Qusar Rayon Məhkəməsi Qərardad — İş №3(029)-240/2021

Azərbaycan Respublikası adından QƏRARDAD Qusar şəhəri İş № 3(029)-240/2021 08.05.2021 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu Şəxs haqqında Azərbaycan Respublikası Dövlət X1 Regional Reklam İdarəsindən daxil olmuş inzibati xəta haqqında materialları nəzərdən keçirib MÜƏYYƏN ETDİM: Təqdim edilmiş inzibati xəta haqqında protokoldan görünür ki, Qusar şəhəri Ç.Qurbanov küçəsi ünvanında yerləşən “Azercell SՖS Telekom” obyektinin fasadında müvafiq icazə olmadan açıq məkanda qanunsuz reklam yayımı faktı müəyyən edilmişdir. Həmin faktla bağlı Azərbaycan Respublikası Dövlət X1 Regional Reklam İdarəsi tərəfindən Şəxs barəsində Azərbaycan Respublikasının İXM-nin 428.7.1-ci maddəsi ilə 02 aprel 2021-ci il tarixli MN ******* saylı inzibati xəta haqqında protokol tərtib olunaraq baxılması üçün Qusar rayon məhkəməsinə göndərilmiş, həmin material 08 may 2021-ci il tarixdə məhkəməyə daxil olmuşdur. İş materiallarını araşdıraraq hesab edirəm ki, inzibati xəta haqqında protokol və ona əlavə olunmuş sənədlər protokolu tərtib etmiş orqana geri qaytarılmalıdır. Belə ki, Qusar rayon məhkəməsinin 13 aprel 2021-ci il tarixli 3(029)-197/2021 saylı qərardadı ilə inzibati xəta haqqında protokolda barəsində inzibati xəta haqqında iş üzrə icraat aparılan şəxs Şəxs haqqında məlumatlar-yəni onun nə vaxt, harada anadan olması, hansı ölkənin vətəndaşı olması, hansı ünvanda yaşaması, həmçinin törədilmiş inzibati xətanın hansı tarixdə törədilməsi və inzibati xəta faktının nə vaxt aşkar olunması göstərilmədiyindən həmin protokol və ona əlavə olunmuş sənədlər onu tərtib etmiş orqana geri qaytarılmışdır. Lakin, həmin inzibati xəta haqqında protokolda olan nöqsanlar aradan qaldırılmadan yenidən baxılması üçün məhkəməyə göndərilmiş və inzibati xəta haqqında protokolda göstərilməli olan həmin halların bir qismi protokolun məhkəməyə göndərilməsi məktubunda göstərilmişdir. Qeyd olunmalıdır ki, məhkəmə tərəfindən səlahiyyətli orqanın məktubuna deyil, şəxsin barəsində tərtib olunmuş inzibati xəta haqqında protokola baxılır və həmin vaxt həmin protokolun İXM-nin tələblərinə uyğun tərtib edilib-edilməməsi yoxlanılır. Bundan başqa, inzibati xəta haqqında protokola nəzər salınarkən məlum olmuşdur ki, inzibati xətanın törədildiyi yer-yəni “Azercell SՖS Telekom” obyektinin ünvan 1 ünvanda yerləşməsi dəqiq göstərilməmişdir. Azərbaycan Respublikasının İnzibati Xətalar Məcəlləsinin 100.1, 100.1.3, 100.1.4cü maddələrinə əsasən inzibati xəta haqqında protokolda barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi; inzibati xətanın törədildiyi yer, vaxt və bu xətanın mahiyyəti göstərilir. Həmin Məcəllənin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə qaytarılması barədə qərardad qəbul edilir. Beləliklə, iş materiallarını tam şəkildə araşdırıb belə qənaətə gəlirəm ki, Şəxs barəsində Azərbaycan Respublikasının İXM-nin 428.7.1-ci maddəsi ilə tərtib edilmiş inzibati xəta haqqında 02.04.2021-ci il tarixli MN ******* saylı protokol yenidən düzgün tərtib olunmadığından, həmçinin natamam olduğundan, bu səbəbdən də işə baxılarkən tamamlamaq mümkün olmadığından inzibati xəta haqqında protokol və ona əlavə olunmuş digər sənədlər onu tərtib etmiş X2 İdarəsinə geri qaytarılmalıdır. Şərh olunanlara əsaslanaraq və Azərbaycan Respublikasının İnzibati Xətalar Məcəlləsinin 100, 109-cu maddələrini rəhbər tutaraq, QƏRARA ALDİM: Şəxs barəsində Azərbaycan Respublikasının İXM-nin 428.7.1-ci maddəsi ilə tərtib edilmiş inzibati xəta haqqında 02.04.2021-ci il tarixli MN ******* saylı protokol və ona əlavə edilmiş sənədlər X2 İdarəsinə geri qaytarılsın.