Daşkəsən Rayon Məhkəməsi Qərar — İş №3(030)-85/2024

Azərbaycan Respublikası adından QƏRAR Daşkəsən rayonu İş № 3(030)-85/2024 08.05.2024 DAŞKƏSƏN RAYON MƏHKƏMƏSİ X10 Hafiz oğlunun sədrliyi, X4 iclas katibliyi, protokol tərtib edən şəxs Daşkəsən RPŞ-nin İTB-nin polis sahə rəisi, X6, barəsində inzibati xəta haqqında iş üzrə icraat aparılan şəxs Şəxs və onun müdafiəçisi X1 iştirakı ilə, xx.xx.1985-ci ildə Daşkəsən rayonunda anadan olmuş, Azərbaycan Respublikası vətəndaşı, subay, orta təhsilli, işləməyən, Daşkəsən ray, Daşkəsən şəh, İsmət Qayıbov küçəsi, ev 5, mənzil 15-də qeydiyyatda olmaqla yaşayan, Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddələri ilə tərtib edilmiş inzibati xəta haqqında protokola açıq məhkəmə iclasında baxaraq, məhkəmə MÜƏYYƏN ETDİ: Şəxs xx.xx.2024-cü il tarixdə Daşkəsən rayon ərazisində sərxoş vəziyyətdə uca səslə nalayiq ifadələr işlədərək xırda xuliqanlıq, yəni ictimai qaydanı pozan hərəkətlər edərək, polisin qanuni tələbinə tabe olmadığına görə barəsində Azərbaycan Respublikasının İXM-nin 510-cu və 535.1-ci maddələri ilə inzibati xəta haqqında protokol tərtib edilmiş və toplanmış materiallar aidiyyatı üzrə baxılması üçün Daşkəsən Rayon Məhkəməsinə göndərilmişdir. Məhkəmə iclasında inzibati xəta haqqında protokol tərtib etmiş şəxs Daşkəsən rayon Polis Şöbəsinin İTB-in sahə rəisi X6 bildirmişdir ki, xx.xx.2024-cü il tarixdə Qanuni nümayəndə Daşkəsən RPŞ-nə müraciət edərək, həmin günü saat 19 radələrində Turalın onun oğlu Zərərçəkmiş şəxs ilə mübahisə edərək, cibində olan bıçağı çıxardaraq üstünə gəlmişdir. Həmin müraciət əsasında ora getmişlər və orada olan zaman Şəxs sərxoş vəziyyətdə olmuşdur. Onun nalayiq söyüşlər söydüyünü ona etdiyi hərəkətləri dayandırmağı təklif etsələrdə o, buna məhəl qoymamışdır. İnzibati protokoldakı xüsusatları təsdiq edərək, barəsində inzibati xəta haqqında iş üzrə icraat aparılan şəxs Şəxs barəsində qanuna uyğun qərar qəbul edilməsini məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirmişdir ki, o, xx.xx.2024-cü il tarixdə sərxoş halda olduğundan mübahisə etmiş, heç kimi döyməmiş nədə bıcaqla hədələməmişdir. Orada hər hansı kopudluğa, nalayiq ifadə işlədibsə dəqiq xatırlamadığını bildirmişdir. Polis serjantları oradan gəlib onu aparmışdır. Orada söyüş söyməmişdir. Hazırda zərərçəkmiş şəxslədə barışmışdır. Ona görədə Məhkəmədən barəsində qanuna uyğun qərar qəbul edilməsini xahiş etmişdir. Məhkəmə iclasında zərərçəkmiş şəxs qismindən dindirilən Qanuni nümayəndə bildirmişdir ki, həmin vaxt Tural həmin vaxt sərxoş olmuş və oğlu İlkinlə mübahisə etmişdir. Bu zaman o Daşkəsən RPŞ-nə müraciət etmiş və polislər gəlib onu aparmışdır. Hazırda onunla barışdığını və heç bir şikayət və tələbinin olmadığını bildirmişdir. Ona görədə Məhkəmədən cəza verliməməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxsin müdafiəçisi X3 izahatında bildirmişdir ki, hüquqlarını müdafiə etdiyi şəxsin həmin vaxt içkili olmasını sübuta yetirəcək hər hansı bir material olmamışdır. O evdə mübahisə edən zaman hər hansı bir ictimai qaydanı pozmamışdır. Həmin vaxt Turalda bıcaq olması öz sübutunu tapmamışdır. İctimai qaydanı pozmamışdır. Polis əməkdaşlarına qarşı hər hansı bir müqavimət göstərməmiş onların qanuni tələbinə tabe olmuşdur. Hazırki vəziyyətdə şəxsin təqsirliliyini sübuta yetirəcək hər hansı bir mötəbər sübüt olmadığından inzibati xəta haqqında işin icraatına xitam verilməsini məhkəmədən xahiş etmişdir. Məhkəmə qeyd edir ki, Azərbaycan Respublikası İXM–in 510 və 535.1-ci maddələrində nəzərdə tutulmuş inzibati xətanı törətməsi öz təsdiqini tapmamışdır. Bu səbəbdən də məhkəmə hesab edir ki, Şəxs barəsində Azərbaycan Respublikası İXM-in 510 və 535.1-ci maddəsi ilə tərtib edilmiş inzibati xəta haqqında işin icraatına xitam