Daşkəsən Rayon Məhkəməsi Qərar — İş №3(030)-138/2023

Azərbaycan Respublikası adından QƏRAR Daşkəsən rayonu İş № 3(030)-138/2023 24.05.2023 DAŞKƏSƏN RAYON MƏHKƏMƏSİ İş № 3(030)-138/2023 Azərbaycan Respublikası adından QƏRAR (İnzibati xəta haqqında) 24 may 2023-cü il Daşkəsən şəhəri Hakim Mustafayev Mustafa Əli oğlunun sədrliyi, X1 iclas katibliyi, Daşkəsən RPŞ-nin İTBnin polis sahə rəisi, polis baş leytenantı X2, zərər çəkmiş şəxs Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs və onun müdafiəçisi Vəkil iştirakı ilə, xx.xx.1979-cu ildə Kəlbəcər rayonu Yellicə kəndində doğulmuş, Azərbaycan Respublikası vətəndaşı, ailəli, orta təhsilli, fərdi əməklə məşğul olan, Kəlbəcər rayonu Yellicə kəndində qeydiyyatda olmaqla, Daşkəsən rayon Quşçu kəndində yaşayan, Şəxs Azərbaycan Respublikası İnzibati Xətalar Məcələsinin (bundan sonra İXM) 157-ci maddəsi ilə təqsirləndirilməsinə dair Daşkəsən rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinərək, barəsində Daşkəsən Rayon Polis Şöbəsində 24 may 2023-cü il tarixdə inzibati xəta haqqında MN ******* nömrəli protokol tərtib olunaraq baxılması üçün Daşkəsən Rayon Məhkəməsinə göndərilmişdir. İnzibati xəta haqqında protokol tərtib olunmuşdur ona görə ki, Şəxs xx.xx.2023-cü il tarixdə doğma övladı Zərərçəkmiş şəxs şəxsi münasibətlər zəminində aralarında yaranmış mübahisə zamanı vuraraq ona qəsdən sağlamlığa zərər vurmayan və dərəcəsi təyin edilməyən bədən xəsarətləri yetirmişdir. Məhkəmə iclasında Daşkəsən RPŞ-nin İTB-nin polis sahə rəisi, polis baş leytenantı X3 protokolun məzmununa uyğun izahat verərək məhkəmədən qanuni qərar qəbul olunmasını xahiş etmişdir. Məhkəmə iclasında zərər çəkmiş şəxs Zərərçəkmiş şəxs izahatında göstərmişdir ki, barəsində şikayət etdiyi şəxs atasıdır. Uzun müddətdir ki, Şəxs içkili vəziyyətdə evə gələrək dava-dalaş salır, onu və anası Əsli Salmanovanı nalayiq söyüşlərlə təhqir edir. xx.xx.2023-cü il tarixdə 18:00 radələrində atası Şəxs yenə içkili vəziyyətdə Daşkəsən rayon Quşçu kəndində yaşadıqları evə gələrək onları nalayiq söyüşlərlə təhqir etmişdir. Şəxs anası Əsli Salmanovanın üzərinə gedib xəsarət yetirmək istədikdə o, anasının qabağına keçmişdir. Bu zaman Xanlar onu yerə yıxaraq başına yumruq zərbələri endirmişdir. O, zərbələrin təsirindən huşunu itirmişdir. Daha sonra atası Şəxs isə evdən qaçıb getmişdir. Lakin, hal-hazırda onlar barışmışlar və ona dəymiş ziyan tamamilə ödənilmişdir. Onun atası Xanlara qarşı heç bir tələb və şikayəti yoxdur. Ona görə də, inzibati xəta haqqında iş üzrə icraata xitam verilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs ona istinad edilən inzibati xətanı törətməsini qəbul edərək izahatında göstərmişdir ki, xx.xx.2023-cü il tarixdə 18:00 radələrində Daşkəsən rayonu Quşçu kəndində yaşadığı evə gəlmişdir. Arvadı ilə aralarında mübahisə yaranmış və bu zaman oğlu Elcan onları sakitləşdirməyə çalışmışdır. Mübahisə zamanı o, Elcanı vurmamış və xəsarət yetirməmişdir. Mübahisə təxminən yarım saat davam etmiş və sonra evi tərk edərək Quşçu kəndində yerləşən kafeyə getmişdir. Lakin, hal-hazırda onlar barışmışlar və o, bir daha zərər çəkmişə qarşı heç bir qeyri-qanuni hərəkətlərə yol verməməyi öhdəsinə götürmüşdür. Ona