Şirvan Şəhər Məhkəməsi Qərar — İş №3(032)-875/2024

Azərbaycan Respublikası adından QƏRAR Şirvan şəhəri İş № 3(032)-875/2024 11.10.2024 ŞİRVAN ŞƏHƏR MƏHKƏMƏSİ Hakim Mustafayev Ceyhun Mustafa oğlunun sədrliyi, Qarayev Qiyas Sarvan oğlunun katibliyi, İnzibati xəta haqqında protokolu tərtib etmiş şəxs Şirvan şəhəri YPX baş inspektor polis kapitanı X1, Zərərçəkmiş şəxs, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1995-ci ildə Şirvan şəhərində anadan olmuş, Azərbaycan Respublikasının vətəndaşı, subay, ali təhsilli, işləməyən, ünvan 1 ünvanında yaşayan Şəxs Azərbaycan Respublikası İnzibati Xətalar Məcəlləsinin 327.1, 332.1 və 332.4-cü maddələrinin tələblərinin pozulması ilə əlaqədar Azərbaycan Respublikası Daxili İşlər Nazirliyi Şirvan şəhər Polis Şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, müəyyən etdi: Şəxs 10 oktyabr 2024-cü il tarixdə saat 14:30 radələrində sürücülük vəsiqəsi və etibarnaməsi olmadan idarə etdiyi «Mercedes Benz E320» minik markalı ** RA *** dövlət qeydiyyat nişanlı avtomobil ilə Şirvan şəhəri, Xəqani küçəsində işıqforun qırmızı işığında yolayırıcına daxil olub sola dönən zaman hərəkətdə olan «Toyota Prius» markalı ** ZR *** dövlət qeydiyyat nişanlı avtomobillə toqquşmuş, nəticədə «Toyota Prius» markalı ** ZR *** dövlət qeydiyyat nişanlı avtomobilin sahibinə maddi ziyan yetirmişdir. İnzibati xəta hadisəsinin olması xx.xx.2024-cü il tarixli, İXP ******* saylı inzibati xəta haqqında protokolla, yol hadisəsinin sxemi, protokolu tərtib etmiş şəxsin, barəsində inzibati xəta haqqında iş üzrə icraat aparılan şəxsin, zərərçəkmiş şəxsin izahatları ilə habelə inzibati xəta haqqında protokola əlavə edilmiş sənədlərlə təsdiq olunur. Məhkəmə iclasında inzibati xəta haqqında protokolu tərtib etmiş şəxs Şirvan şəhəri YPX baş inspektor polis kapitanı X2 bildirdi ki, 10 oktyabr 2024-cü il tarixdə saat 14:30 radələrində təhlükəsizlik şəhər kameraları altında Şirvan şəhəri T.İsmayılov küçəsi ilə Xəqani küçəsi kəsişməsi arasında Şəxs sürücülük vəsiqəsi və etibarnamə olmadan idarə etdiyi «Mercedes Benz E320» minik markalı ** RA *** dövlət qeydiyyat nişanlı avtomobili işıqforun qırmızı işığında hərəkət etdirərək yolayırıcına daxil olub sola dönən zaman «Toyota Prius» markalı ** ZR *** dövlət qeydiyyat nişanlı avtomobilin ön hissəsi ilə toqquşmuşdur. Nəticədə «Toyota Prius» markalı ** ZR *** dövlət qeydiyyat nişanlı avtomobilin qabaq sağ hissəsinə çırpılmış və avtomobilə 870 manat maddi ziyan dəymişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, 10 oktyabr 2024-cü il tarixdə saat 14:30 radələrində radələrində etibarnaməsiz və sürücülük vəsiqəsiz idarə etdiyi «Mercedes Benz E320» minik markalı ** RA *** dövlət qeydiyyat nişanlı avtomobil ilə Şirvan şəhəri, Xəqani küçəsində işıqforun qırmızı işığında yolayırıcına daxil olub sola dönən zaman «Toyota Prius» markalı ** ZR *** dövlət qeydiyyat nişanlı avtomobilin ön hissəsi ilə toqquşmuşdur. Hadisə zamanı heç bir xəsarət almamış və sərxoş olmamışdır. İnzibati