Zərdab Rayon Məhkəməsi Qərar — İş №3(035)-520/2024

Azərbaycan Respublikası adından QƏRAR Zərdab rayonu İş № 3(035)-520/2024 19.08.2024 ZƏRDAB RAYON MƏHKƏMƏSİ Zərdab Rayon Məhkəməsi X7 Elxan oğlunun sədrliyi, Həsənov Anar Məhəmməd oğlunun katibliyi, Zərdab rayon İcra və Probasiya Şöbəsinin icra məmuru X2, X1, İnzibati xəta törətmiş şəxs Şəxs iştirakı ilə, xx.xx.1993-cü ildə Zərdab rayonu, Yarməmmədbağı kəndində anadan olmuş, Azərbaycan Respublikasının vətəndaşı, orta təhsilli, işləməyən, Zərdab rayonu, Yarməmmədbağı kəndində qeydiyyatda olmaqla yaşayan Şəxs barəsində Azərbaycan Respublikası İXM-nin 528.1-ci maddəsi ilə Zərdab rayon İcra və Probasiya Şöbəsindən daxil olmuş inzibati xəta haqqında protokola və ona əlavə edilmiş materiala 19 avqust 2024-cü il tarixdə Zərdab Rayon Məhkəməsinin binasında açıq məhkəmə iclasında baxaraq MÜƏYYƏN ETDİ: Zərdab rayon İcra və Probasiya Şöbəsinin icra məmuru X4 05 avqust 2024-cü il tarixli inzibati xəta haqqında protokolla məhkəməyə müraciət edərək Şəxs Azərbaycan Respublikası İXMnin 528.1-ci maddəsi ilə inzibati məsuliyyətə cəlb edilməsi barədə qərar çıxarılmasını xahiş etmişdir. Məhkəmə iclasında Zərdab rayon İcra və Probasiya Şöbəsinin icra məmuru X4 izahatında göstərmişdir ki, Zərdab Rayon Məhkəməsinin 2(035)-116/2024-011 nömrəli, xx.xx.2024-cü il tarixli icra sənədi üzrə X1 uşaqları-xx.xx.2014-cü il təvəllüdlü X5 və xx.xx.2019-cu il təvəllüdlü X8 ilə hər həftənin şənbə və bazar günləri saat 10:00-dan 18:00-dək ünsiyyətdə olmaq hüququ təmin edilməsinə dair qətnamə qət edilmişdir. Uşaqlarla görüş üçün müəyyən olunmuş icra vaxtı bitdikdən sonra uşaqların atadan alınıb anaya verilməsi vəzifəsi Zərdab rayon İcra və Probasiya şöbəsinə həvalə edilmişdir. İcra sənədi üzrə müvafiq qaydada icraata başlanılmış, icra sənədinin icrası ilə bağlı onun ünvanına göndərilmiş qərar və bildirişə heç bir münasibət bildirməmiş və məhkəmə qərarının icrasından üzürsüz səbəbdən yayınmışdır. Sonrakı müddətdə icra sənədi üzrə borclu şəxslə dəfələrlə şifahi qaydada danışılmış icra sənədi üzrə tələbi təmin etməsi bildirilmişdir. Borclu icra sənədi üzrə yaranmış 700 manat aliment borcunu təmin etmədiyi müddətcə uşaqla görüşü təmin etməyəcəyini, tələbkar isə öz növbəsində hər həftə vaxtlı-vaxtında uşaqla görüşmək istədiyini bildirmişdir. Odur ki, məhkəmədən Şəxs inzibati məsuliyyətə cəlb edilməsini xahiş edir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında bildirmişdir ki, tələbkar ilə aralarında razılığa gəlmiş, Zərdab Rayon Məhkəməsinin 2(035)- 116/2024-011 saylı icra sənədi üzrə tələbi təmin etmişdir və gələcəkdədə təmin edəcəkdir. Bununla əlaqədar olaraq xx.xx.2024-cü il tarixli ərizəsini məhkəməyə təqdim edir. Əlavə olaraq qeyd etmişdir ki, icra sənədi üzrə tələbi təmin etdiyi üçün