Şirvan Şəhər Məhkəməsi Qərar — İş №3(032)-725/2024

Azərbaycan Respublikası adından QƏRAR Şirvan şəhəri İş № 3(032)-725/2024 28.08.2024 ŞİRVAN ŞƏHƏR MƏHKƏMƏSİ Şirvan şəhər Məhkəməsinin hakimi Məmmədli Aydan Zakir qızının sədrliyi, Barəsində inzibati xəta haqqında iş üzrə icraat aparılan şəxs Şəxs Zərərçəkmiş şəxs Şirvan şəhəri Zərərçəkmiş şəxs nümayəndəsi X1, İnzibati xəta haqqında protokolu tərtib etmiş şəxs Şirvan şəhəri üzrə İcra və probasiya şöbəsinin icra məmuru X2 iştirakı ilə , xx.xx.1996-cı ildə Şirvan şəhərində anadan olmuş, Azərbaycan Respublikasının vətəndaşı, evli, fərdi əməklə məşğul olan, Şirvan şəhəri ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsinə əsasən Şirvan şəhəri üzrə İcra və probasiya şöbəsi tərəfindən tərtib edilmiş inzibati xəta haqqında protokola və ona əlavə edilmiş sənədlərə baxaraq, məhkəmə müəyyən etdi : Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair Şirvan şəhəri üzrə İcra və Probasiya Şöbəsinin icra məmuru X7 28 avqust 2024-cü il tarixli MN seriyalı ******* nömrəli inzibati xəta haqqında protokol tərtib edilərək baxılması üçün məhkəməyə təqdim edilmişdir. İnzibati xəta haqqında protokola əsasən Şəxs Şirvan şəhər Məhkəməsinin 16(032)- 24/2024 nömrəli xx.xx.2024-cü il tarixli icra sənədinə əsasən, Şirvan şəhəri üzrə İcra və Probasiya şöbəsinin icra məmurunun qanuni tələblərini yerinə yetirməmişdir. Həmin icra vərəqəsinə əsasən müəyyən edilmişdir ki, borclu Şəxs Şirvan şəhəri Mahir Mirzəyev küçəsində Şirvan-Salyan avtomobil yolunun şərq hissəsində ,şəhər qəbirstanlığının cənub tərəfində yerləşən torpaq sahəsində tikinti işlərini davam etdirmək və əlavə torpaq sahəsini zəbt etmək hərəkətləri qadağan edilmişdir. İnzibati xəta hadisəsinin olması 28 avqust 2024-cü il tarixli MN seriyalı ******* saylı inzibati xəta haqqında protokolla, barəsində inzibati xəta haqında iş üzrə icraat aparılan şəxsin, zərərçəkmiş şəxsin nümayəndəsinin, protokolu tərtib etmiş şəxsin, habelə inzibati xəta haqqında protokola əlavə edilmiş sənədlərlə (fotoşəkillərlə) təsdiq olunur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, Şirvan şəhər Məhkəməsinin 16(032)-24/2024 nömrəli xx.xx.2024-cü il tarixli icra sənədindən icrasından qərəzli yayınmır. Belə ki, onun yaşamağa başqa yeri olmadığından həmin torpaq sahəsində evin dam örtüyünü vurmuşdur ki, ailəsi ilə birlikdə orda yaşasın, torpaq sahəsinin ona məxsus olmasını təsdiq edən sənədləri var. Hazırda əməlindən peşmandır. Məhkəmə iclasında zərərçəkmiş şəxs Şirvan şəhəri Zərərçəkmiş şəxs nümayəndəsi X5 izahat verərək bildirdi ki , hazırkı mübahisə ilə bağlı iş üzrə müvafiq ekspertiza təyin olunmuş, həmin ekspertiza rəyinə əsasən sözügedən torpaq sahəsinin bələdiyyə torpaqlarına aid olubolmayacağı müəyyən olunacaqdır. Barəsində inzibati xəta haqqında iş üzrə icraat aparılan şəxs barəsində daha yüngül inzibati tənbehin tətbiq edilməsini xahiş etdi. Məhkəmə iclasında inzibati xəta haqqında protokolu tərtib etmiş şəxs Şirvan şəhəri üzrə İcra və Probasiya Şöbəsinin icra məmuru X7 izahat verərək bildirdi ki, Şirvan şəhər Məhkəməsinin 16(032)-24/2024 