xətanı törətməsində özünü təqsirli bilir, etdiyi əməldən səmimi peşmandır. Maddi ziyana məruz qalmış zərərçəkmiş şəxsə dəymiş ziyan sığorta tərəfindən ödənilməyəcəyi halda özü ödəyəcəkdir və bu barədə zərərçəkmiş şəxslə aralarında razılıq əldə edilmişdir. Sonra məhkəmədən barəsində yüngül həddə inzibati tənbeh tətbiq edilməsini xahiş etdi. Məhkəmə iclasında Zərərçəkmiş şəxs izahat verərək bildirdi ki, 10 oktyabr 2024-cü il tarixdə saat 14:30 radələrində idarə etdiyi «Toyota Prius» markalı ** ZR *** dövlət qeydiyyat nişanlı avtomobili ilə Şirvan şəhəri Xəqani küçəsində işıqforun yaşıl işığında hərəkətdə olan zaman «Mercedes Benz E320» minik markalı ** RA *** dövlət qeydiyyat nişanlı avtomobilin sürücüsü işıqforun qırmızı işığında hərəkət edərək avtomobilinin ön hissəsi ilə toqquşmuş, nəticədə onun idarə etdiyi avtomobilə maddi ziyan dəymişdir. Lakin hadisə zamanı heç bir xəsarət almamış və sərxoş olmamışdır. Dəymiş maddi ziyan ona ödənilməmişdir. Şəxs dəymiş ziyanı ödəyəcəyini bildirdiyindən ona qarşı şikayət və tələbi yoxdur. İnzibati xəta haqqında xx.xx.2024-cü il tarixli, İXP ******* nömrəli protokoldan görünür ki, Şəxs Azərbaycan Respublikasının İnzibati Xətalar Məcəlləsinin 327.1, 332.1 və 332.4-cü maddələri ilə nəzərdə tutulmuş inzibati xətanı törətmişdir. İnzibati xəta haqqında protokola əlavə edilmiş ED seriyalı ******* nömrəli nəqliyyat vasitəsinin qeydiyyat şəhadətnaməsinin surətindən görünür ki, «Toyota Prius» markalı ** ZR *** dövlət qeydiyyat nişanlı avtomobil X5 məxsusdur. İnzibati xəta haqqında protokola əlavə edilmiş DİN-nin DYP web portalından çıxarılmış sənəddən görünür ki, «Mercedes Benz E320» minik markalı ** RA *** dövlət qeydiyyat nişanlı avtomobil X3 məxsusdur. İnzibati xəta haqqında protokola əlavə edilmiş Şirvan "xxxx" Müəssisəsinin mütəxəssisi F.M.Ələkbərovun 11 oktyabr 2024-cü il tarixli rəy aktından görünür ki, zaman «Toyota Prius» markalı ** ZR *** dövlət qeydiyyat nişanlı avtomobilin sahibi Zərərçəkmiş şəxs ümumilikdə (ehtiyat hissələri 370 manat, təmir bərpa işləri 500 manat) 870 manat ziyan dəymişdir. Azərbaycan Respublikası İnzibati Xətalar Məcəlləsinin 332.4-cü maddəsinə əsasən bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə - dörd yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Azərbaycan Respublikasının İnzibati Xətalar Məcəlləsinin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikasının İnzibati Xətalar Məcəlləsinin 32.1.1-ci maddəsinə əsasən inzibati xəta törətmiş şəxsin səmimi peşmançılığı inzibati tənbeh tətbiq edilərkən, məsuliyyəti yüngülləşdirən hal hesab edilir. Barəsində inzibati xəta haqqında iş üzrə icraat aparılan şəxsin əməlindən peşman olmasını məsuliyyəti yüngülləşdirən hal kimi nəzərə alınır. İş üzrə məsuliyyəti ağırlaşdıran hallar müəyyən edilməmişdir. Azərbaycan Respublikasının İnzibati Xətalar Məcəlləsinin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İş materiallarını araşdıraraq, törədilmiş inzibati xətanın xarakterini, inzibati xəta törətmiş