Quba Rayon Məhkəməsi Qərardad — İş №3(027)-973/2025

Azərbaycan Respublikası adından QƏRARDAD Quba şəhəri İş № 3(027)-973/2025 13.10.2025 QUBA RAYON MƏHKƏMƏSİ Mən, Quba Rayon Məhkəməsinin hakimi Məmmədov Samir Əlibala oğlu, Şəxs barəsində Azərbaycan Respublikası İnzibati Xətalar Məcəlləsinin 510 və 227-ci maddələri ilə nəzərdə tutulan inzibati xətanı törətməsinə dair Quba RPŞ-dən daxil olmuş inzibati xəta haqqında protokollar üzrə 3(027)-973/2025 və 3(027)-974/2025 nömrəli inzibati xəta haqqında işləri nəzərdən keçirib MÜƏYYƏN ETDİM: Quba Rayon Polis Şöbəsindən daxil olan inzibati xəta haqqında materiallara əsasən, Şəxs 2025-ci ilin aprel ayında dayısı Kamilin şəxsiyyət vəsiqəsindən istifadə edərək “Azpulmanat”dan 100 manat, “Payonis”dən 120 manat götürərək mənimsəmişdir. Bununla da, onun barəsində Azərbaycan Respublikasının İXM-nin 227-ci maddəsi ilə inzibati xətanın törətməsini nəzərdə tutan MN № ******* nömrəli, xx.xx.2025-ci il tarixli həmin İXH protokol tərtib olunmuşdur. Bundan başqa inzibati xəta haqqında xx.xx.2025-ci il tarixli MN seriyalı ******* nömrəli protokola əsasən Şəxs xx.xx.2025-ci il tarixdə günorta saatlarında Quba RMX-nın qarşısında ucadan nalayiq ifadələr səsləndirimişdir. Hesab edirəm ki, Şəxs oğlunun eyni vaxtlarda törətdiyi göstərilən inzibati xətalara dair işlər bir icraatda birləşdirilərək eyni vaxtda baxılmalıdır. Belə ki, Azərbaycan Respublikası İnzibati Xətalar Məcəlləsinin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Həmin Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Beləliklə, hesab edirəm ki, Şəxs barəsində Azərbaycan Respublikası İXM-in 510-cu maddəsi ilə xx.xx.2025-ci il tarixli MN № ******* nömrəli və Azərbaycan Respublikası İXMin 227-ci maddəsi ilə 3.10.2025-ci il tarixli MN seriyalı ******* nömrəli inzibati xəta haqqında işlər 3(027)-974/2025 nömrə altında bir icraatda birləşdirilərək eyni vaxtda baxılmalıdır. Şərh olunanlara əsasən və Azərbaycan Respublikası İXM-nin 40.0.1, 43, 48-51, 53, 55, 114.2.3, 115,128-130 maddələrini rəhbər tutaraq, QƏRARA ALDİM: Şəxs barəsində Azərbaycan Respublikası İXM-in 510-cu maddəsi ilə xx.xx.2025-ci il tarixli MN № ******* nömrəli və Azərbaycan Respublikası İXM-in 227-ci maddəsi ilə 3.10.2025-ci il tarixli MN seriyalı ******* nömrəli inzibati xəta haqqında işlər 3(027)- 974/2025 nömrə altında bir icraatda birləşdirilərək eyni vaxtda baxılsın. Hakim: Samir Məmmədov