verilməlidir. Belə ki, Daşkəsən Rayon Məhkəməsiin xx.xx.2024-cü il tarixli qərarı ilə Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi və 535.1-ci maddəsi ilə tərtib edilmiş inzibati xəta haqqında protokollar üzrə işə baxılan zaman inzibati xəta haqqında iş materialları natamam olduğundan geri qaytarılmışdır. xx.xx.2024-cü il tarixdə yenidən X2 barəsində Azərbaycan Respublikası İnzibati Xətalar Məcəlləsinin 510-cu maddəsi və 535.1-ci maddəsi ilə inzibati xəta haqqında protokollar tərtib olunaraq məhkəməyə göndərilmişdir. Protokollar təkrarən təqdim edilərkən natamamlıqlar aradan qaldırılmadığından Daşkəsən Rayon Məhkəməsiin xx.xx.2024-cü il tarixli qərarları ilə inzibati xəta haqqında protokollar, onları tərtib etmiş orqana yenidən geri qaytarılmışdır. Bundan başqa işdə olan xx.xx.2024-cü il tarixli cinayət işinin başlanmasının rədd edilməsi haqqında Daşkəsən RPŞ-nin TQ-nun təhqiqatçısının qərarında inzibati xəta tərkibinin olması göstərilməmişdir Azərbaycan Respublikası İXM–in 75–ci maddəsində inzibati xəta törətməkdə şəxsin təqsirli olması inzibati xətalar haqqında işlərin icraatı üzrə sübut edilməli olan hal kimi müəyyən edilmişdir. Məhkəmə, inzibati xəta haqqında protokola inzibati xəta haqqında iş üzrə icraatda baxaraq mühüm əhəmiyyətə malik olan bütün halları araşdırıb, hər bir sübutu mənsubiyyəti, mümkünlüyü və mötəbərliyi üzrə qiymətləndirib, iş üzrə icraat materiallarını və digər sənədləri sübut növləri kimi qəbul edib, həmin sübutlara və onların məcmusuna tam, obyektiv və hərtərəfli hüquqi qiymət verib, belə nəticəyə gəlir ki, Şəxs xx.xx.2024-cü tarixdə Daşkəsən rayon 10 saylı yataqxanada olan zaman, polisin qanuni tələbinə tabe olmayaraq, ictimai qaydanı pozması və Azərbaycan Respublikası İXM-in 510-cu maddəsində nəzərdə tutulmuş inzibati xətanı törətməsi həmçinin onun əməlində inzibati xəta tərkibinin bütün əlamətlərinin mövcud olması, şahid ifadələri, həmçinin işdə olan materiallarla, yəni kifayət qədər mötəbər sübutlarla təsdiq edilməmiş, həmçinin həmin vaxt polis əməkdaşlarının qanuni tələblərinə qəsdən tabe olmayaraq, Azərbaycan Respublikası İXM-in 535.1-ci maddəsinin tələblərini pozması və inzibati xəta törətməsi, onun əməlində həmin maddədə nəzərdə tutulmuş inzibati xəta tərkibinin bütün əlamətlərinin mövcud olması, işdə olan materiallarla, yəni kifayət qədər mötəbər sübutlarla öz təsdiqini tapmamışdır. Bu hal isə Şəxs Azərbaycan Respublikası İXM-in 510 və 535.1-ci maddəsində nəzərdə tutulmuş inzibati xətanı törətməsi ilə bağlı təqsirinin sübuta yetirilməsi üçün kifayət etməmişdir. Ona görə də onun əməlində həmin inzibati xəta tərkibi yoxdur. Azərbaycan Respublikası İXM–in 3–cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 8.2–ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3–cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 13–cü maddəsində göstərilmişdir ki, inzibati xəta törətmiş şəxs öz əməlinin (hərəkətinin və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişdirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. Azərbaycan Respublikası İXM–in 53.0.2–ci maddəsində göstərilmişdir ki, inzibati xəta tərkibi olmadıqda inzibati xəta haqqında iş üzrə icraata xitam verilir. Azərbaycan Respublikası İXM-in 510-cu maddəsinə əsasən əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq edilir. Həmin Məcəllənin 535.1-ci maddəsinə əsasən Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Göstərilənlərə əsasən və Azərbaycan Respublikası İXM–in, 35.1, 35.2, 40, 43, 48- 51, 53.0.2, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs barəsində inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı vaxtdan 10 (on) gün müddətində Daşkəsən Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə apelyasiya şikayəti verilə bilər. Hakim : Kənan Vəliyev