Qusar Rayon Məhkəməsi Qərar — İş №3(029)-499/2020

Azərbaycan Respublikası adından QƏRAR Qusar şəhəri İş № 3(029)-499/2020 30.10.2020 QUSAR RAYON MƏHKƏMƏSİ Hakim Kazımov Rafiq Vəli oğlu Ağaliyev Hümmət Rahib oğlunun katibliyi ilə İnzibati xəta törətmiş şəxs Şəxs Səid oğlunun iştirakı ilə xx xxxx 1994-cü ildə Qusar şəhərində anadan olmuş, Azərbaycan Respublikasının vətəndaşı, subay, orta təhsilli, işləməyən, inzibati məsuliyyətə cəlb edilməmiş, ünvan 1 ünvanında qeydiyyatda olan və həmin ünvanda yaşayan Şəxs Səid oğlu barəsində Azərbaycan Respublikası DİN Qusar rayon Polis şöbəsindən daxil olmuş Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xəta haqqında materiala Qusar rayon məhkəməsinin inzibati binasında açıq məhkəmə iclasında baxaraq Müəyyən etdim: Təqdim edilmiş inzibati xəta haqqında protokol və ona əlavə edilmiş sənədlərdən görünür ki, Şəxs Səid oğlu xx xxxxxxx 2020-ci il tarixdə saat təxminən 17:00 radələrində Qusar şəhəri-Qayakənd kəndi yolunda meşəlikdə narkotik vasitə olan marixuananı çəkib istifadə etmişdir. Qusar RPŞ-nin NMQ-nun baş ə/m polis mayoru, X1 tərəfindən Şəxs Səid oğlunun barəsində Azərbaycan Respublikasının İXM-nin 206-cı maddəsi ilə MN 0651071-775 saylı xx xxxxxxx 2020-ci il tarixli inzibati xəta haqqında protokol tərtib olunaraq baxılması üçün Qusar rayon məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Səid oğlu izahatında göstərdi ki, o, xx xxxxxxx 2020-ci il tarixdə saat 14:00 radələrində tanışı Samir onların yaşadığı ünvana gəlmiş və birlikdə tanışı Sultanın yanına getmişlər. Maşınla Qaykənd yolunda meşəlik əraziyə getmiş həmin ərazidə məşənin yanında maşını saxlamışdır. Meşəlik ərazidə Samir cibindən bir ədəd siqaretdə narkotik vasitə olan qurudulmuş marixuananı çıxarmışdır. Həmin narkotik vasitəni çəkərək istifadə etmişdir. Qusar şəhərinə qayıdan zaman polis əməkdaşları onları saxlamış və Polis Şöbəsinə dəvət etmişdir. Tibbi müayinə zamanı narkotik vasitəni çəkdiyi müəyyən edilmişdir. Əməlindən peşmandır, nəzərə alınmasını məhkəmədən xahiş edir. Barəsində inzibati xəta haqqında iş üzrə icraat aparılan şəxs Şəxs Səid oğlunun izahatını dinləyib, iş materiallarını araşdırıb hesab edirəm ki, Şəxs Səid oğlu Azərbaycan Respublikası İnzibati Xətalar Məcəlləsinin 206-cı maddəsində göstərilən inzibati xətanı törətmişdir və onun barəsində inzibati tənbeh tətbiq edilməlidir. İş materiallarında olan xx xxxxxxx 2020-ci il tarixli, 544 saylı sərxoşluq halarının bütün növlərinin təyin məqsədi ilə aparılan tibbi müayinəsi protokoldan görünür ki, Şəxs Səid oğlunun qanında THC aşkar edildi. İş materiallarında olan xx xxxxxxx 2020-ci il tarixli inzibati qaydada tutulma haqqında protokoldan görünür ki, Şəxs Səid oğlu xx xxxxxxx 2020-ci il tarixində saat 18:00–da inzibati qaydada tutulmuşdur. Şəxs Səid oğlu xx xxxxxxx 2020-ci il tarixində saat 16:15-də azad edilmişdir. Barəsində inzibati xəta haqqında iş üzrə icraat aparılan şəxs Şəxs Səid oğlu barəsində inzibati tənbeh tətbiq edilməsi məsələsi müzakirə edilərkən, məsuliyyəti yüngülləşdirən və ağırlaşdıran hallar müəyyən edilməmişdir. Azərbaycan Respublikası İnzibati Xətalar Məcəlləsinin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Barəsində inzibati xəta haqqında iş üzrə icraat aparılan şəxs Şəxs Səid oğlunun şəxsiyyətini, işin digər hallarını nəzərə alaraq onun barəsində inzibati tənbeh tədbiri olaraq cərimənin tətbiq edilməsini məqsədəmüvafiq hesab edirəm. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114-115, 128-130-cu maddələrini rəhbər tutaraq, Qərara aldım: Şəxs Səid oğlu Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinib 350 (üç yüz əlli) manat məbləğində cərimə edilsin. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apellyasiya Məhkəməsinə apellasiya şikayəti və ya protesti verilə bilər. Qərardan apellyasiya qaydasında şikayət və protest verilmədikdə qərardan şikayətin verilməsi müddətinin bitdiyi gün qərar qanuni qüvvəyə minir.