Quba Rayon Məhkəməsi Qərar — İş №3(027)-952/2024

Azərbaycan Respublikası adından QƏRAR Quba şəhəri İş № 3(027)-952/2024 22.11.2024 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu, Məhkəmə iclas katibi X1, Protokolu tərtib edən şəxs X2, Zərərçəkmiş şəxs, barəsində inzibati xəta haqqında iş üzrə icraat aparılan Şəxs iştirakı ilə xx.xx.1989-cu ildə Quba rayonunda anadan olmuş, Azərbaycan Respublikasının vətəndaşı, evli, fərdi əməklə məşğul olan, Quba rayonu, Rustov kəndində qeydiyyatda olan və yaşayan Şəxs haqqında Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 510-cu maddəsilə icraatı başlanmış inzibati xəta haqqında işə açıq məhkəmə iclasında baxaraq məhkəmə, müəyyənetdi: Quba RPŞ-nin İTB-nin polis sahə rəisi, X3 tərəfindən Şəxs barəsində Azərbaycan Respublikası İXM-nin 510-cu madddəsində nəzərdə tutulmuş inzibati xətanı törətməsi haqqında xx.xx.2024-cü il tarixli, MN 1688024-4312 №-li protokol tərtib edilmişdir. Həmin protokolda göstərilir ki, Şəxs xx.xx.2024-cü il tarixdə Quba şəhəri, “Birja” adlanan ərazidə Zərərçəkmiş şəxs söymüşdür. Məhkəmə iclasında iştirak edən Quba RPŞ-nin polis sahə rəisi X3 göstərilən xüsusatları təsdiq edərək protokolun onun tərəfindən tərtib edildiyini bildirdi. Məhkəmə iclasında barəsində inzibati xəta haqqında iş üzrə icraat aparılan Şəxs Azərbaycan Respublikası İXM-nin 510-cu maddəsində nəzərdə tutulmuş inzibati xətanın törədilməsində özünü təqsirli bilməyərək ifadəsinə göstərmişdir ki, xx.xx.2024-cü il tarixdə, Quba şəhəri, “Birja” adlanan ərazidə iş yeri həmin ərazidə olduğundan orda olan zaman Zərərçəkmiş şəxs ilə aralarında sözlü mübahisə olmuşdur. Həmin vaxtı o Zərərçəkmiş şəxs söyməmiş ona qarşı heç bir nalayiq ifadə işlətməmişdir. Aralarında olan sözlü mübahisə zamanı ətrafdakıların diqqətini cəlb edəcək qədər ucadan danışdığını bildirmişdir. Qərar qəbul edərkən göstərdiyi xüsusatları nəzərə almağı məhkəmədən xahiş etdi. Məhkəmədə Zərərçəkmiş şəxs izahatında bildirmişdir ki, xx.xx.2024-cü il tarixdə Quba şəhəri, “Birja” adlanan ərazidə fərdi əməklə məşğul olan zaman Şəxs ilə aralarında sözlü mübahisə baş vemişdir. Həmin zaman Şəxs ona “şərəfsiz və alçaq” demişdir. Ona görə də, onun barəsində DİN-nin 102 xidmətinə şikayət etmişdir. Hazırda da Şəxslə barışmadığını bildirərək ona cəza verilməsini xahiş etdi. Məhkəmə iclasında şahid qismində dindirilmişSultanov Süleyman Bağır oğlu ifadəsində göstərmişdir ki, xx.xx.2024-cü il tarixdə Quba şəhəri, “Birja” adlanan ərazidə fərdi əməklə məşğul olan zaman Şəxs ilə Zərərçəkmiş şəxs arasnda sözlü mübahisə olduğunu görmüş və hər iki şəxsi tanıdığından onları sakitləşdirmək məqsədi ilə onların arasına girərək hər ikisini ayırmışdır. Həmin vaxt hər iki şəxsin bir birinə qarşı söyüş söyməsini və yaxud bir birinə qarşı nalayiq ifadələrin işlədilməsini eşitməmişdir. Məhkəmə inzibati xəta haqqında işin materiallarını tədqiq edib, barəsində inzibati xəta haqqında iş üzrə icraat aparılan şəxsi və protokol tərtib edən şəxsi dinləyərək, hesab edir ki, toplanmış sübutlarla Şəxs Azərbaycan Respublikası İXM-nin 510-cu maddəsində göstərilən inzibati xətanı törətməsində təqsirli olması sübuta yetir. Belə ki, Azərbaycan Respublikası İXM-nin 510-cu maddəsi xırda xuliqanlıq, yəni ictimai qaydanı pozan, fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati məsuliyyət nəzərdə tutur. İnzibati tənbeh növünü tətbiq edərkən məhkəmə törədilmiş xətanın xarakterini, Şəxs şəxsiyyətini, onun təqsirinin dərəcəsini və əmlak vəziyyətini, habelə məsuliyyətini yüngülləşdirən və ağırlaşdıran halları nəzərə alır. Məhkəmə inzibati xətanı törətməsindən səmimi peşmançılıq çəkməsini və ilk dəfə inzibati xəta törətməsini Şəxs məsuliyyətini yüngülləşdirən hal kimi hesab edir. İş materiallarına əsasən Şəxs inzibati məsuliyyətini ağırlaşdıran hallar müəyyən edilməmişdir. Törətdiyi inzibati xətanın hallarını nəzərə alaraq, məhkəmə hesab edir ki, Şəxs cərimə növündə inzibati tənbeh tətbiq etməklə, inzibati tənbehin məqsədlərinə nail olmaq mümkündür. Göstərilənlərə əsasən və Azərbaycan Respublikası İnzibati Xətalar Məcəlləsinin 112-115, 117 və 128-130-cu maddələrini rəhbər tutaraq məhkəmə, qəraraaldı: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanın törədilməsində təqsirli bilinsin və 50 (əlli) manat məbləğində inzibati qaydada cərimə edilsin. Qərardan onun surəti rəsmi qaydada təqdim edildiyi vaxtdan 10 gün müddətində qərarı qəbul etmiş hakim vasitəsilə Azərbaycan Respublikası Sumqayıt Apellyasiya Məhkəməsinə şikayət və protest verilə bilər. Sədrlik edən: Vüqar Seyidov