Qusar Rayon Məhkəməsi Qərardad — İş №3(029)-312/2024

Azərbaycan Respublikası adından QƏRARDAD Qusar şəhəri İş № 3(029)-312/2024 20.12.2024 QUSAR RAYON MƏHKƏMƏSİ Qusar rayon Məhkəməsinin hakimi Cəlilov Əli İsa oğlunun sədrliyi, X1 barəsində Azərbaycan Respublikası DİN Quba RPŞ tərərindən tərtib edilmiş TP ******* nömrəli xx.xx.2024-cü il tarixli qərardan verilmiş şikayət ərizəsinə açıq məhkəmə iclasında baxaraq məhkəmə MÜƏYYƏN ETDİ: X3 məhkəməyə ərizə təqdim edərək, barəsində Azərbaycan Respublikası DİN Quba RPŞ tərərindən Azərbaycan Respublikası İXM-nin 327.2-ci maddəsi ilə tərtib edilmiş TP ******* nömrəli xx.xx.2024-cü il tarixli qərarın ləğv edilməsini məhkəmədən xahiş etmişdir. Məhkəmə təqdim olunmuş ərizə və ona əlavə olunmuş sənədləri tədqiq edərək hesab edir ki, həmin şikayət ərizəsi geri qaytarılmalıdır. Belə ki, məhkəmə iş materiallarını tədqiqi zamanı müəyyən etmişdir ki, şikayətçi X3 şikayət ərizəsində və ona əlavə olunmuş sənədlərdə TP ******* nömrəli xx.xx.2024-cü il tarixli qərarı hansı xx.xx.2024-cü il tarixdə almış, şikayəti isə xx.xx.2024-cü il tarixdə vermişdir. İnzibati xəta haqqında qərardan şikayət verilmə müddəti 20 gün nəzərdə tutulmasına baxmayaraq şikayətçi ötürülmüş müddətin üzrlü sayılması barədə vəsatəti ərizəsinə əlavə etməmişdir. Belə olan halda məhkəmə hesab edir ki, həmin qərardan ötürülmüş şikayət vermə müddətinin üzrlü hesab edilməsi barədə vəsatət əlavə edilmədiyindən şikayət ərizəsi ona əlavə edilmiş sənədlərlə birlikdə geri qaytarılmalıdır. Azərbaycan Respublikası İnzibati Xətalar Məcəlləsi: 57.1-ci maddəsinə əsasən İnzibati xətalar haqqında işlər üzrə icraatın iştirakçılarına bu Məcəllədə müəyyən edilmiş hallarda inzibati xətalar haqqında işlər üzrə sənədlər (qərarlar, qərardadlar, protokollar, bildirişlər) hakim və ya səlahiyyətli orqan (vəzifəli şəxs) tərəfindən “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi ilə çatdırılır, yaxud səlahiyyətli vəzifəli şəxs tərəfindən şəxsən verilir. Sifarişli poçt göndərişi - göndərilmək üçün qəbul olunduğuna dair istifadəçiyə qəbz verilməsi, çatdırılarkən isə ünvan sahibinin müvafiq sənədi imzalaması tələb olunan poçt göndərişidir. Sənədin çatdırılmasını hakim məhkəmə işçisinə, səlahiyyətli orqan isə müvafiq orqanın əməkdaşına tapşıra bilər. 106-cı maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən aşağıdakı məsələləri həll edir: işin baxılması onun səlahiyyətinə aiddirmi; işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu; inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi; işin icraatını rədd edən hallar mövcuddurmu; mahiyyəti üzrə baxılması üçün işdə kifayət qədər sübutlar toplanmışdırmı; işə baxılmasının yeri və vaxtı barədə işdə iştirak edən şəxslər məlumatlandırılıbmı; iş üzrə vəsatətlər və etiraz etmə vardırmı. 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda və işə baxılarkən tamamlamaq mümkün olmadıqda ,inzibati xətalar haqqında protokolun və ya digər sənədlərin onu tərtib etmiş orqana,vəzifəli şəxsə geri qaytarılması barədə qərardad qəbul edilir. Maddə 126. İnzibati xəta haqqında iş üzrə qərardan şikayətə baxılma qaydası 126.1. Barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər. Yuxarıda göstərilənlərə əsasən məhkəmə hesab edir ki, şikayətçi X1 şikayət ərizəsi natamamdır. Bunları nəzərə alaraq məhkəmə hesab edir ki, şikayət ərizəsi ona əlavə olunmuş sənədlərə birgə X2 geri qaytarılmalıdır. Qeyd olunanlara və Azərbaycan Respublikasının İXM-nin 417 və 420-ci maddələrinə əsasən , QƏRARA ALDİM: X1 barəsində Azərbaycan Respublikası DİN Quba RPŞ tərərindən tərtib edilmiş TP ******* nömrəli xx.xx.2024-cü il tarixli qərardan verilmiş şikayət ərizəsi ona əlavə edilmiş sənədlərlə birlikdə X2 geri qaytarılsın. Qərardaddan şikayət verilə bilməz. Hakim: Əli Cəlilov