barəsində olan inzibati xəta haqqında iş üzrə icraata xitam veriməsini məhkəmədən xahiş edir. Məhkəmə iclasında tələbkar X6 izahat verərək bildirmişdir ki, barəsində inzibati xəta haqqında iş üzə icraat aparılan şəxs Şəxs ilə razılığa gəlmişlər, onunla aralarında olan mübahisə üzrə olan Zərdab Rayon Məhkəməsinin 2(035)-116/2024-011 saylı icra sənədinə əsasən tələb onun tərəfindən tam icra olunmuşdur. Ona görə iş üzrə icraata xitam verilməsini məhkəmədən xahiş edir. Məhkəmə Zərdab rayon İcra və probasiya şöbəsinin icra məmuru X2, barəsində inzibati xəta haqqında iş üzrə icraat aparılan şəxs Şəxs və X1 izahatlarını dinləyib, iş materiallarını araşdıraraq belə nəticəyə gəlir ki, Şəxs barəsində inzibati xəta haqqında iş üzrə icraata xitam verilməlidir. Belə ki, işdə olan xx.xx.2024-cü il tarixdə tərtib edilmiş inzibati xəta haqqında protokoldan görünür ki, borclu Şəxs barəsində icra məmuru tərəfindən Azərbaycan Respublikası İXM-nin 528.1-ci maddəsi ilə inzibati xəta haqqında protokol tərtib edilmişdir. Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair Azərbaycan Respublikası Konstitusiya Məhkəməsinin Plenumu qeyd edir ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi mütləq inzibati həbslə nəticələnməməli, icra məmurları müxtəlif qanuni vasitələrlə məhkəmə aktlarının icrasının təmin edilməsi üçün şərait yaratmalı və yalnız bütün imkanlar tükəndikdən sonra sərt inzibati və cinayət təsiri tədbirlərindən istifadə etməlidirlər. Azərbaycan Respublikası İXM-nin 53.1.2-ci maddəsinə görə şəxsin hərəkətində inzibati xəta tərkibi olmadıqda inzibati xətalar haqqında işlər üzrə icraat başlana bilməz, başlanmış icraata isə xitam verilməlidir. Azərbaycan Respublikası İXM-nin 114.2.1-ci maddəsinə əsasən inzibati xəta haqqında iş üzrə icraata xitam verilməsi haqqında qərar bu Məcəllənin 53-cü maddəsində nəzərdə tutulan hallardan biri mövcud olduqda çıxarılır. Məhkəmə işin yuxarıda müəyyən olunan hallarına əsaslanaraq və yuxrıda adıçəkilən qanunvericilik normalarının müddəalarını rəhbər tutaraq belə nəticəyə gəlir ki, borclu Şəxs sözügedən icra vərəqəsi üzrə olan öhdəliyini tam olaraq icra etmişdir. Belə olan təqdirdə məhkəmə hesab edir ki, Şəxs hərəkətlərində Azərbaycan Respublikası İXM-nin 528.1-ci maddəsi ilə nəzərdə tutulan inzibati xəta tərkibi mövcud deyildir. Ona görə də, onun barəsində inzibati xəta haqqında işin icratına xitam verilməlidir. Beləliklə, məhkəmə yuxarıda qeyd olunanlara əsaslanaraq və Azərbaycan Respublikası İXM-nin 53.1.2, 114, 128-130-ci maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında 3(035)-520/2024 saylı işin icraatına xitam verilsin. Qərardan 10 gün müddətində Zərdab Rayon Məhkəməsi vasitəsilə Şəki Apellyasiya Məhkəməsinə apellyasiya şikayəti verilə bilər. HAKİM: İLQAM HƏSƏNQULİYEV.