görə də, inzibati xəta haqqında iş üzrə icraata xitam verilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxsin müdafiəçisi Vəkil izahatında göstərmişdir ki, hüquqlarını müdafiə etdiyim şəxs həyat yoldaşı ilə mübahisə etməyə başlamışdır və bu zaman oğlu Elcan onları sakitləşdirməyə çalışmışdır. Mübahisə zamanı Elcanı vurmamış və xəsarət yetirməmişdir. Hazırda barışmışlar, Elcanın ona qarşı heç bir tələb və şikayəti yoxdur. Ona görə də, inzibati xəta haqqında iş üzrə icraata xitam verilməsini xahiş etmişdir. İşə əlavə edilmiş məhkəmə-tibbi ekspertizasının xx.xx.2023-cü il tarixli № 62 rəyinin surətindən görünür ki, Zərərçəkmiş şəxs bədəni üzərində müəyyən edilmiş xəsarətlər- sağ çiyinin sıyrığı bərk küt əşyanın təsirindən törənib, əmələ gəlmə müddətləri qərarın təsvir hissəsində göstərilən tarixə yəni, xx.xx.2023-cü il tarixə uyğun gəlir və sağlamlığa zərər vurmayan xəsarətlər olduğundan dərəcələri təyin edilmir. İşə əlavə edilmiş Zərərçəkmiş şəxs tərəfindən məhkəməyə ünvanlanmış 24 may 2023-cü il tarixli ərizədən görünür ki, o, Şəxs ilə barışmış, ona qarşı heç bir şikayət və tələbi yoxdur, inzibati işin icraatına xitam verilməsini xahiş etmişdir. İşə əlavə edilmiş barəsində inzibati xəta haqqında iş üzrə icraat aparılan şəxs Şəxs tərəfindən məhkəməyə ünvanlanmış 24 may 2023-cü il tarixli ərizədən görünür ki, o, Zərərçəkmiş şəxs ilə barışmış, bir daha zərər çəkmişə qarşı heç bir qeyri-qanuni hərəkətlərə yol verməməyi öhdəsinə götürmüşdür, inzibati işin icraatına xitam verilməsini xahiş etmişdir. Məhkəmə iclasında Şəxs həmin inzibati xətanı törətməsi özünün etirafı ilə yanaşı, zərər çəkmiş şəxsin ifadəsi və inzibati işin materialları ilə kifayət qədər sübuta yetirilmişdir. Məhkəmə hesab edir ki, Zərərçəkmiş şəxs törətdiyi əməl düzgün olaraq Azərbaycan Respublikası İXM-nin 157-cı maddəsi ilə tövsif olunmuşdur. Azərbaycan Respublikası İnzibati Xətalar Məcəlləsinin 53.1.9-cu-maddəsinə əsasən, bu Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibаti xətаlаr hаqqındа işlər üzrə icrааt bаşlаnılа bilməz, bаşlаnmış icrааtа isə xitаm verilir. Həmin Məcəllənin 114.2.1-ci mаddəsinə görə, bu Məcəllənin 53-cü mаddəsində nəzərdə tutulmuş hаllаrdаn biri mövcud оlduqdа, inzibаti xətа hаqqındа işin icrааtınа xitаm verilməsi hаqqındа qərаr qəbul edir. İnzibаti xətа hаqqındа işin icrааtınа xitаm verilməsi hаqqındа qərаrın surəti bаrələrində belə qərаr qəbul edilmiş şəxslərə göndərilir. Оnа görə də, məhkəmə hesаb edir ki, zərərçəkmiş şəxsin inzibаti xətаnı törədən şəxs ilə bаrışdığındаn Şəxs bаrəsində İXM-in 157-ci mаddəsi ilə bаşlаnmış inzibаti xətа hаqqındа işin icrааtınа xitаm verilməsi hаqqındа qərаr qəbul edilməli, qəbul edilmiş qərаrın surəti tərəflərə göndərilməlidir. Məhkəmə şərh оlunаnlаrа əsаslаnаrаq və Аzərbаycаn Respublikаsı İXM-in 30-34, 53, 106-115-ci mаddələrini rəhbər tutаrаq, məhkəmə qərara aldı: Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə başlanmış inzibati xəta haqqında iş üzrə icraata xitam verilsin. Qərаrdаn rəsmi qаydаdа verildiyi gündən 10 (on) gün müddətində Daşkəsən Rаyоn Məhkəməsi vаsitəsi ilə Gəncə Аpelyаsiyа Məhkəməsinə аpelyаsiyа şikаyəti verilə bilər. Sədrlik edən: Mustafa Mustafayev