şəxsin şəxsiyyətini nəzərə alaraq məhkəmə, Şəxs Azərbaycan Respublikası İXM-nin 332.4cü maddəsinin sanksiyasında nəzərdə tutulan inzibati cərimə növündə tənbeh edilməsini məqsədəmüvafiq hesab edir. Azərbaycan Respublikası İXM-nin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Lakin araşdırma zamanı müəyyən edildi ki Şəxs Azərbaycan Respublikası İXM-nin 327.1 və 332.1-ci maddələri ilə nəzərdə tutulan inzibati xəta hadisəsini törətməsinə dair işə baxılması məhkəmənin səlahiyyətlərinə aid deyildir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 34-cü maddəsinin şərh edilməsinə dair” 02 sentyabr 2020-ci il tarixli qərarında qeyd edilmişdir ki, eyni vaxtda törədilən bir neçə inzibati xətaya dair işlərə bir orqan tərəfindən baxılması, yalnız həmin xətaların hər biri bu orqanın səlahiyyətinə aid olduqda mümkündür. Şəxsin bir hərəkəti ilə bir neçə inzibati xəta törətməsi, bu xətalardan biri məhkəmənin, digəri isə müvafiq orqanın səlahiyyətinə aid olduqda bu xətalara münasibətdə ayrı-ayrı orqanlar öz səlahiyyətləri çərçivəsində tənbeh tətbiq etməlidirlər. Göründüyü kimi hazırki iş üzrə törədilmiş inzibati xətalardan biri, yəni Azərbaycan Respublikası İXM-nin 332.4-cü maddəsində nəzərdə tutulmuş inzibati xətalar haqqında işə baxmaq rayon (şəhər) məhkəmələrinin, digərləri isə yəni Azərbaycan Respublikası İXM-in 327.1 və 332.1-ci maddələrində nəzərdə tutulmuş inzibati xətalar haqqında işlərə baxmaq Baş X8 İdarəsinin rəisinin, onun müavinlərinin, Baş X8 İdarəsinin Mərkəzi Məlumat Xidmətinin rəisinin, Naxçıvan Muxtar Respublikasının Daxili İşlər Nazirliyinin X8 İdarəsinin rəisinin, ərazi polis orqanlarının X8 idarələrinin, şöbələrinin rəislərinin, onların müavinlərinin, ərazi polis orqanlarının X8 bölmələrinin rəislərinin, ərazi polis orqanlarının X8 qruplarının rəhbərlərinin səlahiyyətinə aiddir. Bu səbəbdən də məhkəmə hesab edir ki, Şəxs həmin hissədə əməlinə qiymət verilməsi üçün material Şirvan şəhər Polis Şöbəsinə göndərilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 114, 115, 128-130-ci maddələrini rəhbər tutub, qərara aldı: xx.xx.1995-ci ildə Şirvan şəhərində anadan olmuş, Azərbaycan Respublikasının vətəndaşı, subay, ali təhsilli, işləməyən, ünvan 1 ünvanında yaşayan inzibati xəta törətmiş Şəxs Azərbaycan Respublikasının İnzibati Xətalar Məcəlləsinin 332.4-cü maddəsi ilə təqsirli bilinərək 500 manat cərimə edilsin. Şəxs Azərbaycan Respublikasının İnzibati Xətalar Məcəlləsinin 327.1 və 332.1-ci maddələri ilə nəzərdə tutulan inzibati xəta hadisəsini törətməsinə dair işə baxılması məhkəmənin səlahiyyətlərinə aid olmadığından, həmin hissədə onun əməlinə qiymət verilməsi üçün material Şirvan şəhər Polis Şöbəsinə göndərilsin. Zərərçəkmiş şəxsə maddi zərərin əvəzinin ödənilməsi ilə bağlı mülki qaydada iddia ilə məhkəməyə müraciət etmək hüquq izah olunsun. Qərarın surəti təqdim edildiyi və ya alındığı gündən 10 (on) gün müddətində Şirvan Apellyasiya Məhkəməsinə şikayət və ya protest verilə bilər. Hakim Ceyhun Mustafayev