Qusar Rayon Məhkəməsi Qərar — İş №3(029)-415/2022

Azərbaycan Respublikası adından QƏRAR Qusar şəhəri İş № 3(029)-415/2022 17.11.2022 QUSAR RAYON MƏHKƏMƏSİ Qusar rayon məhkəməsinin hakimi Cəlilov Əli İsa oğlu, xx.xx.2000-ci ildə Qusar rayonunda anadan olmuş, Qusar rayonu Böyük Muruq kəndində yaşayan, Azərbaycan Respublikasının vətəndaşı, subay, işləməyən Şəxs barəsində Qusar Rayon Polis Şöbəsindən daxil olmuş inzibati xəta haqqında materiala Qusar rayon məhkəməsinin binasında açıq məhkəmə baxışı iclasında baxaraq, məhkəmə Müəyyən etdi: Təqdim edilmiş inzibati xəta haqqında protokoldan və ona əlavə olunmuş sənədlərdən görünür ki, Şəxs xx.xx.2022-ci il tarixdə saat 18:30 radələrində “UAZ 452D” markalı ** BB *** dövlət nömrə nişanlı nəqliyyat vasitəsi ilə Qusar rayonu Gican kəndi ərazisdindən keçən hissəsində hərəkətdə olarkən yol nəqliyyat hadisəsi baş vermiş və nəticədə Zərərçəkmiş şəxs1 və Zərərçəkmiş şəxs2 yüngül bədən xəsarəti yetirmişdir. Həmin faktla bağlı Qusar RPŞ-nin TB tərəfindən araşdırma aparılmış və xx.xx.2022-ci il tarixli qərarla Şəxs barəsində cinayət işinin başlanması rədd edilmiş, qəbul edilmiş qərarın surəti barəsində Azərbaycan Respublikasının İXM-nin 327.8-ci maddəsi ilə tədbir görülməsi üçün Qusar RPŞ-nin DYPB-nə göndərilmişdir. Qusar RPŞ-nin DYPB tərəfindən Şəxs barəsində Azərbaycan Respublikasının İXM-nin 327.8-ci maddəsi ilə İXP ******* saylı xx.xx.2022-ci il tarixli inzibati xəta haqqında protokol tərtib edilərək baxılması üçün Qusar rayon məhkəməsinə göndərilmiş, həmin materialı xx.xx.2022-ci il tarixdə məhkəməyə daxil olmuşdur. Barəsində inzibati xəta haqqında iş üzrə icraat aparılan şəxs Şəxs məhkəmə iclasının yeri və vaxtı barədə lazımi qaydada xəbərdar edilməsinə baxmayaraq o, məhkəmə iclasına gəlməmiş, məhkəməyə ərizə göndərərək inzibati xətanı törətməkdə özünü təqsirli bildiyini, zərər çəkmiş şəxslərə dəymiş ziyanı tam olaraq ödədiyini, onunla barışdığını, zərər çəkmiş şəxslərin ona qarşı heç bir şikayətinin, tələbinin və iddiasının olmadığını, əməlindən peşman olduğunu göstərmiş, barəsində cərimə cəzasının tətbiq edilməsini, həmçinin şəxsi işləri ilə bağlı məhkəmə iclasına gələ bilmədiyini nəzərə alaraq işə onun iştirakı olmadan baxılmasını xahiş etmişdir. Zərər çəkmiş şəxs Zərərçəkmiş şəxs2 məhkəmə iclasının yeri və vaxtı barədə lazımi qaydada xəbərdar edilməsinə baxmayaraq o, məhkəmə iclasına gəlməmiş, məhkəməyə ərizə göndərərək ona dəymiş ziyanın ödənildiyini, Şəxs ilə barışdığını, ona qarşı heç bir şikayətinin, tələbinin və iddiasının olmadığını göstərmiş, Şəxs barəsində qanuni cəza tətbiq edilməsini, həmçinin şəxsi işləri ilə bağlı məhkəmə iclasına gələ bilmədiyini nəzərə alaraq, işə onun iştirakı olmadan baxılmasını xahiş etmişdir. Zərər çəkmiş şəxs Zərərçəkmiş şəxs1 məhkəmə iclasının yeri və vaxtı barədə lazımi qaydada xəbərdar edilməsinə baxmayaraq o, məhkəmə iclasına gəlməmiş, məhkəməyə ərizə göndərərək ona dəymiş ziyanın ödənildiyini, Şəxs ilə barışdığını, ona qarşı heç bir şikayətinin, tələbinin və iddiasının olmadığını göstərmiş, Şəxs barəsində qanuni cəza tətbiq edilməsini, həmçinin şəxsi işləri ilə bağlı məhkəmə iclasına gələ bilmədiyini nəzərə alaraq, işə onun iştirakı olmadan baxılmasını xahiş etmişdir. Məhkəmə Azərbaycan Respublikasının İXM-nin 61.3 və 62.4-cü maddələrinə əsasən işə həmin şəxslərin iştirakları olmadan baxılmasını mümkün hesab edir. İş materiallarında olan xx.xx.2022-ci il tarixli təqibinin başlanmasının rədd edilməsi haqqında qərardan görünür ki, Zərərçəkmiş şəxs2 xx.xx.2022-ci il tarixdə baş vermiş nəqliyyat hadisəsi nəticəsində sağlamlığa yüngül zərər vurmuşdur. İş materiallarında olan xx.xx.2022-ci il tarixli təqibinin başlanmasının rədd edilməsi haqqında qərardan görünür ki, Zərərçəkmiş şəxs1 xx.xx.2022-ci il tarixdə baş vermiş nəqliyyat hadisəsi nəticəsində sağlamlığa az ağır zərər vurmuşdur. İş materiallarında olan zərər çəkmiş şəxslər Zərərçəkmiş şəxs2 və Zərərçəkmiş şəxs1 oğlunun xx.xx.2022-ci il tarixli ərizələrindən görünür ki, Şəxs tərəfindən ona vurulmuş ziyan qarşılığında ona qarşı heç bir şikayəti və tələbi yoxdur. Beləliklə, məhkəmə, iş materiallarını tam şəkildə tədqiq edərək hesab edir ki, barəsində inzibati xəta haqqında iş üzrə icraat aparılan şəxs Şəxs həmin hərəkəti ilə Azərbaycan Respublikasının İXM-nin 327.8-ci maddəsində nəzərdə tutulan inzibati xətanı törətmişdir. Bu səbəbdən də o, həmin maddə ilə təqsirli bilinməli və barəsində inzibati tənbeh tətbiq edilməlidir. Barəsində inzibati xəta haqqında iş üzrə icraat aparılan şəxs Şəxs barəsində inzibati tənbeh tətbiq edilməsi məsələsi müzakirə edilərkən məsuliyyəti yüngülləşdirən və ağırlaşdıran hallar müəyyən edilməmişdir. Məhkəmə barəsində inzibati xəta haqqında iş üzrə icraat aparılan şəxs Şəxs şəxsiyyətini və işin digər hallarını nəzərə alaraq onun barəsində cərimə növündə inzibati tənbeh tətbiq edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 114, 115, 117, 128-130-cu maddələrini rəhbər tutaraq, Qərara aldı: Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulan inzibati xətanı törətməkdə təqsirli bilinib, 200 (iki yüz) manat məbləğində cərimə olunsun. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Qərardan apellyasiya qaydasında şikayət və protest verilmədikdə qərardan şikayətin verilməsi müddətinin bitdiyi gün qərar qanuni qüvvəyə minir. Hakim: Əli Cəlilov