Qusar Rayon Məhkəməsi Qərar — İş №3(029)-206/2025

Azərbaycan Respublikası adından QƏRAR Qusar şəhəri İş № 3(029)-206/2025 09.07.2025 QUSAR RAYON MƏHKƏMƏSİ Hakim Cəlilov Əli İsa oğlunun sədrliyi Ağaliyev Hümmət Rahib oğlunun katibliyi ilə xx.xx.1984-cü ildə Şəmkir rayonunda anadan olmuş, Şəmkir rayonu, Dəllər Cırdaxan kəndində qeydiyyatda olmaqla yaşayan, evli, sürücü işləyən, orta təhsilli Şəxs haqqında Azərbaycan Respublikasının İXM-nin 482.1-ci maddəsi ilə Azərbaycan Respublikası Dövlət Gömrük Komitəsi Xaçmaz Gömrük İdarəsindən daxil olmuş inzibati xəta haqqında materiallara Qusar rayon məhkəməsinin binasında açıq məhkəmə baxışı iclasında baxaraq, məhkəmə Müəyyən etdi: Təqdim edilmiş inzibati xəta haqqında protokoldan və ona əlavə olunmuş sənədlərdən görünür ki, xx.xx.2025-ci il tarixdə, saat 04:00-da Rusiya Federasiyası istiqamətindən Samur gömrük postunun idxal gömrük nəzarəti xəttinə daxil olan Azərbaycan Respublikası vətəndaşı Şəxs idarə etdiyi “VOLVO” markalı, 99VZ757/99ZF747 dövlət qeydiyyat nişanlı nəqliyyat vasitəsinə keçirilmiş gömrük yoxlaması zamanı, nəqliyyat vasitəsinin yük yerinin sağ tərəfində yerləşən əşyalar qoymaq üçün nəzərdə tutulmuş yerdən, nəqliyyat vasitəsinin kabinasının sağ və sol tərəfindəki əşyaları qoymaq üçün nəzərdə tutulmuş yerdən gömrük nəzarətinə bəyan edilməyən 3 qutu “Monocryl W3201 4-0” markalı, 3 qutu “Monocryl W3224 6-0” markalı, 11 qutu “Monocryl W3447 3-0” markalı, 2 qutu “Ethicon W9125H 2-0” markalı, 2 qutu “Ethicon W9124H 3-0” markalı tibbi saplar aşkar olunaraq protokol əsasında götürülmüşdür. Faktla bağlı Xaçmaz Gömrük İdarəsinin, Əməliyyat və Təhqiqat şöbəsinin təhqiqatçısı, X1 tərəfindən Şəxs barəsində Azərbaycan Respublikasının İXM-nin 482.1-ci maddəsi ilə 04 iyun 2025-ci il tarixli, № 01400-04254/25 nömrəli protokol tərtib olunaraq baxılması üçün Qusar rayon məhkəməsinə göndərilmişdir. Azərbaycan Respublikası Gömrük Komitəsinin Xaçmaz Gömrük İdarəsinin nümayəndəsi və barəsində inzibati xəta haqqında iş üzrə icraat aparılan şəxs Şəxs məhkəmə iclasının yeri və vaxtı barədə lazımi qaydada xəbərdar edilmələrinə baxmayaraq məhkəmə iclasına gəlməmiş və gəlməmələri barədə məhkəməyə heç bir məlumat verməmişdir. Azərbaycan Respublikası İXM-nin 61.3 və 64.3-cü maddələrinə əsasən inzibati xəta haqqında işə barəsində inzibati xəta haqqında iş üzrə icraat aparılan şəxs Şəxs və Azərbaycan Respublikası Dövlət Gömrük Komitəsinin Xaçmaz Gömrük İdarəsinin nümayəndəsinin iştirakları olmadan baxılmasını mümkün hesab edir. İş üzrə materiallarda olan Azərbaycan Respublikası Ticarət və Sənayə Palatası “Azərekspertiza” Birliyinin 27 may 2025-ci il tarixli 021/25-X nömrəli ekspert rəyindən görünür ki, tədqiqata təqdim edilmiş 1.“Monocryl W3201 4-0” tibbi steril (monokril) sap 1 qutu-(12 ədədli)-120(yüz iyirmi) manat təşkil edir, 3 qutusunun cəmi qiyməti 360 manatdır. 2.“Monocryl W3224 6-0” tibbi steril (monokril) sap 1 qutu-120(yüz iyirmi) manat təşkil edir, 3 qutusunun cəmi qiyməti 360 manatdır. 3.“Monocryl W3447 3-0” tibbi steril (monokril) sap 1 qutu-110(yüz on) manat təşkil edir, 11 qutusunun cəmi qiyməti 1210 manatdır. 4.