Qusar Rayon Məhkəməsi Qərar — İş №3(029)-228/2024

Azərbaycan Respublikası adından QƏRAR Qusar şəhəri İş № 3(029)-228/2024 25.09.2024 QUSAR RAYON MƏHKƏMƏSİ Hakim Cəlilov Əli İsa oğlunun sədrliyi X5 oğlunun katibliyi Barəsində inzibati xəta haqında inzibati xəta haqında iş üzrə icraat aparılan şəxs Şəxs, Qusar rayon İcra və Probasiya şöbəsinin böyük icra məmuru X1 iştirakları ilə, xx.xx.1977-ci ildə Qusar rayonunda anadan olmuş, Qusar şəhəri,Heydər Əliyev küçəsi ev 168, mənzil 30-da yaşayan, Azərbaycan Respublikasının vətəndaşı, evli, orta təhsilli, fərdi əməklə məşğul olan Şəxs haqqında Qusar rayon İcra və Probasiya şöbəsindən daxil olmuş inzibati xəta haqqında iş üzrə materiallara açıq məhkəmə iclasında baxaraq, məhkəmə Müəyyən etdi: Təqdim edilmiş inzibati xəta haqqında protokoldan və ona əlavə olunmuş sənədlərdən görünür ki, Şəxs Qusar rayon Məhkəməsinin xx.xx.2021-ci il tarixli 2(029)- 611/2021 saylı icra sənədinə əsasən "xxxx" MMC-yə olan 8669,87 manat borcunu ödəməkdən qərəzəli olaraq yayınır. Həmin faktla bağlı Qusar rayon İcra və Probasiya Şöbəsi tərəfindən Şəxs barəsində Azərbaycan Respublikasının İXM-nin 528.1-ci maddəsi ilə xx.xx.2024-cü il tarixli MN № ******* saylı inzibati xəta haqqında protokol tərtib olunmuş və baxılması üçün həmin tarixdə Qusar rayon məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs protokol üzrə özünü təqsirli bilərək izahatında göstərmişdir ki, məhkəmə qətnaməsindən xəbəri olmuş, lakin 2 il ərzində işsiz olduğu üçün borcu ödəyə bilməmişdir. Hal-hazırda çörək sexində sürücü işləyir, 350 manat əmək haqqı alır. Övladlarına toy etmiş, həmin toy məclisinə görə borcu yaranmışdır, bugünki tarixə qədər həmin borcu ödəyir. Borcu ödədikdən sonra, qətnamədə göstərilən borcu ödəyəcəyini bildirmişdir. Məhkəmə iclasında Qusar rayon İcra və Probasiya şöbəsinin böyük icra məmuru X2 protokolda göstərilənləri müdafiə etmiş, iş üzrə qəbul ediləcək qərarın məhkəmənin mülahizəsinə buraxdığını bildirmişdir. İş materiallarında olan Qusar rayon İcra və Probasiya Şöbəsi tərəfindən borclu Şəxs ünvanlanmış xx.xx.2021-ci il tarixli bildirişin surətindən görünür ki, xx.xx.2021-ci il tarixli 2(029)-611/2021 saylı icra sənədi üzrə tələbin könüllü icra edilməsi üçün həmin şəxsə 10 gün müddət verilmişdir. İş materiallarında olan Şəxs barəsində olan elektron çıxarışın surətindən görünür ki, onun mülkiyyətində tələbin yönəldilə biləcəyi əmlakı və gəlirləri yoxdur. Beləliklə, məhkəmə, iş materiallarını nəzərdən keçirib, hesab edir ki, Şəxs heç bir üzürlü səbəb olmadan yuxarıda göstərilən icra sənədi üzrə borcunu ödəməyərək icra vərəqəsini icra etməmiş, bununla da o, həmin hərəkəti ilə Azərbaycan Respublikasının İXM-nin 528.1-ci maddəsində nəzərdə tutulan inzibati xətanı törətmişdir və onun barəsində inzibati tənbeh tətbiq edilməlidir. Məhkəmə araşdırması zaman məlum olmuşdur ki, Şəxs borcu olması barədə məhkəmə aktından məlumatı olmuşdur. Hal hazırda işləyir və hər ay 350 manat əmək haqqı aldığı halda məhkəmə qətnaməsini icra etməmiş və aylıq qazancından pul yığaraq övladlarına toy etmişdir. Belə olan halda məhkəmə hesab edir ki, Şəxs xx.xx.2021-ci il tarixli 2(029)-611/2021 saylı icra sənədi üzrə borcunu ödəməkdən qərəzli yayınmışdır. Məhkəmə hesab edir ki, Şəxs məhkəmə qərarını icra etməli olduğu halda həmin qərarı icra etməmişdir. Qərarın icrasının təxirə salınması, hissə-hissə ödənilməsi ilə bağlı məhkəməyə müraciət etməmişdir. Barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tətbiq edilməsi məsələsi müzakirə edilərkən məsuliyyəti yüngülləşdirən və ağırlaşdıran hallar müəyyən edilməmişdir. Məhkəmə barəsində inzibati xəta haqqında iş üzrə icraat aparılan şəxs Şəxs şəxsiyyətini və işin digər hallarını nəzərə alaraq onun barəsində inzibati tənbeh növü olaraq inzibati həbs tətbiq edilməsini məqsədə müvafiq hesab edir. Həmçinin, məhkəmə hesab edir ki, Şəxs hal-hazırda icra sənədi üzrə borcunun ödənilməsindən yayındığından barəsində təqsirləndirildiyi maddənin sanksiyasında nəzərdə tutulan daha yüngül inzibati tənbeh-yəni cərimə tətbiq edilərsə həmin cərimənin ödənilməsindən də yayına bilər və bununla da, tətbiq edilmiş inzibati tənbeh səmərəsiz olmaqla məqsədinə nail ola bilməz. Həmçinin cərimə tənbehi tətbiq edildiyi təqdirdə maddi məhrumiyyətlərə məruz qala bilər. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, Qərara aldı: Şəxs Azərbaycan Respublikasının İXM-nin 528.1-ci maddəsində nəzərdə tutulan inzibati xətanı törətməkdə təqsirli bilinərək, 10 (on) gün müddətə inzibati həbs edilsin. İnzibati həbs etmənin əvvəli xx.xx.2024-cü il tarixdən saat 17:13-dən hesablansın. Qərar dərhal icra edilsin. Qərarın icrası Qusar rayon Polis Şöbəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Hakim: Əli Cəlilov