nömrəli xx.xx.2024-cü il tarixli icra sənədinə əsasən, Şirvan şəhəri üzrə İcra və Probasiya şöbəsinin icra məmurunun qanuni tələblərini yerinə yetirməmişdir. Həmin icra vərəqəsinə əsasən müəyyən edilmişdir ki, borclu Şəxs Şirvan şəhəri Mahir Mirzəyev küçəsində Şirvan-Salyan avtomobil yolunun şərq hissəsində, şəhər qəbirstanlığının cənub tərəfində yerləşən torpaq sahəsində tikinti işlərini davam etdirmək və əlavə torpaq sahəsini zəbt etmək hərəkətləri qadağan edilməsi qət edilmişdir. Borcluya xx.xx.2024-cü il tarixdə “icraata başlamaq haqqında” qərar və tələbin könüllü icrası haqqında bildiriş göndərilmişdir. İcra sənədi xx.xx.2024-cu il tarixdə icraata daxil olmuş, borcluya “icraata baslamaq haqqinda’” qərar və tələbin könüllü icrası haqqında bildiriş göndərilməsinə baxmayaraq icra şöbəsinə gəlməmişdir. xx.xx.2024-cu il tarixdə nümayəndələrin iştirakı ilə icra yerinə gedilmiş, tikintiye baxış keçirilmiş və borclu Şəxs hüqug və vəzifələri izah olunmaqla icra vərəqəsində göstərilənlər barədə məlumat verilmiş va hər hansı tikinti işlərinin aparılması qadağan edilmişdir. Borclu Şəxs hər hansı bir tikinti işlərinin aparmayacağına söz vermiş ve tərtib olunmuş akta imza etmisdir. İcra yerində fotoşəkillər çəkilmişdir. Məlumat alınmışdır ki, hazırda borclu tərəfindən tikinti işləri dayandırılmayıb və borclu Şəxs tərəfindən davam etdirilir. Yenidən xx.xx.2024-cu il tarixda icra yerinə gedilmiş və müəyyən olunmuşdur ki, borclu Şəxs tərəfindən tikinti işlərini davam etdirilir. Tikinti işlərinin aparılması ilə əlaqədar fotoşəkillər çəkilmiş və bu barədə akt tərtib olunmuşdur. xx.xx.2024-cü il tarixdə borclu Şəxs İcra və probasiya şöbəsinə dəvət olunmuş, ondan izahat alınmış, o izahatında tikinti işlərini davam etdirdiyini bildirilmişdir. Beləliklə borclu Şəxs icra məmurunun qanuni tələblərini yerinə yetirməmişdir. İnzibati xəta haqqında protokola əlavə edilmiş sənədlərdən görünür ki, Şəxs Şirvan şəhər Məhkəməsinin 16(032)-24/2024 nömrəli xx.xx.2024-cü il tarixli icra sənədi üzrə tələbin icra edilməsi ilə bağlı Şirvan şəhəri üzrə İcra və Probasiya Şöbəsinin icra məmuru tərəfindən xəbərdar edilmişdir. İnzibati xəta haqqında protokola əlavə edilmiş xx.xx.2024-cü il tarixli “icraata başlamaq haqqında” qərarın surətindən görünür ki, borclu Şəxs Şirvan şəhəri Mahir Mirzəyev küçəsində Şirvan-Salyan avtomobil yolunun şərq hissəsində, şəhər qəbirstanlığının cənub tərəfində yerləşən torpaq sahəsində tikinti işlərini davam etdirmək və əlavə torpaq sahəsini zəbt etmək hərəkətləri qadağan edilməlidir. İnzibati xəta haqqında protokola əlavə edilmiş tələbin könüllü icrası haqqında xx.xx.2024-cü il tarixli bildirişin surətindən görünür ki, Şirvan şəhər Məhkəməsinin 16(032)-24/2024 nömrəli xx.xx.2024-cü il tarixli icra sənədində göstərilən tələbi könüllü yerinə yetirməsi üçün Şəxs xəbərdarlıq edilmiş, həmçinin icra sənədinin icra edilməməsinə görə qanunvericilikdə nəzərdə tutulmiş müvafiq məsuliyyətə cəlb oluna biləcəyi də onun nəzərinə çatdırılmışdır. Həmin bildiriş Şəxs tərəfindən imzalanaraq qəbul edilmişdir. İnzibati xəta haqqında protokola