“Ethicon W9125H 2-0” tibbi steril (monokril) sap 1 qutu (36 ədədli)-320(üç yüz iyirmi) manat təşkil edir, 2 qutusunun cəmi 640 manatdır. 5.“Ethicon W9124H 3-0” tibbi steril (monokril) sap 1 qutu (36 ədədli)-330(üç yüz otuz) manat təşkil edir, 2 qutusunun cəmi 660 manatdır. İş materiallarını nəzərdən keçirib, məhkəmə hesab edir ki, Şəxs həmin hərəkəti ilə Azərbaycan Respublikasının İnzibati Xətalar Məcəlləsinin 482.1-ci maddəsində nəzərdə tutulan inzibati xətanı törətmişdir və onun barəsində inzibati tənbeh tətbiq edilməlidir. Belə ki, Azərbaycan Respublikasının vətəndaşı Şəxs 3 qutu “Monocryl W3201 4-0” markalı, 3 qutu “Monocryl W3224 6-0” markalı, 11 qutu “Monocryl W3447 3-0” markalı, 2 qutu “Ethicon W9125H 2-0” markalı, 2 qutu “Ethicon W9124H 3-0” markalı tibbi sapları gömrük orqanına bəyan etmədən Azərbaycan Respublikasının gömrük sərhədindən keçirmişdir. Barəsində inzibati xəta haqqında iş üzrə icraat aparılan şəxs Şəxs barəsində inzibati tənbeh tətbiq edilməsi məsələsi müzakirə edilərkən, məsuliyyəti yüngülləşdirən və ağırlaşdıran hallar müəyyən edilməmişdir. Barəsində inzibati xəta haqqında iş üzrə icraat aparılan Şəxs şəxsiyyətini və işin digər hallarını nəzərə alaraq onun barəsində inzibati tənbeh tədbiri olaraq inzibati xətanın bilavasitə obyekti olan predmetlərin müsadirəsinin tətbiq edilməsini məqsədə müvafiq hesab edir. Məhkəməyədək icraat zamanı inzibati xətanın bilavasitə obyekti olan 3 qutu “Monocryl W3201 4-0” markalı, 3 qutu “Monocryl W3224 6-0” markalı, 11 qutu “Monocryl W3447 3-0” markalı, 2 qutu “Ethicon W9125H 2-0” markalı, 2 qutu “Ethicon W9124H 3-0” markalı tibbi saplar müsadirə olunmalıdır. Azərbaycan Respublikasının İXM-nin 55.1, 55.1.1, 55.1.2-ci maddələrinə əsasən inzibati xətalar haqqında işlər üzrə məsrəflər: zərər çəkmişlərə, şahidlərə, onların qanuni nümayəndələrinə, hal şahidlərinə, ekspertlərə, mütəxəssislərə və tərcüməçilərə verilmiş məbləğlərdən; maddi sübutların saxlanılmasına, göndərilməsinə (daşınmasına) və tədqiq edilməsinə xərclənən məbləğlərdən ibarətdir. Həmin Məcəllənin 55.2-ci maddəsinə əsasən fiziki şəxslər barəsində inzibati xətalar haqqında işlər üzrə məsrəflər dövlət hesabına ödənilir. Hüquqi şəxslər barəsində inzibati xətalar haqqında işlər üzrə məsrəflər isə həmin şəxslərin üzərinə qoyulur. İş materiallarında olan məhkəmə ekspertiza xərclərinə dair bildirişdən görünür ki, ekspertiza xərci 40 (qırx) manat təşkil edir və dövlət hesabına ödənilməlidir Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 55, 114-115, 117, 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikasının İnzibati Xətalar Məcəlləsinin 482.1-ci maddəsi ilə təqsirli bilinsin, 3 qutu “Monocryl W3201 4-0” markalı, 3 qutu “Monocryl W3224 6-0” markalı, 11 qutu “Monocryl W3447 3-0” markalı, 2 qutu “Ethicon W9125H 2-0” markalı, 2 qutu “Ethicon W9124H 3-0” markalı tibbi saplar müsadirə edilsin. İş üzrə məhkəmə məsrəfləri 40 (qırx) manat dövlət hesabına ödənilsin. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Qərardan apellyasiya qaydasında şikayət və protest verilmədikdə qərardan şikayətin verilməsi müddətinin bitdiyi gün qərar qanuni qüvvəyə minir. Hakim: Əli Cəlilov