Zərdab Rayon Məhkəməsi Qərar — İş №3(035)-310/2024

Azərbaycan Respublikası adından QƏRAR Zərdab rayonu İş № 3(035)-310/2024 13.05.2024 ZƏRDAB RAYON MƏHKƏMƏSİ Zərdab Rayon Məhkəməsi X2 Elxan oğlunun sədrliyi Həsənov Anar Məhəmməd oğlunun katibliyi Zərdab rayon İcra və Probasiya Şöbəsinin rəisi vəzifəsini icra edən X6 oğlunun İnzibati xəta törətmiş şəxs Şəxs iştirakı ilə, xx.xx.1999-cu ildə Zərdab şəhərində anadan olmuş, Azərbaycan Respublikasının vətəndaşı, orta təhsilli, işləməyən, ünvan 1 ünvanında yaşayan Şəxs barəsində Azərbaycan Respublikası İXM-nin 528.1-ci maddəsi ilə Zərdab rayon İcra və Probasiya Şöbəsindən daxil olmuş inzibati xəta haqqında protokola və ona əlavə edilmiş materiala 13 may 2024-cü il tarixdə Zərdab Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Zərdab rayon İcra və Probasiya Şöbəsinin rəisi vəzifəsini icra edən X3 13 may 2024-cü il tarixli inzibati xəta haqqında protokolla məhkəməyə müraciət edərək Şəxs Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməsi barədə qərar çıxarılmasını xahiş etmişdir. Məhkəmə iclasında Zərdab rayon İcra və Probasiya Şöbəsinin rəisi vəzifəsini icra edən X3 izahatında göstərmişdir ki, Zərdab rayon Məhkəməsi tərəfindən verilmiş 2(035)-835/2022 saylı, xx.xx.2022-ci il tarixli icra sənədinə əsasən Şəxs xx.xx.2021-ci il tarixli müqaviliyə əsasən 463.8 manat və ödənilmiş dövlət rüsumuna görə 30 manat cəmi 493.8 manat alınaraq "xxxx" MMC-yə ödənilməlidir. Həmçinin, Zərdab rayon məhkəməsinin 2(035)-710/2023 saylı, xx.xx.2023-cü il tarixli icra sənədinə əsasən Şəxs 810 manat alınaraq X1 xeyrinə ödənilməlidir. İcra sənədləri Zərdab rayon İcra və Probasiya Şöbəsinə daxil olmuş və qeydiyyata alınaraq icraata başlamaq haqqında qərar qabul edilərək bildirşlə borclunun yaşayış ünvanına göndərilmiş və tələbi təmin etməsi üçün vaxt verilmişdir. Borclu İcra vərəqəsində qeyd olunan öhdəliyi könüllü şəlildə icra etməməmiş və çağrışlara gəlməmişdir. Bundan sonra borclu rayon icra və probasiya şöbəsinə dəvət olunaraq bildiriş ona şəxsən təqdim edilmişdir. Ancaq borclu yenə tələbi təmin etməmişdir və çağrışlara gəlməmişdir. Bundan sonra borclunun ünvanına xx.xx.2023-cü il tarixdə xəbərdarlıq məktubu göndərilərək tələbi təmin etməsi bildirilmişdir. Ancaq borclu tələbi təmin etməmiş və çağrışlara gəlməmişdir. Bundan sonra tərəfimizdən borclu barəsində xx.xx.2023-cü il tarixdə borclunun axtarışı haqqında qərar qəbul edilərək icrası üçün Zərdab rayon Polis Şöbəsinə göndərilmişdir. Zərdab rayon Polis şöbəsinin əməkdaşları tərəfindən borclu Şəxs saxlanılaraq xx.xx.2023-cü il tarixdə rayon İcra və probasiya şöbəsinə təhvil verilmişdir. Borcluya hüquqları, vəzifələri və məsuliyyəti izah olunmaqla məhkəmə qərarının dövlətin adından çıxdığının və icrasının hər kəs üçün məcburi olduğu izah olunmaqla tələbi təmin etməsi bildirilmişdir. Borclu isə öz növbəsində ona xx.xx.2023-cü il tarixə kimi vaxt verilərsə tələbi tam təmin edəcəyini bildirmişdir. Ancaq borclu ona vaxt verilədə tələbi təmin etməmiş və çağrışlara gəlməmişdir. Bundan sonra borclu barəsində yenidən axtarış qərarı qəbul edilərək icrası üçün Zərdab rayon Polis Şöbəsinə göndərilmişdir. Zərdab rayon Polis şöbəsinin əməkdaşları borclunu saxlayaraq xx.xx.2023- cü il tarixdə rayon İcra və probasiya şöbəsinə təqdim etmişdilər. Borclunun yenidən izahatı alınaraq ona vaxt verilsədə o, tələbi təmin etməmiş və çağrışlara gəlməmişdir. Bunda sonra borclu barəsində yenidən xx.xx.2024-cü il tarixdə axtarış qərarı qəbul edilrək icrası üçün Zərdab rayon Polis Şöbəsinə göndərilmişdir. xx.xx.2024-cü il tarixdə Zərdab rayon İcra və Probasiya şöbəsinə təhvil verilmişdir. Hesab edir ki, borclu Şəxs Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməlidir. Ona