Daşkəsən Rayon Məhkəməsi Qərardad — İş №3(030)-16/2024

Azərbaycan Respublikası adından QƏRARDAD Daşkəsən rayonu İş № 3(030)-16/2024 26.01.2024 DAŞKƏSƏN RAYON MƏHKƏMƏSİ Hakimi Mustafayev Mustafa Əli oğlu, Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM-nin) 511.1.3-cü maddəsi ilə nəzərdə tutulan inzibati məsuliyətə cəlb edilməsinə dair Daşkəsən rayon Polis Şöbəsi tərəfindən tərtib edilmiş inzibati xəta haqqında protokola və ona əlavə olunmuş materialları nəzərdən keçirib, məhkəmə MÜƏYYƏNETDİ: Şəxs Azərbaycan Respublikası İXM-nin 511.1.3-cü maddəsi ilə nəzərdə tutulan inzibati məsuliyətə cəlb edilməsinə dair Daşkəsən rayon Polis Şöbəsi tərəfindən tərtib edilmiş 20 yanvar 2024-cü il tarixli, İXP ******* nömrəli inzibati xəta haqqında protokol və ona əlavə edilmiş sənədlər baxılması üçün Daşkəsən rayon Məhkəməsinə göndərilmişdir. Məhkəmə daxil olmuş materialları nəzərdən keçirib hesab edir ki, inzibati xəta haqqında protokolun 511.1.3-cü maddəsi ilə olan hissəsi və ona əlavə olunmuş sənədlər protokolu tərtib etmiş orqana geri qaytarılmalıdır. Belə ki, Azərbaycan Respublikası İXM-nin 101.1-ci maddəsinə əsasən inzibati xətanın törədilməsi faktı aşkar edildikdən dərhal sonra inzibati xəta haqqında protokol tərtib edilir. İş materiallarında inzibati xəta haqqında iş üzrə törədilməsi ehtimal edilən inzibati xəta nəticəsində şəxs inzibati məsuliyyətə cəlb olunması üçün barəsində inzibati xəta haqqında protokol tərtib edilərək baxılmasından ötrü məhkəməyə göndərilmişdir. Azərbaycan Respublikası İXM-nin 511.1.3-cü maddəsinə əsasən, mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına görə –nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur. AR İXM-nın 43.1-ci maddəsinə əsasən İXM-nın 511.1.3-cü maddəsi üzrə işlərə baxılması rayon (şəhər) məhkəmələrinin aidiyyəti deyildir. Şərh olunanlara əsasən məhkəmə hesab edir ki, barəsində inzibati xəta haqqında iş üzrə icraat aparılan Şəxs barəsində Azərbaycan Respublikasının İXM-nin 511.1.3-cü maddəsi ilə nəzərdə tutulan inzibati məsuliyətə cəlb edilməsinə dair Daşkəsən rayon Polis Şöbəsi tərəfindən tərtib edilmiş 20 yanvar 2024-cü il tarixli, İXP ******* nömrəli inzibati xəta haqqında protokola baxılması rayon (şəhər) məhkəmələrinə aidiyyəti olmadığı üçün nəzərdə tutulmuş inzibati xətanı törətməsi ilə bağlı materiallar baxılması və qərar qəbul edilməsi üçün Daşkəsən rayon Polis Şöbəsinə geri qaytarılmalıdır. Qeyd olunanları və Azərbaycan Respublikasının İXM-nin 40, 100-110 və 114-cü maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İXM-nin 511.1.3-cü maddəsi ilə nəzərdə tutulan inzibati məsuliyətə cəlb edilməsinə dair 20 yanvar 2024-cü il tarixli, İXP ******* nömrəli inzibati xəta haqqında protokol protokola dair materiallar Daşkəsən rayon Polis Şöbəsinə geri qaytarılsın. Qərardaddan şikayət verilə bilməz. Hakim: Mustafa Mustafayev