Şirvan Şəhər Məhkəməsi Qərardad — İş №3(032)-1325/2023

Azərbaycan Respublikası adından QƏRARDAD Şirvan şəhəri İş № 3(032)-1325/2023 07.12.2023 ŞİRVAN ŞƏHƏR MƏHKƏMƏSİ Hakim Mustafayev Ceyhun Mustafa oğlunun sədrliyi, Hacıyev Elşən Höküməli oğlunun katibliyi, "xxxx" Məhdud Məsuliyyətli Cəmiyyətinin barəsində Azərbaycan Respublikasının Maliyyə Nazirliyindən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Azərbaycan Respublikasının Maliyyə Nazirliyinin xx.xx.2023-cü il tarixli məktubu ilə "xxxx" Məhdud Məsuliyyətli Cəmiyyətinin barəsində Azərbaycan Respublikası İnzibati Xətalar Məcəlləsinin 464-cü maddəsi ilə tərtib edilmiş 16 noyabr 2023-cü il tarixli, MN seriyalı, ******* nömrəli inzibati xəta haqqında protokol və ona əlavə edilmiş materiallar baxılması üçün Şirvan şəhər Məhkəməsinə göndərmişdir. 27 noyabr 2023-cü il tarixdə Şirvan şəhər Məhkəməsinə daxil olmuş 16 noyabr 2023cü il tarixli, MN seriyalı, ******* nömrəli inzibati xəta haqqında protokoldan görünür ki, hüquqi şəxs "xxxx" Məhdud Məsuliyyətli Cəmiyyəti tərəfindən 2021-ci il üzrə maliyyə hesabatlarının 2022-ci ildə auditi aparılmamışdır. Aşağıdakı əsaslara görə inzibati material geri qaytarılmalıdır. Belə ki, Azərbaycan Respublikasının Maliyyə Nazirliyinin uçot siyasəti şöbəsinin aparıcı məsləhətçisi Feyruz Tağıyev məhkəməyə məktub ünvanlayaraq bildirmişdir ki, "xxxx" Məhdud Məsuliyyətli Cəmiyyətinin 2021-ci il üzrə maliyyə hesabatlarına auditor rəyi (Müstəqil auditorun hesbatını) verilmiş və həmin rəy Maliyyə Nazirliyinə təqdim edilmişdir. Bu səbəbdən də işə baxılmadan Maliyyə Nazirliyinə qaytarılmasını xahiş etmişdir. Barəsində inzibati xəta haqqında iş üzrə icraat aparılan hüquqi şəxs "xxxx" Məhdud Məsuliyyətli Cəmiyyətinə və Azərbaycan Respublikasının Maliyyə Nazirliyinə məhkəmə iclasının vaxtı və yeri haqqında bildiriş göndərilməsinə baxmayaraq, səlahiyyətli nümayəndələrin məhkəmə iclasında iştirakları təmin edilməmiş və məhkəmə onların iştirakı olmadan materialın baxılmasını mümkün hesab etmişdir. Azərbaycan Respublikası İXM-nin 60.1-ci maddəsinə əsasən hakim və ya səlahiyyətli orqan (vəzifəli şəxs) bildiriş vasitəsilə inzibati xətalar haqqında işlər üzrə icraatın iştirakçılarını işə baxılmasının vaxtı və yeri, habelə ayrı-ayrı prosessual hərəkətlər haqqında xəbərdar edir, onları işə baxılmasında və ya digər prosessual hərəkətlərin həyata keçirilməsində iştirak etmək üçün çağırırlar. Həmin məcəllənin 61.3-cü maddəsinə görə inzibati xəta haqqında işə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işə şəxsin iştirakı olmadan, yalnız o hallarda baxılır ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Məhkəmə hesab edir ki, Azərbaycan Respublikasının Maliyyə Nazirliyi tərəfindən protokol və ona əlavə olunmuş sənədlərin geri qaytarılması barədə məktubunu təqdim etdiyindən, protokol baxılmadan geri qaytarılmalıdır. Qeyd olunanlara əsasən və Azərbaycan Respublikası İXM-nin 40, 43 və 109-cu maddələrini rəhbər tutub, qərara aldı: "xxxx" Məhdud Məsuliyyətli Cəmiyyətinin barəsində Azərbaycan Respublikası İnzibati Xətalar Məcəlləsinin 464-cü maddəsi ilə tərtib edilmiş inzibati xəta haqqında protokol və ona əlavə olunmuş sənədlər Azərbaycan Respublikasının Maliyyə Nazirliyinin məktubuna əsasən geri qaytarılsın. Hakım: Ceyhun Mustafayev