Şirvan Şəhər Məhkəməsi Qərar — İş №3(032)-588/2023

Azərbaycan Respublikası adından QƏRAR Şirvan şəhəri İş № 3(032)-588/2023 08.05.2023 ŞİRVAN ŞƏHƏR MƏHKƏMƏSİ Hakim Mustafayev Ceyhun Mustafa oğlunun sədrliyi, Hacıyev Elşən Höküməli oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1985-ci il tarixdə Sabirabad rayonu, Yastıqobu kəndində doğulmuş, Azərbaycan Respublikasının vətəndaşı, evli, Sabirabad rayonu, Qaz İdarəsində mühafizəçi işləyən, Sabirabad rayonu Kürkəndi Ərazi Dairəsi, Bulaqlı kəndində qeydiyyatda olan və yaşayan Şəxs Azərbaycan Respublikası İXM-nin 535.1-ci maddəsinin tələblərinin pozulması ilə əlaqədar Şirvan şəhər Polis Şöbəsindən daxil olmuş inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, müəyyən etdi: Şəxs 08 may 2023-cü il tarixdə, saat 11:00 radələrində Şirvan şəhəri, H.Əliyev prospektində olan zaman YPX-nin əməkdaşlarının qanuni tələbinə məhəl qoymamışdır. İnzibati xəta hadisənin olması 08 may 2023-cü il tarixli, MN ******* nömrəli inzibati xəta haqqında protokolla, barəsində inzibati xəta haqqında iş üzrə icraat aparılan şəxsin izahatı və şahidin ifadəsi, habelə inzibati xəta haqqında protokola əlavə edilmiş sənədlərlə təsdiq olunur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, xx.xx.2023-cü il tarixdə, saat 11 radələrində **-BN-*** dövlət qeydiyyat nişanlı, VAZ 21074 markalı avtomobili idarə edən zaman YPX-nin əməkdaşları onu saxlamış, bu zaman aralarında maşına görə mübahisə yaranmışdır. Hazırda əməlindən peşmançığını səmimi etiraf edir. Şirvan şəhər Polis Şöbəsinin DYPB-nin YPX-nin baş inspektoru, polis leytenantı X1 məhkəmə iclasında izahatında bildirmişdir ki, xx.xx.2023-cü il tarixdə, saat 11:35 radələrində xidmətdə olduğu BMW markalı, **-YP-*** dövlət qeydiyyat nişanlı avtomaşında VAZ 21074 markalı, **- BN-*** dövlət qeydiyyat nişanlı avtomobildə konstruksiya dəyişliyi olduğundan şübhələndikləri üçün tərəflərindən saxlanılmış, sürücüyə yaxınlaşıb özünü təqdim etmiş, sənədlərini yoxlamış və maşında konstruksiya dəyişikliyinin olduğunu aşkar etmiş və bunu sürücüyə əyani olaraq nümayiş etmişdir. Sürücüyə bu qayda pozuntusuna görə barəsində inzibati xətalar məcəlləsinin tələblərinə uyğun olaraq protokol tərtib olunacağı və nəqliyyat vasitəsi polis şöbəsinin duracağına təmin olunacağı barədə məlumat vermişdir. Sürücü isə hədə-qorxu gələrək, “Sizi şikayət edəcəm və bu işinizdə işləməyə qoymayacam” deyərək ifadələr işlətmişdir. Sürücüyə xəbərdarlıq edilmiş, lakin buna məhəl qoymayaraq nalayiq ifadələr işlətmişdir. Tərəflərindən həmin şəxs polis şöbəsinə gətirilmiş, növbətçi hissədə məlum olmuşdur ki, həmin şəxs Sabirabad rayon sakini Şəxsdur. İş materiallarında olan və məhkəmə baxışında tədqiq edilmiş: İnzibati qaydada tutma haqqında protokoldan görünür ki, Şəxs 08 may 2023-cü il tarixdə, saat 12:05-də inzibati qaydada tutulmuşdur. 08 may 2023-cü il tarixli, MN ******* nömrəli inzibati xəta haqqında protokoldan görünür ki, Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin məcəllənin İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Bundan başqa xəta törədən şəxsin törətdiyi əməli səmimi etiraf etməsini, ilk dəfə inzibati məsuliyyətə cəlb edilməsini, əməlindən peşman olmasını iş üzrə məsuliyyəti yüngülləşdirən və iş üzrə məsuliyyəti ağırlaşdıran halların olmaması nəzərə alınır. Azərbaycan Respublikası İnzibati Xətalar Məcəlləsinin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Beləliklə məhkəmə, inzibati xəta törədən şəxsin şəxsiyyətini, ilk dəfə inzibati məsuliyyətə cəlb edilməsini, əməlindən peşmançılığını, işin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək məhkəmə hesab edir ki, inzibati xəta hadisəsi oldugundan inzibati xəta törətmiş şəxs Şəxs barəsində İXM-in 31.4-1-ci maddəsinin tələbləri nəzərə alınmaqla Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati cərimə növündə inzibati tənbeh tədbiri tətbiq edilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 114, 115, 128-130-cu maddələrini rəhbər tutub, qərara aldı: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək 150 manat məbləğində cərimə edilsin. Qərarın surəti, rəsmi qaydada təqdim edildiyi gündən 10 (on gün) müddətində qərardan Şirvan şəhər Məhkəməsi vasitəsi ilə Şirvan Apellyasiya Məhkəməsinə şikayət verilə bilər. Sədrlik edən Ceyhun Mustafayev