Qusar Rayon Məhkəməsi Qərardad — İş №3(029)-90/2022

Azərbaycan Respublikası adından QƏRARDAD Qusar şəhəri İş № 3(029)-90/2022 02.03.2022 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu Hüquqi şəxs Qusar şəhər X1 Malları Yarmarkasının haqqında Azərbaycan Respublikası Fövqəladə Hallar Nazirliyi X2 Xidməti Şimal regional X2 İdarəsindən daxil olmuş inzibati xəta haqqında materialları nəzərdən keçirib MÜƏYYƏN ETDİM: Təqdim edilmiş inzibati xəta haqqında protokoldan və ona əlavə olunmuş sənədlərdən görünür ki, 22 fevral 2022-ci il tarixdə ünvan 1 ünvanında yerləşən yarmarkada keçirilən YTM zamanı Azərbaycan Respublikası YTQ 01-2001 1.s,1.4; 1.10.2; 2.1; 6.5 bəndlərinin tələblərinin pozuntusu halı aşkar edilmişdir. Həmin faktla bağlı Şimal regional X2 İdarəsi tərəfindən Azərbaycan Respublikasının İXM-nin 518.1-ci maddəsi ilə 22 fevral 2022-ci il tarixli MN ******* saylı inzibati xəta haqqında protokol tərtib olunaraq baxılması üçün Qusar rayon məhkəməsinə göndərilmişdir. İş materiallarını araşdıraraq hesab edirəm ki, inzibati xəta haqqında protokol və ona əlavə olunmuş sənədlər protokolu tərtib etmiş orqana geri qaytarılmalıdır. Belə ki, inzibati xəta haqqında protokolda barəsində inzibati xəta haqqında iş üzrə icraat aparılan hüquqi şəxs Qusar şəhər X1 Malları Yarmarkasının hüquqi və faktiki fəaliyyət göstərdiyi ünvan göstərilməmişdir. Bundan başqa, həmin hüquqi şəxsə istinad olunan inzibati xətanın məhz hansı hərəkət və ya hərəkətsizlikdə ifadə olunması dəqiq və aydın şəkildə göstərilməmiş, yalnız tarixi və nömrəsi göstərilməyən qaydaların tələblərinin pozulması halının aşkar olunduğu qeyd olunmuşdur. Bununla da, inzibati xəta haqqında protokolda inzibati xətanın mahiyyəti də tam və aydın şəkildə göstərilməmişdir. Azərbaycan Respublikasının İnzibati Xətalar Məcəlləsinin 100.1, 100.1.3, 100.1.4cü maddələrinə əsasən inzibati xəta haqqında protokolda barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi; inzibati xətanın törədildiyi yer, vaxt və bu xətanın mahiyyəti göstərilir. Həmin Məcəllənin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə qaytarılması barədə qərardad qəbul edilir. Beləliklə, iş materiallarını tam şəkildə araşdırıb belə qənaətə gəlirəm ki, hüquqi şəxs Qusar şəhər X1 Malları Yarmarkasının haqqında Şimal regional X2 İdarəsi tərəfindən Azərbaycan Respublikasının İXM-nin 518.1-ci maddəsi ilə tərtib edilmiş inzibati xəta haqqında 22.02.2022-ci il tarixli MN ******* saylı protokol düzgün tərtib olunmadığından, bu səbəbdən də işə baxılarkən tamamlamaq mümkün olmadığından inzibati xəta haqqında protokol və ona əlavə olunmuş digər sənədlər onu tərtib etmiş həmin idarəyə geri qaytarılmalıdır. Şərh olunanlara əsaslanaraq və Azərbaycan Respublikasının İnzibati Xətalar Məcəlləsinin 100, 109-cu maddələrini rəhbər tutaraq, QƏRARA ALDİM: Hüquqi şəxs Qusar şəhər X1 Malları Yarmarkasının haqqında Şimal regional X2 İdarəsi tərəfindən Azərbaycan Respublikasının İXM-nin 518.1-ci maddəsi ilə tərtib edilmiş inzibati xəta haqqında 22.02.2022-ci il tarixli MN ******* saylı protokol və ona əlavə edilmiş sənədlər həmin idarəyə geri qaytarılsın. Qusar rayon Məhkəməsinin hakimi Adil Vəliyev