Qusar Rayon Məhkəməsi Qərar — İş №3(029)-263/2022

Azərbaycan Respublikası adından QƏRAR Qusar şəhəri İş № 3(029)-263/2022 29.06.2022 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu, xx.xx.1952-ci ildə Qusar rayonu Hil kəndində anadan olmuş, həmin kənddə yaşayan, ailəli, orta təhsilli, işləməyən, Azərbaycan Respublikasının vətəndaşı Şəxs barəsində Qusar rayon Polis Şöbəsindən daxil olmuş inzibati xəta haqqında materiala Qusar rayon məhkəməsinin binasında açıq məhkəmə baxışı iclasında baxaraq, Müəyyən etdim: Təqdim edilmiş inzibati xəta haqqında protokoldan və ona əlavə olunmuş sənədlərdən görünür ki, Şəxs xx.xx.2022-ci il tarixdə saat 11:30 radələrində özünə məxsus olan VAZ 21214 markalı ** BG *** dövlət qeydiyyat nişanlı avtomobili Qusar-Həzrə yolunun 15-ci kilometrliyində hüquqsuz idarə edərkən əsas yolda hərəkətdə olan HYUNDAİ SONATA markalı ** ZE *** dövlət qeydiyyat nişanlı nəqliyyat vasitəsi ilə toqquşmuş, hadisə nəticəsində X2 məxsus HYUNDAİ SONTA FE markalı ** ZE *** dövlət qeydiyyat nişanlı nəqliyyat vasitəsinə maddi ziyan dəymişdir. Həmin faktla bağlı Qusar RPŞ-nin DYPB tərəfindən Şəxs barəsində Azərbaycan Respublikasının İXM-nin 332.4-cü maddəsi ilə İXP ******* saylı xx.xx.2022-ci il tarixli inzibati xəta haqqında protokol tərtib edilərək baxılması üçün Qusar rayon məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs inzibati xəta haqqında protokolda göstərilən xüsusatları tam təsdiq edərək izahatında göstərmişdir ki, həqiqətən də, o, xx.xx.2022-ci il tarixdə saat 11:30 radələrində özünə məxsus olan VAZ 21214 markalı ** BG *** dövlət qeydiyyat nişanlı avtomobili Qusar-Həzrə yolunun 15-ci kilometrliyində hüquqsuz idarə edərkən əsas yolda hərəkətdə olan HYUNDAİ SONTA FE markalı ** ZE *** dövlət qeydiyyat nişanlı nəqliyyat vasitəsi ilə toqquşmuş, hadisə nəticəsində X2 məxsus HYUNDAİ SONTA FE markalı ** ZE *** dövlət qeydiyyat nişanlı nəqliyyat vasitəsinə maddi ziyan dəymişdir. Onun sürücülük hüquq olmuş, lakin 07 fevral 2022-ci il tarixdə onun sürücülük hüququnun müddəti bitmişdir. Həmçinin, törətdiyi əməlindən səmimi peşmançılıq hissi keçirdiyini, zərər çəkmiş şəxsə dəymiş zərərin sığorta şirkəti tərəfindən ödəniləcəyini, 70-ə yaxın yaşının olduğunu göstərərək barəsində cərimə növündə inzibati tənbeh tətbiq edilməsini məhkəmədən xahiş etmişdir. Zərər çəkmiş şəxs X1 məhkəməyə ərizə göndərərək şəxsi işləri ilə bağlı məhkəmə iclasına gələ bilmədiyini göstərmiş və ona görə də, nəzərə alınmasını, məhkəmədən xahiş etmiş, həmçinin dəymiş maddi zərərin kasko sığortası tərəfindən ödəniləcəyini göstərmişdir. Azərbaycan Respublikasının İXM-nin 62.4-cü maddəsinə əsasən inzibati xəta haqqında işə həmin şəxsin iştirakı olmadan baxılmasını mümkün hesab edirəm. İş materiallarına əlavə edilmiş Şəxs adına verilmiş AE603871 saylı 07 fevral 2014-cüq il tarixli sürücülük vəsiqəsinin surətindən görünür ki, Şəxs “B” kateqoriyası üzrə sürücülük hüququ olmuş, lakin həmin sürücülük vəsiqəsi 07 fevral 2022-ci il tarixdə qüvvəsini itirmişdir. İş materiallarında olan Qusar rayon “VAZ” kooperativi tərəfindən verilmiş xx.xx.2022-ci il tarixli SMETA (haqqı hesab) Aktdan görünür ki, HYUNDAİ SONTA FE markalı ** ZE *** dövlət qeydiyyat nişanlı nəqliyyat vasitəsinə dəymiş maddi ziyan cəmi 600 (altı yüz) manat təşkil edir. Beləliklə, iş materiallarını tam şəkildə tədqiq edərək hesab edirəm ki, barəsində inzibati xəta haqqında iş üzrə icraat aparılan şəxs Şəxs nəqliyyat vasitəsini idarə etmək hüququ olmayan şəxs kimi həmin hərəkəti ilə Azərbaycan Respublikasının İXM-nin 332.4-cü maddəsində nəzərdə tutulan inzibati xətanı törətmişdir və onun barəsində inzibati tənbeh tətbiq edilməlidir. Barəsində inzibati xəta haqqında iş üzrə icraat aparılan şəxs Şəxs barəsində inzibati tənbeh tətbiq edilməsi məsələsi müzakirə edilərkən, onun əməlindən səmimi peşmançılıq hissi keçirməsi məsuliyyəti yüngülləşdirən hal kimi qəbul edilir, məsuliyyəti ağırlaşdıran hallar isə müəyyən edilməmişdir. Barəsində inzibati xəta haqqında iş üzrə icraat aparılan şəxs Şəxs şəxsiyyətini, işdə məsuliyyəti yüngülləşdirən halı və işin digər hallarını nəzərə alaraq onun barəsində təqsirləndirildiyi maddənin sanksiyasında nəzərdə tutulan cərimənin tətbiq edilməsini məqsədəmüvafiq hesab edirəm. Zərər çəkmiş şəxs X2, ona dəymiş maddi ziyanın ödənilməsi üçün mülki qaydada iddia ərizəsi ilə müvafiq məhkəməyə müraciət etmək hüququ izah edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, Qərara aldım: Şəxs Azərbaycan Respublikasının İnzibati Xətalar Məcəlləsinin 332.4-cü maddəsində nəzərdə tutulan inzibati xətanı törətməkdə təqsirli bilinib, 400 (dörd yüz) manat miqdarda cərimə edilsın. Zərər çəkmiş şəxs X2 izah edilsin ki, ona dəymiş maddi ziyanın ödənilməsi üçün mülki qaydada iddia ərizəsi ilə müvafiq məhkəməyə müraciət edə bilər. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Qərardan apellyasiya qaydasında şikayət və protest verilmədikdə qərardan şikayətin verilməsi müddətinin bitdiyi gün qərar qanuni qüvvəyə minir. Qusar rayon məhkəməsinin hakimi: Adil Vəliyev