Daşkəsən Rayon Məhkəməsi Qərar — İş №3(030)-195/2025

Azərbaycan Respublikası adından QƏRAR Daşkəsən rayonu İş № 3(030)-195/2025 11.08.2025 DAŞKƏSƏN RAYON MƏHKƏMƏSİ X10 Hafiz oğlunun sədrliyi, X1 iclas katibliyi, protokol tərtib edən şəxs Daşkəsən rayon icra və probasiya şöbəsinin icra məmuru X5 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1997-ci ildə Daşkəsən rayonunda anadan olmuş, Azərbaycan Respublikasının vətandaşı, orta təhsilli, evli, fəhləliklə məşğul olan, Daşkəsən şəhəri, X11 küçəsi, ev 7, mənzil 27 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş protokol üzrə inzibati xəta haqqında işə açıq məhkəmə iclasında baxaraq, məhkəmə MÜƏYYƏNETDİ: Daşkəsən rayon icra və probasiya şöbəsinin rəisi vəzifəsini müvəqqəti icra edən X3 tərəfindən Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş əməlin törədilməsi barədə 11 avqust 2025-ci il tarixli MN ******* nömrəli protokol tərtib edilərək məhkəməyə təqdim edilmişdir. Protokolda qeyd edilir ki, Cəfərov X4 Rayon Məhkəməsinin 2(030)-***/**** nömrəli, xx.xx.2025-ci il tarixli və 2(030)-517/2022 nömrəli, xx.xx.2022-ci il tarixli icra sənədləri və Gəncə Şəhər BPİ-nin 2-ci Polis İdarəsinin (Kəpəz RPİ) ******* nömrəli, xx.xx.2020-ci il tarixli icra sənədi üzrə Şəxs cəmi 1449 (min dörd yüz qırx doqquz) məbləğində borcunu ödəməmiş, icra məmurunun qanuni tələblərini yerinə yetirməmişdir. Məhkəmə iclasında Daşkəsən rayon İcra və Probasiya Şöbəsinin icra məmuru X5 ifadəsində bildirmişdir ki, Daşkəsən Rayon Məhkəməsinin 2(030)-***/**** nömrəli, xx.xx.2025-ci il tarixli icra sənədi üzrə xx.xx.2020-ci ildə anadan olmuş X2 maddi təminatı üçün minumum əmək haqqının 0.45 misli həddində alimenti tələbkar Zərərçəkmiş şəxs ödəməyə borclu olduğu halda, icra vərəqəsinin icrası ilə əlaqədar icra məmurunun qanuni tələblərini yerinə yetirməmiş, icra sənədini üzürsüz səbəbdən icra etməmiş və tələbkara 540 (beş yüz qırx) manat aliment borcu qalmışdır. Daşkəsən Rayon Məhkəməsinin 2(030)-517/2022 nömrəli, xx.xx.2022-ci il tarixli icra sənədi üzrə "xxxx" MMC-yə 869 (səkkiz yüz altmış doqquz0 manat borcu olmuş və həmin borcdan cəmi 60 manat ödəniş olunmuşdur. Gəncə Şəhər BPİ-nin 2-ci Polis İdarəsinin (Kəpəz RPİ) ******* nömrəli, xx.xx.2020-ci il tarixli icra sənədi üzrə isə 100 (yüz) manat məbləğində inzibati cəriməsi vardır. İcra sənədləri üzrə icraata başlamaq haqqında qərar qəbul edilmiş və borclu Şəxs bu barədə könüllü bildiriş göndərilmişdir. Lakin Borclu tərəfindən hazırda borc üzrə ödənişlər olunmamış həmin borcları qalmaqdadır. Bununla bağlı borcluya xəbərdarlıq olunsada icra sənədinin icrası borclu tərəfindən təmin edilməmişdir. Qeyd edilənlərə əsasən, borclu barəsində inzibati protokol tərtib olnmuşdur. Borclu barəsində qanunamüvafiq qərar qəbul edilməsini məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirmişdir ki, hazırki vaxtadək zərərçəkmiş şəxs tərəfindən şifahi şəkildə aliment borcundan imtina etdiyi üçün ödəniş etməmişdir. Digər