Şirvan Şəhər Məhkəməsi Qərar — İş №3(032)-1024/2023

Azərbaycan Respublikası adından QƏRAR Şirvan şəhəri İş № 3(032)-1024/2023 31.08.2023 ŞİRVAN ŞƏHƏR MƏHKƏMƏSİ Şirvan şəhər Məhkəməsinin hakimi X5 oğlunun sədrliyi, Məmmədli Murad Sadiq oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1991-ci ildə Əli-Bayramlı (indiki Şirvan) şəhərində anadan olmuş, Azərbaycan Respublikasının vətəndaşı, evli ,orta təhsilli, fərdi əməklə məşğul olan , ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsinin tələblərinin pozulması ilə əlaqədar Şirvan şəhəri üzrə İcra və Probasiya şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, müəyyən etdim: Şəxs xx.xx.2013-cü il təvəllüdlü Təhməzov Murad mehdi oğlunun və xx.xx.2018-ci il təvəllüdlü X2 yetkinlik yaşına çatana qədər saxlanmaları üçün əvvəli xx.xx.2021-ci ildən hesablanmaqla hər ay hər uşağa 175 manat olmaqla, cəmi 350 manat sabit pul məbləğində aliment tutularaq iddiaçı Təhməzova (Quliyeva) Zülfiyyə Vidadi qızına verilməsi barədə Bakı şəhəri Xətai Rayon Məhkəməsinin 2(011)-6011/2021 saylı, xx.xx.2021-ci il tarixli icra sənədinin icrası ilə bağlı Şirvan şəhəri üzrə İcra və Probasiya şöbəsinin icra məmurunun qanuni tələblərini yerinə yetirməmişdir. İnzibati xəta hadisəsinin olması 31 avqust 2023-cü il tarixli inzibati xəta haqqında protokolla, barəsində inzibati xəta haqında iş üzrə icraat aparılan şəxsin, protokolu tərtib etmiş şəxsin izahatları, habelə inzibati xəta haqqında protokola əlavə edilmiş sənədlərlə təsdiq olunur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, Bakı şəhəri Xətai Rayon Məhkəməsinin 2(011)-6011/2021 saylı, xx.xx.2021-ci il tarixli icra sənədinə əsasən xx.xx.2013-cü il təvəllüdlü Təhməzov Murad mehdi oğlunun və xx.xx.2018-ci il təvəllüdlü X2 yetkinlik yaşına çatana qədər saxlanmaları üçün əvvəli xx.xx.2021-ci ildən hesablanmaqla hər ay hər uşağa 175 manat olmaqla, cəmi 350 manat sabit pul məbləğində aliment tutularaq iddiaçı Zərərçəkmiş şəxs verilməlidir.Daimi işi yoxdur, Bakı şəhərində kirayə yaşamaqla fəhləlik edir. İş olduğu təqdirdə işləyir. İşləməsə də övladına görə köməklik etmişdir. O, aylıq aliment pulunu ödəyə bilmir,lakin iddiaçı ondan borclu olduğu pulu da istəyir. Maddi imkanı olmadığından aliment borcunu ödəyə bilmir. Məhkəmə iclasında inzibati xəta haqqında protokolu tərtib etmiş şəxs Şirvan şəhəri üzrə İcra və Probasiya Şöbəsinin icra məmuru X1 izahat verərək bildirdi ki, Bakı şəhəri Xətai Rayon Məhkəməsinin 2(011)-6011/2021 saylı, xx.xx.2021-ci il tarixli icra sənədinə əsasən xx.xx.2013-cü il təvəllüdlü Təhməzov Murad mehdi oğlunun və xx.xx.2018-ci il təvəllüdlü X2 yetkinlik yaşına çatana qədər saxlanmaları üçün əvvəli xx.xx.2021-ci ildən hesablanmaqla hər ay hər uşağa 175 manat olmaqla, cəmi 350 manat sabit pul məbləğində aliment tutularaq iddiaçı Zərərçəkmiş şəxs verilməsi qət edilmişdir. Borcluya xx.xx.2022-ci il tarixdə “icraata başlamaq haqqında” qərar və tələbin könüllü icrası haqqında bildiriş göndərilməsinə baxmayaraq icra sənədi üzrə tələb qismən icra edilmişdir. Borclunun elektron icra sistemində əks olunmuş informasiya məlumatlarından adına qeydiyyata alınmış hər hansı əmlakın və ya gəlir yerinin olmaması müəyyən edilmişdir. xx.xx.2023-cü il tarixli qərara əsasən Şəxs barəsində axtarış elan edilmişdir. Belə