Qusar Rayon Məhkəməsi Qərar — İş №3(029)-619/2021

Azərbaycan Respublikası adından QƏRAR Qusar şəhəri İş № 3(029)-619/2021 20.12.2021 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu, xx.xx.1964-cü ildə Qusar rayonu Gedəzeyxur kəndində anadan olmuş, həmin kənddə yaşayan, Azərbaycan Respublikasının vətəndaşı Şəxs barəsində Qusar Rayon Polis Şöbəsindən daxil olmuş inzibati xəta haqqında materiallara Qusar rayon məhkəməsinin binasında açıq məhkəmə baxışı iclasında baxaraq, Müəyyən etdim: Təqdim olunmuş inzibati xəta haqqında protokoldan və ona əlavə olunmuş sənədlərdən görünür ki, Şəxs 29.11.2021-ci il tarixdə saat 18:30 radələrində, özünə məxsus bir baş inəyi sutkanın qaranlıq vaxtında Qusar-İmamqulukənd kənd yolunun 9-cu km-də “Şahdağ” T/M-nin ərazisində asfalt örtüklü yolda nəzarətsiz qoymuş nəticədə inək yolda hərəkətdə olan “Opel Astra” markalı ** UD *** dövlət qeydiyyat nişanlı nəqliyyat vasitəsinin qarşısına çıxaraq onunla toqquşmuşdur. Hadisə nəticəsində Zərərçəkmiş şəxs nəqliyyat vasitəsinə maddi ziyan dəymişdir. Həmin faktla bağlı Qusar RPŞ-nin DYPB tərəfindən Şəxs barəsində Azərbaycan Respublikasının İXM-nin 338.7-ci maddəsi ilə İXP ******* saylı 30.11.2021-ci il tarixli inzibati xəta haqqında protokol tərtib edilərək baxılması üçün Qusar rayon məhkəməsinə göndərilmişdir. Həmin material 09.12.2021-ci il tarixdə məhkəməyə daxil olmuşdur. Barəsində inzibati xəta haqqında iş üzrə icraat aparılan şəxs Şəxs və zərər çəkmiş şəxs Zərərçəkmiş şəxs oğlu məhkəmə iclasının yeri və müddəti barədə lazımi qaydada xəbərdar edilmişlər, lakin həmin şəxslər məhkəmə iclasına gəlməmişlər, gəlməmələrinin səbəbləri barədə məhkəməyə heç bir məlumat verməmişdir. Azərbaycan Respublikasının İXM-nin 61.3 və 62-ci maddələrinə əsasən inzibati xəta haqqında işə barəsində inzibati xəta haqqında iş üzrə icraat aparılan şəxs Şəxs və zərər çəkmiş şəxs Zərərçəkmiş şəxs oğlunun iştirakları olmadan baxılmasını mümkün hesab edirəm. İş materiallarında olan barəsində inzibati xəta haqqında iş üzrə icraat aparılan şəxs Şəxs izahatından görünür ki, 29.11.2021-ci il tarixdə saat 18:30 radələrində ona məlum olmuşdur ki, ona məxsus 1 baş qara-ala rəngli inəyi “Opel Astra” markalı ** UD *** dövlət qeydiyyat nişanlı nəqliyyat vasitəsi vurmuşdur. O, hadisə yerinə getmiş və ona məlum olmuuşdur ki, həqiqətən də ona məxsus inəyi Qusar-İmamqulukənd yolunun 9-cu km-də Gedəzeyxur kənd ərazisində “Opel Astra” markalı ** UD *** dövlət qeydiyyat nişanlı nəqliyyat vasitəsi vurmuşdur. O, həmişə inəyini kənddə olan torpaq sahəsinə ötürmüş, axşamlar isə həmin sahədən evə ötürmüşdür. O, inəkləri sürə-sürə ipsiz ötürmüşdür. Hadisə zamanı xəsarət alan olmamış, lakin nəqliyyat vasitəsinə və inəyə maddi ziyan dəymişdir. İş materiallarında olan zərər çəkmiş şəxs Zərərçəkmiş şəxs oğlunun izahatından görünür ki, o, 29.11.2021-ci il tarixdə saat 18:30 radələrində etibarnamə ilə idarə etdiyi “Opel Astra” markalı ** UD *** dövlət qeydiyyat nişanlı nəqliyyat vasitəsilə Qusar- İmamqulukənd yolunun 9-cu km-də Gedəzeyxur kəndi ərazisində hərəkətdə olan zaman qarşısına qəfildən bir baş qara-ala rəngli inək çıxmış və onun idarə etdiyi nəqliyyat vasitəsi ilə toqquşmuşdur. Hadisə zamanı xəsarət alan olmamış, lakin nəqliyyat vasitəsinə maddi ziyan ziyan dəymiş, inəyin yanında heç kim olmamış, inək isə yola nəzarətsiz buraxılmışdır. İş materiallarında olan 30.11.2021-ci il tarixli aktdan görünür ki, «OPEL ASTRA» markalı **-UD-*** dövlət qeydiyyat nişanlı avtomobilə dəymiş maddi zərər cəmi 1050 (min əlli) manat təşkil edir. Beləliklə, iş materiallarını tam şəkildə tədqiq edərək hesab edirəm ki, barəsində inzibati xəta haqqında iş üzrə icraat aparılan şəxs Şəxs həmin hərəkəti ilə Azərbaycan Respublikasının İXM-nin 338.7-ci maddəsində nəzərdə tutulan inzibati xətanı törətmişdir və onun barəsində inzibati tənbeh tətbiq edilməlidir. Barəsində inzibati xəta haqqında iş üzrə icraat aparılan şəxs Şəxs barəsində inzibati tənbeh tətbiq edilməsi məsələsi müzakirə edilərkən, onun əməlində məsuliyyəti yüngülləşdirən və ağırlaşdıran hallar müəyyən edilməmişdir. Barəsində inzibati xəta haqqında iş üzrə icraat aparılan şəxs Şəxs şəxsiyyətini və işin digər hallarını nəzərə alaraq onun barəsində təqsirləndirildiyi maddənin sanksiyasında nəzərdə tutulan cərimənin tətbiq edilməsini məqsədəmüvafiq hesab edirəm. Həmçinin, zərər çəkmiş şəxs Zərərçəkmiş şəxs oğluna dəymiş maddi zərərlə bağlı mülki qaydada iddia ərizəsi ilə məhkəməyə müraciət etmək hüququ izah edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, Qərara aldım: Şəxs Azərbaycan Respublikasının İnzibati Xətalar Məcəlləsinin 338.7-ci maddəsində nəzərdə tutulan inzibati xətanı törətməkdə təqsirli bilinib, 80 (səksən) manat məbləğində cərimə edilsın. Zərər çəkmiş şəxs Zərərçəkmiş şəxs dəymiş maddi zərərlə bağlı mülki qaydada iddia ərizəsi ilə məhkəməyə müraciət etmək hüququ izah edilsin. Qərarın surəti rəsmi qaydada verildiyi vaxtdan 10 (on) gün müddətində Qusar rayon məhkəməsi vasitəsilə və ya birbaşa Sumqayıt Apelyasiya Məhkəməsinə apelyasiya şikayəti və ya protesti verilə bilər. Qərardan apelyasiya qaydasında şikayət və protest verilmədikdə qərardan şikayətin verilməsi müddətinin bitdiyi gün qərar qanuni qüvvəyə minir. Qusar rayon məhkəməsinin hakimi: Adil Vəliyev