borclarını isə anasının səhhətində ciddi problemlər olduğundan ödəyə bilməmişdir. Hazırda Bakı şəhərində gündəlik olaraq işləyib qazanc əldə edir. Hər ay üçün olan aliment borcunu ödəyəcəkdir. Aliment borcundan hazırda tələbkarın hesabına 100 manat ödəmişdir. Qalan aliment borcunda hər ay hissə-hissə ödəyəcəkdir. Bundan başqa digər borclarında ödəyəcəkdir. Qeyd olunanların nəzərə alınmasını məhkəmədən xahiş etmişdir. İşdə olan xx.xx.2025-ci il tarixli ödəniş qəbzindən görünür ki, Şəxs tərəfindən Zərərçəkmiş şəxs kart hesabına 100 manat ödəniş olunmuşdur. Məhkəmə zərərçəkmiş şəxslərin iştirakı olmadan işə baxılmasını mümkün hesab etmişdir. Məhkəmə barəsində inzibati xəta haqqında iş üzrə icraat aparılan şəxsin və icra məmurunun izahatlarını dinləyib, inzibati işin materiallarını və məhkəmə iclasında toplanmış sübutları hərtərəfli araşdırıb belə nəticəyə gəlir ki, hazırkı vəziyyətdə Şəxs tərəfindən hazırda aliment borcundan 100 manat və digər borcundan isə 60 manat olmaqla qismən ödəniş etmişdir, qalan aliment borcu xeyli məbləğ təşkil etmir və borclu bu məbləği isə hər ay hissə-hissə olmaqla ödəyəcəyini bildirir. Həmçinin digər borcunu və inzibati cəriməni ödəyəcəyini bildirir. Belə olan halda borclunun əməlində üzürsüz səbəbdən, qərəzli yayınma halları mövcud deyildir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək müddətə inzibati həbs tətbiq olunur, vəzifəli şəxslər min manatdan üç min manatadək miqdarda, hüquqi şəxslər üç min manatdan beş min manatadək miqdarda cərimə edilir. Azərbaycan Respublikasının İnzibati Xətalar Məcəlləsinin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 53.1.2-ci mаddəsinə əsаsən inzibаti xətа tərkibi olmаdıqdа inzibаti xətа hаqqındа iş üzrə icrааt bаşlаnılа bilməz, bаşlаnılmış icrааtа isə xitаm verilir. Həmin Məcəllənin 105.1-ci maddəsinin tələbinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2.1-ci maddəsinə görə bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Qeyd olunanlara əsasən məhkəmə hesab edir ki, barəsində inzibati xəta haqqında iş üzrə icraat aparılan şəxs tərəfindən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xəta hadisəsinin törədilməsi istisna edilir və hazırki vəziyyətdə onun əməlində həmin maddədə nəzərdə tutulan inzibati xəta tərkibinin əlamətləri yoxdur. Beləliklə, məhkəmə toplanmış sübutlara məcmu halında hüquqi qiymət verərək hesab edir ki, borclunun Azərbaycan Respublikasının İnzibati Xətalar Məcəlləsinin 528.1ci maddəsi ilə təqsirləndirilməsinə dair inzibati xəta haqqında işin icraatına həmin Məcəllənin 53.1.2-ci maddəsinə əsasən (əməldə inzibаti xətа tərkibi olmаdığına görə) xitam verilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48, 50, 51, 114, 128 və 130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işin icraatına xitam verilsin. Qərarın surəti təqdim edildiyi və ya alındığı vaxtdan 10 (on) gün müddətində Daşkəsən Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Hakim: Kənan Vəliyev