Qusar Rayon Məhkəməsi Qərar — İş №3(029)-521/2020

Azərbaycan Respublikası adından QƏRAR Qusar şəhəri İş № 3(029)-521/2020 04.12.2020 QUSAR RAYON MƏHKƏMƏSİ Hakim Kazımov Rafiq Vəli oğlu Ağaliyev Hümmət Rahib oğlunun katibliyi ilə İnzibati xəta törətmiş şəxs Şəxs Zərər çəkmiş şəxs Zərərçəkmiş şəxs iştirakları ilə xx xxxxxx 1967-ci ildə Qusar rayonun Köhnə Xudat kəndində anadan olmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Qusar rayonu, Köhnə Xudat kəndində qeydiyyatda olan və həmin ünvanda yaşayan Şəxs oğlunun barəsində Azərbaycan Respublikası DİN-nin Qusar rayon Polis şöbəsindən daxil olmuş Azərbaycan Respublikası İnzibati Xətalar Məcəlləsinin 338.7-ci maddəsində nəzərdə tutulmuş inzibati xəta haqqında materiala Qusar rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİM: Məhkəməyə təqdim olunmuş inzibati xəta haqqında protokoldan və ona əlavə olunmuş sənədlərdən görünür ki, xx xxxxxx 2020-ci il tarixdə saat 11:00 radələrində Qusar rayonun Köhnə Xudat kəndində Şəxs oğlu özünə məxsus 01 (bir) baş qara-ağ rəngli inəyi asfalt yolunda nəzarətsiz qoymuş və nəticədə inək yolda hərəkətdə olan Zərərçəkmiş şəxs idarə etdiyi «OPEL Astra» markalı, ** BL *** dövlət qeydiyyat nişanlı avtomaşının qarşısına çıxmış, asfalt yolun hərəkət hissəsində olan həmin inək avtomaşın ilə toqquşmuşdur. Yol nəqliyyat hadisəsi nəticəsində sürücü Zərərçəkmiş şəxs idarə etdiyi «OPEL Astra» markalı, ** BL *** dövlət qeydiyyat nişanlı avtomaşına 1229 (bir min iki yüz iyirmi doqquz) manat maddi zərər dəymişdir. Həmin faktla bağlı Qusar RPŞ-nin DYPB-in Baş Dövlət Avtomobil Müfəttişi, polis mayoru X1 tərəfindən Şəxs barəsində Azərbaycan Respublikası İXM-nin 338.7-ci maddəsi ilə xx xxxxxx 2020-ci il tarixli, İXP ******* seriyalı inzibati xəta haqqında protokol tərtib olunaraq aidiyyəti üzrə baxılması üçün Qusar rayon məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs oğlu izahatında göstərdi ki, xx xxxxxx 2020-ci il tarixdə təxminən saat 11:00 radələrində özünə məxsus inəyləri Qusar rayonu Köhnə Xudat kəndi ərazisindəki boş sahələrdə otararkən qara-ağ rəngli inəyi yoldan keçmiş və yolun asfalt örtüylü hissəsində “Opel Astra” markalı ** BL *** dövlət nömrə nişanlı nəqiyyat vasitəsi ilə toqquşmuşdur. Zərərçəkmiş şəxs avtomaşınına maddi zərəri ödəmişdir. Nəzərə alınmasını məhkəmədən xahiş edir. Məhkəmə iclasında Zərərçəkmiş şəxs izahatında göstərdi ki, “Opel Astra” markalı, ** BL *** dövlət nömrə nişanlı nəqliyyat vasitəsi ilə xx xxxxxx 2020-ci il tarixində saat 11:00 radələrində Aşağı Ləyər kəndindən Qusar şəhəri istiqamətində hərəkətdə olarkən qəflətən yola bir baş qara-ağ rəngli inək çıxmış və nəticədə həmin inək idarə etdiyi avtomaşın ilə toqquşmuşdur. Hadisə yerinə yol polis əməkdaşları gəlmiş, özü heç bir xəsarət almamışdır. Həmin vaxt müəyyən olundu ki, avtomaşını ilə toqquşmuş inək Şəxs oğluna məxsusdur. Baş vermiş yol nəqliyyat hadisə nəticəsində onun avtomaşınına 1229 (bir min iki yüz iyirmi doqquz) manat məbləğində maddi zərər dəymişdir. Həmin zərər Qusar “VAZ” kooperativi tərəfindən verilmiş xx xxxxxx 2020-ci il tarixli Aktla müəyyən edilmişdir. Həmin maddi zərər ona Şəxs oğlu tərəfindən ödənilmişdir. Şəxs oğluna qarşı heç bir şikayət və tələbi yoxdur. Belə ki, Şəxs oğlunun həmin inzibati xətanın törətməsi məhkəmə iclasında onun özünün və Zərərçəkmiş şəxsnin izahatları, xx xxxxxx 2020-ci il tarixli İXP ******* seriyalı inzibati xəta haqqında protokol və protokola əlavə edilmiş sənədlərlə sübuta yetirilir. İş materiallarında olan xx xxxxxx 2020-ci il tarixli nəqliyyat vasitələrinin təmirinə (bərpa edilməsinə) dair smeta (haqqı həsab) aktından görünür ki, «OPEL Astra» markalı, ** BL *** dövlət qeydiyyat nişanlı avtomaşına cəmi 1229 (bir min iki yüz iyirmi doqquz) manat məbləğində ziyan dəymişdir. Barəsində inzibati xəta haqqında iş üzrə icraat aparılan şəxs Şəxs oğlu barəsində inzibati tənbeh tətbiq edilməsi məsələsi müzakirə edilərkən məsuliyyətini yüngülləşdirən və ağırlaşdıran hallar müəyyən edilməmişdir. Azərbaycan Respublikası İnzibati Xətalar Məcəlləsinin 338.7-ci maddəsinə əsasən bu Məcəllənin 338.4 - 338.6-cı maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə səksən manatdan yüz manatadək məbləğdə cərimə edilir. Barəsində inzibati xəta haqqında iş üzrə icraat aparılan Şəxs oğlunun barəsində inzibati tənbeh tətbiq edilməsi məsələsini müzakirə edərkən onun şəxsiyyətini, törətdiyi inzibati xətanın xarakterini və işin digər hallarını nəzərə alaraq barəsində inzibati cərimə tətbiq olunmasını məqsədəmüvafiq hesab edirəm. Şərh olunanlara əsasən və Azərbaycan Respublikası İXM-nin 40, 43, 114, 115, 128- 130-cu maddələrini rəhbər tutaraq QƏRARA ALDİM: Şəxs oğlu Azərbaycan Respublikası İnzibati Xətalar Məcəlləsinin 338.7-ci maddəsi ilə təqsirli bilinib 80 (səksən) manat məbləğində cərimə edilsin. Qərarın surətinin təqdim edildiyi və ya alındığı gündən 10 (on) gün müddətində Qusar Rayon Məhkəməsi vasitəsi ilə və ya birbaşa Azərbaycan Respublikası Sumqayıt Apellyasiya Məhkəməsinə şikayət və ya protest verilə bilər.