Quba Rayon Məhkəməsi Qərar — İş №3(027)-963/2021

Azərbaycan Respublikası adından QƏRAR Quba şəhəri İş № 3(027)-963/2021 19.11.2021 QUBA RAYON MƏHKƏMƏSİ Hakim Məmmədov İlqar Aslan oğlunun sədrliyi, Hacıyev Əmiraslan Arif oğlunun katibliyi, Protokolu tərtib edən X1, Zərərçəkmiş şəxslər: X4, X8 və Zərərçəkmiş şəxs, Barəsində inzibati xəta haqqında iş üzrə icraat aparılan şəxs- Şəxs iştirakları ilə, 20.061993-cü ildə Quba rayonu Alekseyevka kəndində anadan olmuş, Azərbaycan Respublikası vətəndaşı, evli, fərdi əməklə məşqul olan, orta təhsilli Quba rayonu İqriq kəndində qeydiyyatda olan və yaşayan Şəxs barəsində Quba rayon Polis Şöbəsindən daxil olmuş inzibati xəta haqqında protokollaraa və əlavə edilmiş sənədlərə baxaraq, məhkəmə Müəyyən etdi: Şəxs 27.10.2021-ci il tarixində saat 15:00 radələrində Quba rayonu İqriq kəndində bağ sahəsindən Zərərçəkmiş şəxs məxsus 2800 kq, 140 manat dəyərində alma oğurlamşdır. Şəxs 01.11.2021-ci il tarixində saat 15: 00-da Quba rayonu Qəcər-Zeyid kənd sakini X6 məxsus 140 manat pulu mənimsəmiş və X2 məxsus 308 manat dəyərində “Samsunq” mobil telefonu oğurlamşdır. Məhkəmədə inzibati xəta haqqında protokol tərtib edən şəxs X3 bildirdi ki, Şəxs 27.10.2021-ci il tarixində saat 15:00 radələrində Quba rayonu İqriq kəndində bağ sahəsindən vətəndaş Zərərçəkmiş şəxs məxsus 2800 kq, 140 manat dəyərində almanı, 01.11.2021-ci il tarixində saat 15:00-da Quba rayonu Qəcər-Zeyid kənd sakini vətəndaş X6 məxsus 140 manatını mənimsəmiş və X2 məxsus 308 manat dəyərində “Samsunq” mobil telefonu oğurlamşdır. Protokolu təhqiqat qərarına əsasən tərtib etmişdir. Məhkəmədə barəsində inzibati xəta haqqında iş üzrə icraat aparılan şəxs Şəxs özünü təqsirli bilərək bildirdi ki, 27.10.2021-ci il və 01.11.2021-ci il tarixlərində baş verən hadisədə özünü təqsirli bilir, əməlindən peşmandır, bir daha bu cür hərəkətlərə yol verməyəcək. Ona yüngül cəza verilməsini məhkəmədən xahiş etdi. Məhkəmədə zərərçəkmiş şəxs X4 bildirdi ki, 01.11.2021-ci il tarixində saat 07:30-da Quba rayonu Paşa-oba kəndinə fəhlə kimi iş tutmaq üçün gedib, Təbriz də orda olub. Təbriz ona Zərdabi kəndində yeşiyi 50 qəpikdən alma düzümü işi olduğunu deyib. Təbriz alıcı olub, onların pulunu da sonda o verməli olub. Təbriz ondan telefonunu istəyib ki, zəng eləsin onların pulunu gətirsinlər, Telefonu ona verib. Bununla da Təbriz telefonu götürüb çıxıb gedib. Telefonuna arxa rezin qoruyucu keçirib, telefonla rezin qoruyucu arasında 100 manat ehtiyyat pulu da olub. Yəqin o pulu da götürüb. Dəymış ziyanı tələb edir. Məhkəmədə zərərçəkmiş şəxs X8 bildirdi ki, Şəxs onun 140 manat puluu mənimsəyib və ona dəyən ziyanı tələb edir. Məhkəmədə Zərərçəkmiş şəxs bildirdi ki, Şəxs ona məxsus çəpəri olmayan bağ sahəsindən 35 kq olan 80 kisə, 2800 kq almanı oğurlamış meyvə emalı zavoduna satıb və ona 140 manat ziyan dəyib. Dəymiş ziyanı tələb edir. Məhkəmə protokolu tərtib etmiş şəxsi, barəsində inzibati xəta haqqında iş üzrə icraat aparılan şəxsi və zərərçəkmiş şəxləri dinləyib, təqdimatı və işdə olan materialları tədqiq edərək hesab edir ki, Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsi sübuta yetirilir. Azərbaycan Respublikasının İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə-yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Qeyd: Bu Məcəllənin 227-ci maddəsi həmin maddədə göstərilən əməllər Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olmadıqda tətbiq edilir Azərbaycan Respublikası İnzibati Xətalar Məcəlləsinin 111.3-cü maddəsinə görə inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokola daxil olduğu gün baxılır. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini, o cümlədən Azərbaycan Respublikasının İnzibati Xətalar Məcəlləsinin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Məhkəmə Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 227-ci maddəsinin sanksiyasında nəzrədə tutulmuş həbs növündə inzibati tənbeh tədbirinin tətbiq edilməsi məqsədəmüvafiqdir. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 227, 109-112 və 113-114-cü maddələrini rəhbər tutaraqё məhkəmə Qərara aldı : Şəxs Azərbaycan Respublikası İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanın törədilməsində təqsirli bilinib 1 (bir) ay müddətinə inzibati həbs edilsin. Həbsin əvvəli 19 noyabr 2021-ci il tarixdə saat 01:50-dən hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti rəsmi qaydada təqdim edildiyi və ya alındığı gündən 10 gün müddətində Quba Rayon Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən:İlqar Məmmədov