Quba Rayon Məhkəməsi Qərar — İş №3(027)-686/2022

Azərbaycan Respublikası adından QƏRAR Quba şəhəri İş № 3(027)-686/2022 18.07.2022 QUBA RAYON MƏHKƏMƏSİ Hakim Məmmədov İlqar Aslan oğlunun sədrliyi, Hacıyev Əmiraslan Arif oğlunun katibliyi ilə, Azərbaycan Respublikası DİN BDYPİ-nin EQ 493244 nömrəli, 06 yanvar 2019-cu il tarixli inzibati tənbeh vermə haqqında qərarının ləğv edilməsi barədə X21 tərəfindən verilmiş şikayətə açıq məhkəmə iclasında baxaraq, məhkəmə Müəyyən etdi : X12 Rayon Məhkəməsinə müraciət edərək, barəsində tərtib edilmiş Azərbaycan Respublikası DİN BDYPİ-nin EQ 493244 nömrəli, 06 yanvar 2019-cu il tarixli inzibati tənbeh vermə haqqında qərarın ləğv edilməsini xahiş etmişdir. X21 şikayətində göstərmişdi ki, VAZ 211230 markalı, 2008-ci il buraxılışlı, **-NV-*** dövlət qeydiyyat nişanlı avtomobil xüsusi mülkiyyət hüququ ilə X18 məxsusdur. Qeyd edilən nəqliyyat vasitəsinə xx.xx.2012-ci il tarixli AB 675523 saylı qeydiyyat şəhadətnnaməsi verilmişdir. Əlavə olaraq bildirir ki, **-NV-*** dövlət qeydiyyat nişanlı avtomobil hal-hazırda etibarnamə əsasında onun istifadəsindədir. X5 məxsus olsa da , ilk gündən avtomobili X16 idarə etmiş, sonradan avtomobilə dair müxtəlif şəxslərə etibarnamələr vermişdir. xx.xx.2013-cü il tarixində X9 adına etibarnamə verilmiş, etibarnamənin müddəti xx.xx.2014-cü ıl tarixində bitmişdir. Lakin avtomobilin mülkiyyətçisinə də məlum olmayan səbəblərdən **-NV-*** dövlət qeydiyyat nişanlı avtomobil başqa bir şəxsin-X3 verilmişdir. Bununla bağlı X24 dəfələrlə hüquq- mühafizə orqanlarına müraciət etmiş, özünə məxsus olan avtomobilin geri qaytarılmasını xahiş etmişdir. X6 avtomobili X18 qaytarmamış, nəticədə X7 inzibati qaydada törətdikləri xətalarla bağlı cərimələr X17 adına gəlmişdir. Avtomobilin saxlanması üçün BDYPİ-nə edilən müraciətlərdən sonra müraciət araşdırılmış, müvafiq tədbirlərin görülməsi üçün ərizə Xaçmaz RPŞ-nə göndərilmiş və RPŞ-dən verilmiş məlumatla sübut olunmuşdur ki, VAZ 211230 markalı, 2008-ci il buraxılışlı, **-NV-*** dövlət qeydiyyat nişanlı avtomobil 21,07.2016-cı il tarixdən X1. Nəticədə avtomobilin mülkiyyətçisi olan X8 Rayon Məhkəməsinə müraciət edərək, özünə məxsus olan VAZ 211230 markalı, 2008-ci il buraxılışlı, **- NV-*** dövlət qeydiyyat nişanlı avtomobilin X7 qanunsuz sahibliyindən alınaraq özünə qaytarılmasını xahiş etmişdir. Xaçmaz Rayon Məhkəməsinin xx.xx.2016-cı il tarixli, 2(067)- 6072/2016 saylı qətnaməsilə iddia təmin olunmuş, VAZ 211230 markalı, 2008-ci il buraxılışlı, **- NV-*** dövlət qeydiyyat nişanlı avtomobilin X2 alınaraq, X18 qaytarılması qət edilmişdir. Məhkəmə araşdırması zamanı müəyyən olunmuşdir ki, X17 adına olan VAZ 211230 markalı, 2008-ci il buraxılışlı, **-NV-*** dövlət qeydiyyat nişanlı avtomobilə dair; xx.xx.2012-xx.xx.2062-cı illərə dair X10 adına; xx.xx.2012-xx.xx.2062-ci illərə dair X14 adına; xx.xx.2013 - xx.xx.2014-cü illərə dair X19 adına; xx.xx.2013 - xx.xx.2014-cü illərə dair X20 adına; xx.xx.2013 - xx.xx.2014-cü illərə dair X22 adına; xx.xx.2013-xx.xx.2014-cü illərə dair X29 adına; xx.xx.2013- xx.xx.2014- cü illərə dair X15 adına; xx.xx.2013 - xx.xx.2014-cü illərə dair X9 adına etibarnamələr verilmişdir. xx.xx.2019-cu il tarixli ərizədən görünür ki, X24 ərizə ilə Xaçmaz İcra və Probasiya şöbəsinə müraciət edərək avtomobilin özünə qaytarılmasını nəzərə alaraq icra sənədinə xitam verilməsini xahiş edib və xx.xx.2019-cu il tarixli icra sənədi üzrə icraata xitam verilməsi barədə qərarın surətindən görünür ki,Xaçmaz rayon məhkəməsinin 2(067)-6072 saylı, xx.xx.2017-ci il tarixli icra sənədi üzrə icraata xitam verilmişdir. Ərizəyə