Quba Rayon Məhkəməsi Qərar — İş №3(027)-975/2023

Azərbaycan Respublikası adından QƏRAR Quba şəhəri İş № 3(027)-975/2023 11.05.2023 QUBA RAYON MƏHKƏMƏSİ Hakim Babayev Aydın Vahid oğlunun sədrliyi, Hacıyev Əmiraslan Arif oğlunun katibliyi, Zərərçəkmiş şəxs, Protokol tərtib edən Quba RŞ-nin İTB-nin polis sahə rəisi X1, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1964-cü ildə Quba rayonunda anadan olmuş, Azərbaycan Respublikası vətəndaşı, orta təhsilli, ailəli, işləməyən, Quba rayonu, Afurca kəndində qeydiyyatda olan və həmin kənddə yaşayan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsilə Quba rayon Polis şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə müəyyənetdi: xx.xx.2023-cü il tarixli, MN ******* nömrəli inzibati xəta haqqında protokola əsasən Şəxs xx.xx.2023-cü il tarixdə, saat 18:00 radələrində Quba rayon Afurca kənd körpüsünün yanında Zərərçəkmiş şəxs, polisin və dövlət hakimiyyəti orqanlarının ünvanına ünvansız söyüşlər söymüşdür. Məhkəmə iclasında protokol tərtib edən X3 izahatında bildirmişdir ki, Şəxs xx.xx.2023-cü il tarixdə, saat 18:00 radələrində Quba rayon Afurca kənd körpüsünün yanında Zərərçəkmiş şəxs, polisin və dövlət hakimiyyəti orqanlarının ünvanına ünvansız söyüşlər söydüyü üçün barəsində protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan Şəxs özünü qismən təqsirli bilərək izahatında bildirmişdir ki, özü xəstədi, bədənində qəlpə yarası olduğundan dərman içir. Amillə aralarında suya müdaxiləyə görə əvvəldən narazılıq olmuşdur və Amil ondan DİN “102” xidmətinə zəng edərək şikayət etmişdir. O da bundan əsəbləşərək Amilə hərəkətinə görə iradını bildirdikdə, Amil onu söydüyü üçü o da Amili söymüşdür. Ətrafda kənar şəxslər və çəkiiliş olmamışdır. Polisin və dövlət hakimiyyəti orqanlarının ünvanına söyüş söyməmişdir. Ümumilikdə narazılıq ifadə edərək ünvansız söyüşlər söymüşdür. Məhkəmə iclasında Zərərçəkmiş şəxs izahatında bildirmişdir ki, o körpünün yaxınlığında olarkən İlham ona yaxınlaşıb ondan DİN “102” xismətinə etdiyi zəngə görə iradını dedikdə, o haqlı olduğunu cavab vermiş və İlham bundan əsəbləşərək onun, polisin və dövlət hakimiyyəti orqanlarının ünvanına söyüşlər söymüşdür. Həmin vaxt ətrafda tanımadığı vətəndaşlar da olmuşlar. Şəxs barəsində qanuni tətbir görülməsini xahiş etdi. Məhkəmə iclasında şahid X2 izahatında bildirmişdir ki, İlhamla Amilin aralarında su ilə bağlı əvvəldən narazılıq olmuş və Amil İlham barədə DİN “102” xidmətinə zəng edərək şikayət etmişdir. xx.xx.2023-cü ildə İlham bundan əsəbləşərək Amilə hərəkətinə görə iradını bildirdikdə, Amil onu söydüyü üçü o da Amili söymüşdür. O hadisənin şahidi olduğu anadək artıq mübahisə baş vermiş və sakitləşməkdə olmuşlar. İlham ümumilikdə narazılıq ifadə edərək ünvansız söyüşlər söymüşdür. Məhkəmə protokol tərtib edən şəxsi və barəsində inzibati xəta haqqında iş üzrə icraat aparılan şəxsi dinləyib, inzibati xəta haqqında iş materiallarını araşdıraraq və sübutları tədqiq edərək belə nəticəyə gəlir ki, Şəxs fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən, lakin ictimai qaydanı pozan hərəkətlərlə Azərbaycan Respublikası İXM-nin 510-cu maddəsi ilə nəzərdə tutulmuş inzibati xətanı törətmişdir və onun əməli düzgün olaraq Azərbaycan Respublikasının İnzibati Xətalar Məcəlləsinin 510-cu maddəsi ilə tövsif olunmuşdur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. AR İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 32.2-ci maddəsinə əsasən səmimi peşmançılığı və ilk dəfə inzibati məsuliyyətə cəlb edilməsi məsuliyyəti yüngülləşdirən hallar kimi müəyyən olunmuşdur. Azərbaycan Respublikası İnzibati Xətalar Məcəlləsinin 33-cü maddəsinə əsasən məsuliyyəti ağırlaşdıran hal müəyyən olunmamışdır. Şərh edilənləri nəzərə alaraq, məhkəmə inzibati xəta törətmiş Şəxs barəsində inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini xarakretizə edən halları, onun təqsirinin dərəcəsi, əmlak vəziyyətini nəzərə alaraq barəsində cərimə növündə inzibati tənbeh tətbiq edilməsini tənbehin məqsədləri baxımından məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114-115-ci və 130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 510-cu maddəsilə nəzərdə tutulmuş inzibati xətanı törətməkdə təqsirli bilinərək 50 (əlli) manat məbləğində cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə Quba Rayon Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Aydın Babayev