Quba Rayon Məhkəməsi Qərar — İş №3(027)-879/2023

Azərbaycan Respublikası adından QƏRAR Quba şəhəri İş № 3(027)-879/2023 19.05.2023 QUBA RAYON MƏHKƏMƏSİ Həsənov Rahim Təşəkkül oğlunun sədrliyi, Xudaverdiyev Elşad Mütəllim oğlunun katibliyi, X2 iştirakı ilə, Azərbaycan Respublikası İXM-nin 327.2-ci maddəsinin tələblərinə əsasən inzibati tənbeh vermə haqqında xx.xx.2023-cü il tarixli, TP ******* nömrəli qərarından X3 tərəfindən verilmiş şikayətə baxaraq, məhkəmə MÜƏYYƏN ETDİ: X1 rayon Məhkəməsinə şikayət ərizəsi ilə müraciət edərək, Barəmdə Azərbaycan Respublikası İXM-nin 327.2-ci maddəsi ilə tərtib edilmiş inzibati tənbeh vermə haqqında xx.xx.2023-cü il tarixli TP ******* nömrəli qərar ləğv edilməsi barədə qərar qəbul olunmasını xahiş etmişdir. Şikayət onunla əsaslandırılmışdır ki, Quba şəhərinin əsas küçələrindən biri olan Əliqulu Nərimanov küçəsində günlərdir asfalt örtüyünün dəyişdirilməsi ilə əlaqədar həmin küçədə giriş-çıxış yolları Quba RPŞ-nin DYP-nin əməkdaşları tərəfindən yerləşdirmiş dəmir arakəsmələrlə hərəkət məhdudlaşdırılmışdır. Belə ki, 26 aprel 2023-cü il tarixdə saat 18:10 radələrində etibarnamə əsasında idarə etdiyi “VAZ-21214 minik” markalı, **-RO-*** dövlət qeydiyyat nişanlı avtomobillə işdən çıxıb evinə gedən zaman həmişə getdiyi yoldan istifadə edə bilmədiyi üçün Quba şəhəri, M.Ə.Rəsulzadə küçəsi ilə hərəkət edərək "Meydan” adlanan ərazini keçib şəhərin əsas prospekti olan H.Əliyev prospektinə çıxaraq əks istiqamətdə hərəkət etmişdir. O, məcbur olaraq başqa yolu olmadığından H.Əliyev prospekti ilə əks istiqamətdə getməyinə baxmayaraq, tərəfindən olan pozuntu adıçəkilən prospektdə deyil, ara küçə olan M.Ə.Rəsulzadə küçəsində qeydə alınmış və barəsində 27 aprel 2023-cü il tarixdə Azərbaycan Respublikası İXM-nın 327.2-ci maddəsi ilə 60 manat məbləğində inzibati qaydada cərimə tədbiq edilməsi barədə qərar tərtib edilərək həmin tarixdə ona göndərilmişdir. O, 27 aprel 2023-cü il tarixdə cərimə ilə bağlı şöbəyə getmişdir. Bu vaxt qeydə alındığı küçədə olan PPX-ni əməkdaşının öz şəxsi mobil telefonu ilə çəkdiyi fotoşəkil ona sübut kimi təqdim edilmiş və bildirmişlər ki, həmin fotoşəklin əsasında protokol tərtib edib qərar çıxarmışlar. Bununla da ona məlum olmuşdur ki, Quba şəhəri, M.Ə.Rəsulzadə küçəsində foto və ya video qeydiyyat funksiyalarına malik xüsusi texniki vasitələr yoxdur, həmin küçədə sürücülərin hərəkətləri məhz PPX-nin əməkdaşının əlində olan şəxsi telefonu vasitəsilə qeydə alınaraq, sürücülərə cərimələr tətbiq edilir.. Məhkəmə iclasında X3 şikayəti müdafiə edərək, təmin olunmasını xahiş etdi. Məhkəmə iclasının vaxtı və yeri haqqında lazımi qaydada xəbərdar edilmiş Quba RPŞ-nin nümayəndəsinin gəlməməsinin səbəbləri haqqında məlumat olmadığından məhkəmə işə onun iştirakı olmadan baxmışdır. Məhkəmə izahatı dinləyib, şikayəti iş materialları ilə birlikdə araşdıraraq, hesab edir ki, Quba RPŞ-nin inzibati tənbeh vermə haqqında xx.xx.2023-cü il tarixli, TP ******* nömrəli elektron qərarından X3 tərəfindən verilmiş şikayət qismən təmin olunmalıdır. Belə ki, iş materiallarında olan xx.xx.2023-cü il tarixli, TP ******* nömrəli inzibati tənbeh vermə haqqında qərardan görünür ki, X1 şəhəri, M.Ə.Rəsulzadə küçəsində idarə etdiyi “VAZ 21214” Minik markalı ** RO *** Dövlət qeydiyyat nişanlı minik avtomobili ilə “Giriş Qadağandır” yol nişanın tələblərini pozmuşdur. İnzibati tənbeh vermə haqqında qərar Azərbaycan Respublikası İXM-nin 115-ci maddəsinin tələblərinə uyğun olmadan tərtib edilmişdir. Azərbaycan Respublikası İXM-nin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan hallar barəsində inzibati tənbeh haqqında qərar qəbul edilmiş şəxsin təqsirli olmasını şübhə altına aldığından həmin şübhələr onun xeyrinə həll edilməlidir. Belə ki, Azərbaycan Respublikası İXM-nin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Azərbaycan Respublikası İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikasının İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 134.1.4-cü maddəsinin tələbinə əsasən hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması və Azərbaycan Respublikası İXM ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında məhkəmə qərar qəbul edir. Azərbaycan Respublikasının İXM-nin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Azərbaycan Respublikasının İXM-nin 122.1-ci maddəsinə əsasən Bu Məcəllənin 327.1 - 327.5, 328, 329.1, 329.2, 330, 339.1-1, 346, 346-1.1, 346-1.5, 353.2 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının mərkəzi informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir. Həmin Məcəllənin 122.3.1-ci maddəsinə əsasən inzibati tənbeh vermə haqqında elektron qərarda bu Məcəllənin 115.1-ci maddəsində nəzərdə tutulanlarla yanaşı - inzibati xətanın aşkar edilməsində istifadə olunmuş xüsusi texniki vasitələrlə əldə edilən məlumatlar (inzibati xəta hadisəsinin baş verdiyini və hansı nəqliyyat vasitəsinin sürücüsü tərəfindən törədildiyini sübut edən foto və ya video materiallar əlavə edilməklə) göstərilir. Beləliklə, məhkəmə araşdırması zamanı müəyyən olunmuşdur ki, Quba RPŞ-nin əməkdaşı tərəfindən X3 barəsində xx.xx.2023-cü il tarixli, TP ******* nömrəli elektron qərar qəbul edilmişdir. Həmin qərar mobil telefon vasitəsilə çəkilmiş foto əsasında qəbul edilmişdir. Bu da yuxarıda göstərilən normaların tələbinə ziddir. Digər halda isə X3 barəsində protokol tərtib edilməli idi. Qanunvericiliyin tələblərinə əsasən, hər hansı şəxsin inzibati xəta törətməsi müəyyən olunarsa, ilk öncə həmin şəxs barəsində inzibati xətanın törətməsi ilə əlaqədar protokol tərtib olunur. Lakin, qeyd olunan inzibati xəta barəsində X3 məlumatlandırılmamış və onun barəsində inzibati xəta haqqında protokol tərtib edilməmişdir. Belə ki, Azərbaycan Respublikasının İXM-nin 122.5-ci maddəsinə əsasən Foto və ya video qeydiyyat funksiyalarına malik xüsusi texniki vasitələrin köməyi ilə aşkar edilmiş inzibati xətalara görə nəqliyyat vasitəsini dayandıraraq, törədilmiş belə xətalar haqqında inzibati xəta haqqında protokol tərtib etmək və ya inzibati tənbeh tətbiq etmə haqqında qərar çıxarmaq qadağandır. Bütün foto və ya video qeydiyyat funksiyalarına malik xüsusi texniki vasitələr müvafiq icra hakimiyyəti orqanının mərkəzi informasiya sisteminə inteqrasiya olunaraq, həmin texniki vasitələrin köməyi ilə aşkar edilmiş inzibati xətalar haqqında yalnız bu Məcəllənin 122.1-ci maddəsində nəzərdə tutulmuş qaydada elektron qərar çıxarılır. Bundan başqa, Quba RPŞ-nin inzibati tənbeh vermə haqqında xx.xx.2023-cü il tarixli, TP ******* nömrəli elektron qərarı Azərbaycan Respublikasının İXM-nin 122.3-cü maddəsinin tələblərinə əsasən tərtib edilməmişdir. Belə ki, inzibati tənbeh vermə haqqında elektron qərara inzibati xəta hadisəsinin baş verdiyini və hansı nəqliyyat vasitəsinin sürücüsü tərəfindən törədildiyini sübut edən foto və ya video materiallar əlavə edilməlidir. Lakin, qeyd olunan protokol tərtib edilərkən polis əməkdaşları inzibati xətanın törədilməsini qeydə alan zamanı şəxsi istifadələrində olmuş mobil telefonlardan istifadə etmişlər. Onlar tərəfindən qeydə alınmış görüntülər sübut növü kimi hesab edilə bilməz. Qeyd olunanlara əsasən məhkəmə hesab edir ki, Quba RPŞ-nin inzibati tənbeh vermə haqqında xx.xx.2023-cü il tarixli, TP ******* nömrəli elektron qərarından X3 tərəfindən verilmiş şikayət qismən təmin edilməli, həmin inzibati tənbeh vermə haqqında qərar ləğv edilərək, inzibati xəta haqqında iş yenidən baxılması üçün Quba RPŞ-nə göndərilməlidir. Göstərilənləri nəzərə alaraq və Azərbaycan Respublikası İXM-nin 128-137-ci maddələrini rəhbər tutaraq, məhkəmə QƏRARAALDİ: X3 tərəfindən verilmiş şikayət qismən təmin edilsin. Quba RPŞ-nin inzibati tənbeh vermə haqqında xx.xx.2023-cü il tarixli, TP ******* nömrəli elektron qərarı ləğv edilsin. İnzibati xəta haqqında iş yenidən baxılmaq üçün Quba RPŞ-nə göndərilsin. Qərarın surəti təqdim edildiyi və ya alındığı gündən 10 (on) gün müddətində qərarı qəbul etmiş hakim vasitəsilə və ya Sumqayıt Apelyasiya Məhkəməsinə apelyasiya şikayəti və protesti verilə bilər. Sədrlik edən Rahim Həsənov