ki, onun qeydiyyatda olduğu ünvanda yaşamaması müəyyən olunmuşdur. Şəxs bugünə kimi ödənilməyən 3770 manat aliment borcu yaranmışdır. Şəxs xx.xx.2023-cü il tarixdə gətirilərək Şirvan şəhər İcra və probasiya şöbəsinə təhvil verilmişdir. İnzibati xəta haqqında protokola əlavə edilmiş sənədlərdən görünür ki, Şəxs Bakı şəhəri Xətai Rayon Məhkəməsinin 2(011)-6011/2021 saylı, xx.xx.2021-ci il tarixli icra sənədi üzrə yaranmış aliment borcunun alınıb tələbkar Təhməzova (Quliyeva) Zülfiyyə Vidadi qızına ödənilməsi barədə Şirvan şəhəri üzrə İcra və Probasiya Şöbəsinin icra məmuru tərəfindən xəbərdar edilmişdir. İnzibati xəta haqqında protokola əlavə edilmiş xx.xx.2021-ci il tarixli borclunun axtarışı haqqında qərarın surətindən görünür ki, Şəxs barəsində axtarış elan edilmişdir. İnzibati xəta haqqında protokola əlavə edilmiş Şirvan şəhər Məhkəməsinin 3 (032)- 850/2021 saylı qərarın surətindən görünür ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək barəsində 10 (on ) gün müddətə inzibati həbs tətbiq olunmuşdur. İnzibati xəta haqqında protokola əlavə edilmiş xx.xx.2023-cü il tarixli borclunun axtarışı haqqında qərarın surətindən görünür ki, Şəxs barəsində axtarış elan edilmişdir. İnzibati xəta haqqında protokola əlavə edilmiş Şəxs yazılı izahatından görünür ki, Bakı şəhəri Xətai Rayon Məhkəməsinin 2(011)-6011/2021 saylı, xx.xx.2021-ci il tarixli icra sənədi üzrə borcu işləmədiyindən və maddi imkanı olmadığından ödəməmişdir. İnzibati xəta haqqında protokola əlavə edilmiş xx.xx.2023-cü il tarixli məktubun surətindən görünür ki, Şəxs Şirvan şəhəri üzrə İcra və Probasiya Şöbəsinə təqdim edilmişdir. İşin bütün hallarının məcmusuna hərtərəfli,tam və obyektiv surətdə baxaraq və iş üzrə olan sübutları qiymətləndirərək hesab edirəm ki,inzibati xəta hadisəsi oldugundan inzibati xəta törətmiş şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzərdə tutulmuş müəyyən müddətə inzibati həbs növündə inzibati tənbeh tətbiq edilməlidir. İnzibati həbs növündə inzibati tənbehin müddəti İXM-nin 31.4-cü maddəsinin tələbləri nəzərə alınmaqla təyin edilməlidir. Belə ki, Azərbaycan Respublikası İnzibati Xətalar Məcəlləsinin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Eyni zamanda Azərbaycan Respublikası İnzibati Xətalar Məcəlləsinin 31-33 maddələrinə müvafiq olaraq inzibati həbs tətbiq edərkən xətanın idarəçilik qaydaları əleyhinə olması barədə xarakteri,inzibati xəta törədən şəxsin əmlak vəziyyətinin qənaətbəxş olmaması, iş üzrə məsuliyyəti yüngülləşdirən və ağırlaşdıran halların olmaması nəzərə alınır. Beləliklə hesab edirəm ki, inzibati xəta törətmiş şəxs Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasının həddləri daxilində müəyyən müddətə inzibati həbs edilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 114,115,128-130-cü maddələrini rəhbər tutub, qərara aldım: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək barəsində 11 (on bir ) gün müddətə inzibati həbs tətbiq olunsun. İnzibati həbs haqqında qərar dərhal icra edilsin. İnzibati həbsdə saxlamanın əvvəli 31 avqust 2023-cü il tarixdən hesablansın. Qərarın surəti, təqdim edildiyi və ya alındığı gündən on gün müddətində qərardan Şirvan şəhər Məhkəməsi vasitəsi ilə Şirvan Apellyasiya Məhkəməsinə şikayət verilə bilər. Sədrlik edən : Etibar Hümbətov