Qusar Rayon Məhkəməsi Qərardad — İş №3(029)-388/2025

Azərbaycan Respublikası adından QƏRARDAD Qusar şəhəri İş № 3(029)-388/2025 09.10.2025 QUSAR RAYON MƏHKƏMƏSİ Qusar rayon Məhkəməsinin hakimi Cəlilov Əli İsa oğlunun sədrliyi, X1 barəsində Azərbaycan Respublikası DİN BDYPİ-nin EQ 29828044 nömrəli, xx.xx.2025-ci il tarixli qərarından X3 tərəfindən verilmiş şikayət ərizəsinə baxaraq məhkəmə MÜƏYYƏN ETDİ: X3 məhkəməyə şikayət ərizəsi təqdim edərək, barəsində Azərbaycan Respublikası DİN BDYPİ-nin EQ 29828044 nömrəli, xx.xx.2025-ci il tarixli qərarı qərarın ləğv edilməsini xahiş etmişdir. Məhkəmə təqdim olunmuş ərizə və ona əlavə olunmuş sənədləri tədqiq edərək hesab edir ki, həmin ərizə geri qaytarılmalıdır. Belə ki, iş materiallarının tədqiqi zamanı müəyyən edilmişdir ki, X3 tərəfindən qərardan şikayət vermək üçün nəzərdə tutulmuş prosessual müddətin ötürüldüyü məlum olsada həmin ötürülmüş müddətin bərpası barədə vəsatət əlavə etməmişdir. Belə olan halda məhkəmə ərizəni natamam hesab edir və ərizənin onu tərtib etmiş şəxs X2 geri qaytarılmasını məqsədə müvafiq hesab edir. Azərbaycan Respublikası İnzibati Xətalar Məcəlləsi: 57.1-ci maddəsinə əsasən İnzibati xətalar haqqında işlər üzrə icraatın iştirakçılarına bu Məcəllədə müəyyən edilmiş hallarda inzibati xətalar haqqında işlər üzrə sənədlər (qərarlar, qərardadlar, protokollar, bildirişlər) hakim və ya səlahiyyətli orqan (vəzifəli şəxs) tərəfindən “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi ilə çatdırılır, yaxud səlahiyyətli vəzifəli şəxs tərəfindən şəxsən verilir. Sifarişli poçt göndərişi - göndərilmək üçün qəbul olunduğuna dair istifadəçiyə qəbz verilməsi, çatdırılarkən isə ünvan sahibinin müvafiq sənədi imzalaması tələb olunan poçt göndərişidir. Sənədin çatdırılmasını hakim məhkəmə işçisinə, səlahiyyətli orqan isə müvafiq orqanın əməkdaşına tapşıra bilər. 106-cı maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən aşağıdakı məsələləri həll edir: işin baxılması onun səlahiyyətinə aiddirmi; işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu; inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi; işin icraatını rədd edən hallar mövcuddurmu; mahiyyəti üzrə baxılması üçün işdə kifayət qədər sübutlar toplanmışdırmı; işə baxılmasının yeri və vaxtı barədə işdə iştirak edən şəxslər məlumatlandırılıbmı; iş üzrə vəsatətlər və etiraz etmə vardırmı. 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda və işə baxılarkən tamamlamaq mümkün olmadıqda ,inzibati xətalar haqqında protokolun və ya digər sənədlərin onu tərtib etmiş orqana,vəzifəli şəxsə geri qaytarılması barədə qərardad qəbul edilir. Yuxarıda göstərilənlərə əsasən məhkəmə hesab edir ki, şikayətçi X1 ərizəsi natamam olduğundan məhkəmə hesab edir ki, ərizə və ona əlavə olunmuş sənədlərə birgə X2 geri qaytarılmalıdır. Qeyd olunanlara və Azərbaycan Respublikasının İXM-nin 417 və 420-ci maddələrinə əsasən, QƏRARA ALDİM: X1 barəsində Azərbaycan Respublikası DİN BDYPİ-nin EQ 29828044 nömrəli, xx.xx.2025-ci il qərarından verilmiş şikayət ərizəsi ona əlavə edilmiş sənədlərlə birlikdə X2 geri qaytarılsın. Qərardaddan şikayət verilə bilməz. Hakim: Əli Cəlilov