görə də, məhkəmədən Şəxs inzibati məsuliyyətə cəlb edilməsini xahiş edir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında bildirmişdir ki, maddi imkanı olmadığı üçün icra məmurunun qeyd etdiyi icra sənədləri üzrə borcunu ödəməmişdir. Məhkəmə icra məmurunun və inzibati xəta törətmiş şəxsin izahatlarını dinləyib, iş materiallarını tədqiq edərək belə nəticəyə gəlir ki, Şəxs tərəfindən Azərbaycan Respublikası İXM-nin 528.1-ci maddəsi ilə nəzərdə tutulan inzibati xətanın törədilməsi məhkəmə baxışı zamanı tam sübuta yetirilmişdir. Belə ki, işdə olan MN ******* saylı protokola əlavədən görünür ki, Zərdab rayon Məhkəməsi tərəfindən verilmiş 2(035)-835/2022 saylı, xx.xx.2022-ci il tarixli icra sənədinə əsasən Şəxs xx.xx.2021-ci il tarixli müqaviliyə əsasən 463.8 manat və ödənilmiş dövlət rüsumuna görə 30 manat cəmi 493.8 manat alınaraq "xxxx" MMC-yə və Zərdab rayon məhkəməsinin 2(035)- 710/2023 saylı, xx.xx.2023-cü il tarixli digər icra sənədinə əsasən Şəxs 810 manat alınaraq X1 xeyrinə ödənilməlidir. İşdə olan icraata başlama haqqında xx.xx.2023-cü il tarixli və xx.xx.2023-cü il tarixli qərarlardan görünür ki, Zərdab rayon İcra və Probasiya Şöbəsində icra işləri başlanmışdır. İş materiallarından görünür ki, borclu Şəxs barəsində icra məmuru tərəfindən xx.xx.2024-cü il tarixdə inzibati xəta haqqında protokol tərtib edilmiş və protokolun bir surəti imza etdirilməklə inzibati xətanı törətmiş şəxsə təqdim edilmişdir. Azərbaycan Respublikası Konstitusiyasının 129-cu maddəsinin 1-ci hissəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2-ci maddəsinə görə məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Azərbaycan Respublikası İXM-nin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə inzibati məsuliyyət yaranır. Azərbaycan Respublikası İXM-nin 32 və 33-cü maddələrinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xatakteri, inzibati xəta törədən şəxsin şəxsiyyəti, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında inzibati xəta törətmiş şəxsin məsuliyyətini yüngülləşdirən və ağırlaşdıran hər hansı bir hal müəyyən olunmamışdır. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 16.1-ci maddəsinə görə inzibati xəta törədərkən on altı yaşı tamam olmuş fiziki şəxslər inzibati məsuliyyətə cəlb olunurlar. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə araşdırması zamanı icra məmurunun və inzibati xəta törətmiş şəxsin izahatından, tədqiq edilən iş materiallarından müəyyən olundu ki, borclu Şəxs Zərdab rayon Məhkəməsi tərəfindən verilmiş 2(035)-835/2022 saylı, xx.xx.2022-ci il tarixli və 2(035)-710/2023 saylı, xx.xx.2023-cü il tarixli icra sənədləri üzrə icra məmurunun tələblərini qərəzli olaraq yerinə yetirməmişdir. Ona görə də məhkəmə belə qənaətə gəlir ki, Şəxs 2(035)-835/2022 saylı, xx.xx.2022-ci il tarixli və 2(035)-710/2023 saylı, xx.xx.2023-cü il tarixli icra sənədlərinin icrası ilə əlaqədar icra məmrunun qanuni tələblərini yerinə yetirmədiyi üçün onun əməli Azərbaycan Respublikası İXM-nin 528.1-ci maddəsinin tərkibini yaratmışdır. O, həmin maddə ilə təqsirli bilinməli və barəsində inzibati həbs növündə inzibati tənbeh tətbiq edilməlidir. Beləliklə, məhkəmə yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 114, 128-130-ci maddələrini rəhbər tutaraq, Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 08 (səkkiz) gün müddətinə inzibati qaydada həbs olunsun. İnzibati həbs etmənin əvvəli 13 may 2024-cü il tarixdən saat 17:10-dan hesablansın. Qərarın icrası Zərdab rayon Polis Şöbəsinə həvalə edilsin. Qərardan təqdim edildiyi və ya alındığı gündən 10 (on) gün müddətinə Zərdab Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti və protesti verilə bilər. HAKİM: İLQAM HƏSƏNQULİYEV