əlavə etdiyi Xaçmaz Rayon Məhkəməsinin xx.xx.2016-cı il tarixli 2(067)- 6072/2016 saylı qətnaməsindən də görünür ki, VAZ 211230 markalı, 2008-ci il buraxılışlı, 90- NV- 523 dövlət qeydiyyat nişanlı avtomobil uzun müddət qeyri-şəxslərin sahibliyində və istifadəsində olmuşdur. Xaçmaz Rayon Məhkəməsinin 17.11 2016-cı il tarixli 2(067)- 6072/2016 saylı qətnaməsində məhkəmənınn araşdırması və gəldiyi nəticə bunun açıq sübutudur. Lakin xx.xx.2014-cü il tarixdən başlayaraq xx.xx.2019-cu il tarixədək onlar tərəfindən yol verilmiş inzibati xəta ilə bağlı qərarlar onun adına gəlmişdir. Halbuki inzibati xətalara onun tərəfindən törədilməmişdir və bu xətaların törədilməsinə görə yazılmış cərimələrin ondan tələb edilməsi qanunsuzdur. Eyni zamanda bildirir ki, avtomobil onda olmayan zaman qeyri şəxs tərəfindən yol hərəkəti qaydalarının pozulması ilə nəticələnən inzibati xəta törədilmiş, 10 (on) manat mənləğində inzibati cərimə növündə tənbeh tətbiq edilmiş, 06 yanvar 2019-cu il tarixli EQ 493244 saylı inzibati tənbeh vermə haqqında qərar çıxarılmışdır. Baxmayaraq ki, qeyd edilən inzibati xətanın törədilməsində o təqsirkar deyil, onun əməlində hər hansı inzibati xətanın tərkibi yoxdur. Göstərilənləri nəzərə alaraq, Azərbaycan Respublikası DİN BDYPİ-nin EQ 493244 nömrəli, 06 yanvar 2019-cu il tarixli inzibati tənbeh vermə haqqında qərarı ləğv edilməsi barədə qərar qəbul edilməsini xahiş etmişdi. İşə baxılmasının yeri və vaxtı barədə X21 və Azərbaycan Respublikası DİN BDYPİ-nə məlumat verilsə də, məhkəmə iclasına X21 və Azərbaycan Respublikası DİN BDYPİ-nin nümayəndəsi gəlməmişlər və işə baxılmasının təxirə salınması haqqında məhkəməyə vəsatət verməmişlər. Belə olan halda, məhkəmə işə, X21 və Azərbaycan Respublikası DİN BDYPİ-nin nümayəndəsinin iştirakı olmadan baxmağı mümkün hesab edir. Məhkəmə iş sənədini tam, hərtərəfli və obyektiv tədqiq edərək hesab edir ki, hazırki inzibati xəta haqqında iş üzrə qəbul edilmiş qərar Azərbaycan Respublikası İnzibati Xətalar Məcəlləsinin tələblərinin kobud surətdə pozularaq tərtib edildiyindən şikayəti təmin edilməlidir. Belə ki, iş materiallarında olan EQ 493244 nömrəli, 06 yanvar 2019-cu il tarixli inzibati tənbeh vermə haqqında qərardan görünür ki, X21 Azərbaycan Respublikasının İnzibati Xəatalar Məcəlləsinin 328.1-ci maddəsində nəzərdə tutulan inzibati xətanı törətməkdə təqsirli bilinib, barəsində 10 manat cərimə cəzası tətbiq edilmişdir. İş materiallarında olan Xaçmaz Rayon Məhkəməsinin xx.xx.2016-cı il tarixli 2(067)- 6072/2016 saylı qətnaməsindən görünür ki, iddiaçı X17 cavabdeh X11 qarşı əmlakın qanunsuz sahiblikdən geri tələbinə dair iddiası təmin olunmuş, VAZ 211230 markalı, 2008-ci il buraxılışlı, **- NV-*** dövlət qeydiyyat nişanlı avtomobilin X7 qanunsuz sahibliyindən alınaraq X18 qaytarılması qərara alınmışdır. İş materiallarında xx.xx.2019-cu il tarixli ərizədən görünür ki, X24 ərizə ilə Xaçmaz rayon İcra və Probasiya şöbəsinə müraciət edərək avtomobilin özünə qaytarılmasını nəzərə alaraq icra sənədinə xitam verilməsini xahiş etmiş, Xaçmaz rayon İcra və Probasiya şöbəsinin xx.xx.2019-cu il tarixli icra sənədi üzrə icraata xitam verilməsi barədə qərarı ilə Xaçmaz rayon məhkəməsinin 2(067)-6072 saylı, xx.xx.2016-cı il tarixli icra sənədi üzrə icraata xitam verilmişdir. Göründüyü kimi inzibati xəta törədilən zaman avtomobil X4 olmamışdır. Bundan başqa, inzibati tənbeh vermə haqqında qərar Azərbaycan Respublikası İXM-nin 115-ci maddəsinin tələblərinə uyğun olmadan tərtib edilmişdir. Belə ki, qərarda işinə baxılan vətəndaşın fərdi identifikasiya nömrəsi qeyd edilməmiş və işə baxılarkən müəyyən