələrin işin faktiki hallarına uyğun olmaması; hakim, səlahiyyətli orqan (vəzifəli şəxs) tərəfindən müəyyən edilmiş iş üçün əhəmiyyətli olan halların sübuta yetirilməməsi; inzibati məsuliyyət müəyyən edən qanunun normasının düzgün tətbiq edilməməsi; tətbiq edilmiş tənbehin bu Məcəllənin 31-34-cü maddələrinin tələblərinə uyğun olmaması; bu Məcəllənin 53-cü maddəsində nəzərdə tutulmuş halların müəyyən olunması; bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması kimi əsaslar göstərilmişdir. Azərbaycan Respublikasının İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. “Yol hərəkəti haqqinda” Azərbaycan Respublikası Qanunun 42-ci maddəsinin XV-ci hissəsinə əsasən Yol nişanları ilə hərəkət üstünlüyü müəyyən edilməmişdirsə, dairəvi hərəkət təşkil olunmuş yolayrıcına daxil olan sürücü dairədə hərəkət edən nəqliyyat vasitələrinə yol verməlidir. Lakin, X4 xx.xx.2025-ci il tarixdə 11:58 radələrində dairəvi yolda hərəkətdə olan digər nəqliyyat vasitəsinə yol vermədən hərəkətini davam etdirmişdir. Buda onu göstərir ki, X4 qərarda göstərilən inzibati xətanı törətmişdir. Azərbaycan Respublikasının İnzibati Xətalar Məcəlləsinin 84.1-ci maddəsinə əsasən, "İnzibati xətalar haqqında" işə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli tam və obyektiv surətdə baxılmasına əsaslanan öz daxili inamı ilə sübutları qiymətləndirir. Şərh edilənlərə əsasən, məhkəmə X2 barəsində Azərbaycan Respublikası İXM-nin 327.2-ci maddəsi ilə tərtib edilmiş X6 haqqında xx.xx.2025-ci il tarixli TP ******* nömrəli qərarın ləğv edilməsi barədə şikayətin təmin olunmamasını qanuni hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 134.1.1-ci maddələsini rəhbər tutaraq məhkəmə, q ə r a r a a l d ı: X2 barəsində Azərbaycan Respublikası İXM-nin 327.2-ci maddəsi ilə tərtib edilmiş X6 haqqında xx.xx.2025-ci il tarixli TP ******* nömrəli qərarın ləğv edilməsi barədə şikayəti təmin olunmasın. Qərarın surəti rəsmi qaydada təqdim edildiyi və ya alındığı gündən 10 (on) gün müddətidə Quba Rayon Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən: Nigar Xəlilova