Zərdab Rayon Məhkəməsi Qərar — İş №3(035)-29/2024

Azərbaycan Respublikası adından QƏRAR Zərdab rayonu İş № 3(035)-29/2024 19.01.2024 ZƏRDAB RAYON MƏHKƏMƏSİ Zərdab Rayon Məhkəməsi X4 Elxan oğlunun sədrliyi, Rəsulov Rəsul Xalid oğlunun katibliyi ilə, X5 barəsində Azərbaycan Republikası İnzibati Xətalar Məcəlləsinin 529.3-cü maddəsi ilə Zərdab rayon Polis Şöbəsindən daxil olmuş inzibati xəta haqqında materiala 09 yanvar 2024-cü il tarixdə Zərdab Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Zərdab rayon Polis Şöbəsinin əməkdaşı X1 tərəfindən tərtib edilmiş xx.xx.2023-cü il tarixli, İXP ******* saylı inzibati xəta haqqında protokoldan və əlavə edilmiş materiallardan görünür ki, X5 yol hərəkəti qaydaları əleyhinə olan inzibati xəta törədilməsinə görə barəsində inzibati cərimə tətbiq edilməsi haqqında qərarı həmin qərarın qüvvəyə mindiyi gündən 3 ay müddətində qanunla müəyyən edilmiş əsaslar olmadan icra etməmişdir. Məhkəmə iclasının yeri və vaxtı barədə inzibati xəta törətmiş şəxs X3 lazımı qaydada məlumat verilsə də, məhkəmə iclasına gəlməmişdir. Məhkəmə Azərbaycan Respublikası İXM-nin 61.3-cü maddəsinə əsasən inzibati xəta haqqında işə inzibati xəta törətmiş şəxsin iştirakı olmadan baxılmasını mümkün hesab etmişdir. Məhkəmə Zərdab rayon Polis Şöbəsinin əməkdaşı X1 tərəfindən tərtib edilmiş xx.xx.2023-cü il tarixli, İXP ******* saylı inzibati xəta haqqında protokolu və iş materiallarını tədqiq edərək belə nəticəyə gəlir ki, hazırki inzibati xəta haqqında iş üzrə icraata xitam verilməlidir. Belə ki, işdə olan DİN-nin DYP Veb Portalından çıxarışdan görünür ki, X5 xx.xx.2023-cü il tarixdə yol hərəkəti qaydasını pozduğu üçün onun Azərbaycan Respublikası İXM-nin 346.1-ci maddəsinə əsasən 20 manat məbləğində cərimə edilməsi qərara alınmışdır. İşdə olan Zərdab RPŞ-nin xx.xx.2023-cü il tarixli, 3-13-120/2-15579/2023 saylı məktubundan görünür ki, X5 20 manat cəriməni ödəmədiyi üçün ona 12 manat dəbbə pulu hesablanmışdır. İşdə olan DİN-nin DYP Veb Portalından çıxarışdan görünür ki, X5 xx.xx.2023-cü il tarixdə Azərbaycan Republikası İnbzibati Xətalar Məcəlləsinin 346.1-ci maddəsi ilə tərtib olunmuş protokola əsasən 20 manat cəriməni və əlavə olaraq onun üzərinə hesablanmış 12 manat dəbbə pulunu xx.xx.2023-ci il tarixdə ödəmişdir. Azərbaycan Respublikası İXM-nin 529-cu maddəsinin 1-ci qeydinə əsasən 529.3-cü maddəsində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. Məhkəmə hesab edir ki, X5 tərəfindən hazırkı iş üzrə yekun məhkəmə qərarı qəbul edilənədək inzibati cərimə və hesablanmış dəbbə pulu ödənildiyindən onun barəsində olan inzibati xəta haqqında hazırkı iş üzrə icraata xitam verilməlidir. Beləliklə, məhkəmə yuxarıda qeyd olunanlara əsaslanaraq və Azərbaycan Respublikası İXM-nin 114,115, 128-130-cü maddələrini rəhbər tutaraq, QƏRARA ALDİ: X2 Azərbaycan Republikası İXM-nin 529.3-cü maddəsi ilə nəzərdə tutulmuş inzibati xətanı törətməsi barədə inzibati xəta haqqında 3(035)-12/2024 saylı iş üzrə icraata xitam verilsin. Qərardan 10 gün müddətinə Zərdab Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. HAKİM: İLQAM HƏSƏNQULİYEV.