edilmiş hallar araşdırılmamışdır. Azərbaycan Respublikası İXM-nin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan hallar barəsində inzibati tənbeh haqqında qərar qəbul edilmiş şəxsin təqsirli olmasını şübhə altına aldığından həmin şübhələr onun xeyrinə həll edilməlidir. Belə ki, Azərbaycan Respublikası İXM-nin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Azərbaycan Respublikası İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikasının İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikasının İXM-nin 122.1-122.3-cü maddəsinə əsasən bu Məcəllənin 339.1-1 - 327.5, 328, 329.1, 329.2, 330, 339.1-1, 346.3, 346-1.1, 346-1.5, 353.2 və 328.1-ci maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının mərkəzi informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir. İnzibati tənbeh vermə haqqında elektron qərar müvafiq icra hakimiyyəti orqanının mərkəzi informasiya sisteminin məlumatlarına əsasən nəqliyyat vasitəsinin istifadəçisi (nəqliyyat vasitəsini icarə və ya digər əşya hüquqlarına dair müqavilə və ya nəqliyyat vasitəsindən istifadə etmə və ya ona dair sərəncam vermə hüquqları ilə bağlı etibarnamə əsasında sonuncu dəfə təkrar dövlət qeydiyyatından keçirilərkən qeydiyyata götürülmüş şəxs, hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsinin sürücüsü, belə məlumat olmadıqda isə nəqliyyat vasitəsinin mülkiyyətçisi olan fiziki şəxs) barəsində çıxarılır. Azərbaycan Respublikasının İXM-nin 122.7-ci maddəsinə əsasən barəsində bu Məcəllənin 122.1-ci, 124.5-ci və ya 124.6-cı maddələrində nəzərdə tutulmuş qaydada inzibati tənbeh vermə haqqında qərar çıxarılmış şəxs inzibati xətanın törədilməsi zamanı nəqliyyat vasitəsinin digər şəxsin sahibliyində və ya istifadəsində olması, yaxud digər şəxslərin qanunsuz əməlləri nəticəsində onun sahibliyindən çıxması ilə bağlı və ya digər səbəbdən qərarla razılaşmadığı hallarda həmin qərardan bu Məcəllənin 126.1-ci maddəsində nəzərdə tutulmuş qaydada yuxarı səlahiyyətli orqana (vəzifəli şəxsə) və ya məhkəməyə şikayət verə bilər. Şikayət verən şəxs inzibati xətanın törədilməsi zamanı nəqliyyat vasitəsini kimin idarə etdiyinə dair ehtimalını şikayətdə göstərə bilər. Şikayətdə göstərilən məlumatlar təsdiq olunarsa, inzibati tənbeh vermə haqqında qərar ləğv edilir və inzibati xətanı törətmiş şəxsin inzibati məsuliyyətə cəlb edilməsi üçün müvafiq tədbirlər görülür. Azərbaycan Respublikası İXM-nin 134.1.4-cü maddəsinin tələbinə əsasən hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması və Azərbaycan Respublikası İXM ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında məhkəmə qərar qəbul edir. Azərbaycan Respublikasının İXM-nin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Məhkəmə, iş sənədlərini tam, hərtərəfli və obyektiv tədqiq edərək hesab edir ki, Azərbaycan Respublikası DİN BDYPİ-nin EQ 493244 nömrəli, 06 yanvar 2019-cu il tarixli qərarı ləğv edilməli və inzibati işin yenidən araşdırılması üçün Azərbaycan Respublikası DİN BDYPİ-nə göndərilməlidir. Yuxarıda göstərilənlərə əsasən və Azərbaycan Respublikası İXM-nin 128-137-ci maddələrini rəhbər tutaraq, məhkəmə Qərara aldı: X14 şikayəti təmin edilsin. Azərbaycan Respublikası DİN BDYPİ-nin EQ 493244 nömrəli, 06 yanvar 2019-cu il tarixli inzibati tənbeh vermə haqqında qərarı ləğv edilsin. İnzibati xəta haqqında iş yenidən araşdırılması üçün Azərbaycan Respublikası DİN BDYPİ-nə göndərilsin. Qərarın surəti rəsmi qaydada təqdim edildiyi və ya alındığı gündən 10 gün müddətində Quba Rayon Məhkəməsi vasitəsi ilə Sumqayıt Apelyasiya Məhkəməsinə apellyasiya şikayəti verilə bilər. Sədrlik edən: İlqar Məmmədov