Şabran Rayon Məhkəməsi Qərardad — İş №3(031)-375/2022

Azərbaycan Respublikası adından QƏRARDAD Şabran şəhəri İş № 3(031)-375/2022 27.06.2022 ŞABRAN RAYON MƏHKƏMƏSİ Şabran Rayon Məhkəməsinin hakimi İsgəndərov Çingiz Əmir oğlu, Səbirabad Rayon Məhkəməsindən daxil olmuş barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair materiala açıq məhkəmə iclasında baxaraq, MÜƏYYƏN ETDİ: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair 15 dekabr 2021-ci il tarixli, İXP seriyalı, ******* nömrəli inzibati xəta haqqında protokol və ona əlavə edilmiş sənədlər məhkəməyə daxil olmuşdur. Yuxarıda qeyd edilmiş inzibati xəta haqqında material nəzərdən keçirilərkən, 15 dekabr 2021-ci il tarixli, İXP seriyalı, ******* nömrəli inzibati xəta haqqında protokolun Azərbaycan Respublikasının Daxili işlər Nazirliyinin Sumqayıt Şəhər Polis İdarəsi Dövlət X1 tərəfindən Sumqayıt Şəhər Məhkəməsinə göndərildiyi, Sumqayıt Şəhər Məhkəməsinin 3(060)-1453/2022 nömrəli, 06 iyun 2022-ci il tarixli qərardadına əsasən həmin inzibati xəta haqqında protokolun baxılması üçün aidiyyatı üzrə Sabirabad Rayon Məhkəməsinə göndərildiyi və Sabirabad Rayon Məhkəməsinin sözü gedən inzibati xəta haqqında protokolun baxılması üçün Şabran Rayon Məhkəməsinə göndərildiyi aşkar edilmişdir. Bunlarla yanaşı, 15 dekabr 2021-ci il tarixli, İXP seriyalı, ******* nömrəli inzibati xəta haqqında protokolda barəsində inzibati xəta haqqında iş üzrə icraat aparılan şəxs Şəxs ünvan 1i ünvanında yaşadığı qeyd edilsə də, həmin protokola bunu təsdiq edən hər-hansı bir sübut əlavə edilməmiş, və CMS – "AZEMİS" Elektron Məhkəmə İnformasiya Sistemindən Şəxs şəxsiyyət vəsiqəsinə dair məlumatlarından onun hazırda ünvan 2 ünvanında qeydiyyatda olduğu aşkar edilmişdir. "Yaşayış yeri və olduğu yer üzrə qeydiyyat haqqında" Azərbaycan Respublikasının 04 aprel 1996-cı il tarixli, 55-İQ nömrəli Qanununun 3-cü maddəsinə əsasən Azərbaycan Respublikası vətəndaşı barədə yaşayış yeri yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. Azərbaycan Respublikası İnzibati Xətalar Məcəlləsinin: 109.1-ci maddəsinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edilir. 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. 110.3-cü maddəsinə əsasən nəqliyyat vasitəsini idarə etmək hüququnun məhdudlaşdırılmasına səbəb ola bilən inzibati xətalar haqqında işlərə, müvafiq icra hakimiyyəti orqanının mərkəzi informasiya sisteminin məlumatları nəzərə alınmaqla, bu Məcəllənin 110.1-ci maddəsində nəzərdə tutulmuş qaydada baxılır. Göstərilənlərə əsasən və Azərbaycan Respublikası İnzibati Xətalar Məcəlləsinin 118-ci maddəsini rəhbər tutaraq, QƏRARA ALDİ: Səbirabad Rayon Məhkəməsindən daxil olmuş barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair 15 dekabr 2021-ci il tarixli, İXP seriyalı, ******* nömrəli inzibati xəta haqqında protokol və ona əlavə edilmiş sənədlər baxılması üçün aidiyyəti üzrə Abşeron Rayon Məhkəməsinə göndərilsin. Sədrlik edən Çingiz İsgəndərov