Qusar Rayon Məhkəməsi Qərar — İş №3(029)-166/2025

Azərbaycan Respublikası adından QƏRAR Qusar şəhəri İş № 3(029)-166/2025 26.05.2025 QUSAR RAYON MƏHKƏMƏSİ Hakim Cəlilov Əli İsa oğlunun sədrliyi ilə, xx.xx.1991-ci ildə Qusar rayonunda anadan olmuş, Azərbaycan Respublikasının vətəndaşı, evli, ünvan 1 ünvanda yaşayan, işləməyən Şəxs barəsində Azərbaycan Respublikası DİN Yasamal RPİ-dən daxil olmuş Azərbaycan Respublikası İXM-nin 529.3cü maddəsi ilə tərtib edilmiş inzibati xəta haqqında işin materiallarını nəzərdən keçirərək məhkəmə, Müəyyən etdi: Təqdim edilmiş inzibati xəta haqqında protokoldan və ona əlavə olunmuş sənədlərdən görünür ki, xx.xx.2025-ci il tarixli, İXP seriyalı, ******* nömrəli inzibati xəta haqqında protokoldan və ona əlavə edilmiş sənədlərin surətindən görünür ki, Şəxs xx.xx.2024-cü il tarixdə “AUDİ A6 MİNİK” markalı, **-AK-*** dövlət qeydiyyat nişanlı avtomobili idarə edərkən Azərbaycan Respublikası İnzibati Xətalar Məcəlləsinin 346.4-cü maddəsi ilə məsuliyyət nəzərdə tutulan xx.xx.2024-cü il tarixli, EQ seriyalı, 24205991 nömrəli inzibati xəta haqqında protokol tərtib edilərək 10 manat cərimə olunmuşdur. Lakin Şəxs qanunla müəyyən edilmiş əsaslar olmadan 03 ay müddətinə cəriməni ödəməmişdir. Həmin faktla bağlı DİN Yasamal rayon DYPŞ-nin polis leytenantı X1 tərəfindən Şəxs barəsində Azərbaycan Respublikasının İXM-nin 529.3-cü maddəsi ilə xx.xx.2025-ci il tarixli, İXP seriyalı, ******* nömrəli inzibati xəta haqqında protokol tərtib olunaraq baxılması üçün Qusar rayon məhkəməsinə göndərilmişdir. Məhkəmə iş materiallarını tədqiq edərək hesab edir ki, Şəxs barəsində Azərbaycan Respublikası İXM-nin 529.3-cü maddəsi ilə başlanılmış icraata xitam verilməldiri. Belə ki, iş materiallarının tədqiqi zamanı müəyyən edilmişdir ki, eyni fakt üzrə Qusar rayon məhkəməsinin 3(029)-164/2025 saylı, xx.xx.2025-ci il tarixli icraata xitam verilməsi haqqında qərarı vardır. Həmin qərara əsasən Şəxs barəsində Azərbaycan Respublikası İXM-nin 529.3-cü maddəsi ilə başlanılmış icraata həmin maddənin qeyd hissəsinə əsasən, cəriməni dəbbə pulu ilə birlikdə tam şəkildə ödədiyindən xitam verilmişdir. Belə olan halda məhkəmə hesab edir ki, şəxs barəsində eyni fakt üzrə 2 protokol tərtib olunduğundan və ilk protokol üzrə başlanılmış icraata xitam verilməsi haqqında ləğv edilməmiş məhkəmə qərarı olduğundan hazırki iş üzrə icraata xitam verilməlidir. Azərbaycan Respublikası İXM-nin 53.1.7-ci maddəsinə əsasən barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Azərbaycan Respublikası İXM-nin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Odur ki, məhkəmə yuxarıda göstərilən əsaslara görə Yasamal rayon DYPŞ-nin Şəxs barəsində Azərbaycan Respublikası İXM-nin 529.3-cü maddəsi ilə başlanılmış icraata xitam verilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 105.1-ci maddəsini rəhbər tutaraq, Qərara aldı: Şəxs barəsində Azərbaycan Respublikası İXM-nin 529.3-cü maddəsi ilə başlanılmış inzibati xəta haqqında icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Qərardan apellyasiya qaydasında şikayət və protest verilmədikdə qərardan şikayətin verilməsi müddətinin bitdiyi gün qərar qanuni qüvvəyə minir. Hakim: Əli Cəlilov