əlavə edilmiş Şəxs xx.xx.2024-cü il tarixli yazılı izahatından görünür ki, Şirvan şəhər Məhkəməsinin 16(032)-24/2024 nömrəli xx.xx.2024-cü il tarixli icra sənədi üzrə tələbi yaşayış yeri olmadığından məcburiyyət qarşısında qaldığından tikinti işlərini dayandırmamışdır . İnzibati xəta haqqında protokola əlavə edilmiş xx.xx.2024-cü il tarixdə və xx.xx.2024-cü il tarixdə çəkilmiş fotoşəkillərdən görünür ki, xx.xx.2024-cü il tarixdə köhnə iş dayandırıldıqdan sonra ərazidə əlavə tikinti işləri görülmüşdür. Elektron məhkəmə informasiya sistemindən çıxarışdan görünür ki, Şəxs himayəsində xx.xx.2020-ci il təvəllüdlü X3 , xx.xx.2021-ci il təvəllüdlü X4 və xx.xx.2024-cü il təvəllüdlü X8 adlı üç övladı vardır. Məhkəmə işin faktiki hallarına qiymət verərək hesab edir ki, borclu Şəxs icra sənədinin icrasını təmin etməməsi və icranın təmin edilməməsinə rəsmi şəkildə heç bir üzrlü səbəb göstərməməsi icra sənədinin icrası ilə əlaqədar icra məmurunun qanuni tələblərinin yerinə yetirilməməsi və icra məmuru tərəfindən müəyyən olunmuş müddətdə icra sənədinin üzrsüz səbəbdən icra edilməməsi kimi qiymətləndirilməlidir. Azərbaycan Respublikasının İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Ədalət mühakiməsinin həyata keçirilməsi zamanı “İnsan hüquqlarının və əsas azadlıqların müdafiəsi haqqında» Avropa Konvensiyası müddəalarının və İnsan Hüquqları üzrə Avropa Məhkəməsinin presedentlərinin tətbiqi haqqında” Azərbaycan Respublikası Ali Məhkəməsinin 30 mart 2006-cı il tarixli, 5 nömrəli qərarının 6-cı bəndinə əsasən mülki işlər üzrə məhkəmə baxışı müddəti iddia ərizəsinin məhkəməyə daxil olduğu vaxtdan başlayır və məhkəmə qərarının icrasının başa çatmasına kimi davam edir. “İcra haqqında” Azərbaycan Respublikası Qanununun 82.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Belə ki, Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə inzibati tənbeh tədbiri tətbiq edərkən Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs əməlini səmimi etiraf etməklə peşman olmasını məsuliyyəti yüngülləşdirən hallar kimi nəzərə alır. Azərbaycan Respublikasının İnzibati Xətalar Məcəlləsinin 33-cü maddəsinə əsasən Şəxs əməlində məsuliyyəti ağırlaşdıran hallar müəyyən edilməmişdir. Məhkəmə barəsində inzibati icraat aparılan şəxs Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, himayəsində azyaşlı uşaqlarının olmasını, əmlak vəziyyətini, o cümlədən Azərbaycan Respublikasının İXM-nin 32-ci və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikasının İXM-nin 528.1-ci maddəsinin sanksiyasında nəzrədə tutulmuş cərimə növündə inzibati tətbiq edilməsi məqsədə müvafiqdir. Yuxarıda göstərilənlərə əsasən və Azərbaycan Respublikasının İXM-nin 40, 43, 48- 51, 114-117, 128-130 maddələrini rəhbər tutaraq, məhkəmə qərara aldı : Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməkdə təqsirli bilinsin və barəsində 500 (beş yüz) manat məbləğində cərimə növündə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 (on) gün müddətində qərardan Şirvan şəhər Məhkəməsi vasitəsi ilə Şirvan Apellyasiya Məhkəməsinə şikayət verilə bilər. Hakim: Aydan Məmmədli