Zərdab Rayon Məhkəməsi Qərar — İş №3(035)-6/2025

Azərbaycan Respublikası adından QƏRAR Zərdab rayonu İş № 3(035)-6/2025 19.12.2025 ZƏRDAB RAYON MƏHKƏMƏSİ Hakim Abbasov Cavid Mehman oğlunun sədrliyi, Rəsulov Rəsul Xalid oğlunun katibliyi, Zərdab rayon İcra və Probasiya şöbəsinin rəisi X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxx 1980-cı ildə Zərdab rayonu, Bıçaqçı kəndində doğulmuş Azərbaycan Respublikasının vətəndaşı, orta təhsilli, evli, işləməyən, Zərdab rayonu, Bıçaqçı kəndində qeydiyyatda olmaqla yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM-nin) 528.1-1-ci maddəsi ilə Zərdab rayon İcra və Probasiya şöbəsindən daxil olmuş inzibati xəta haqqında protokola və ona əlavə edilmiş materiala açıq məhkəmə iclasında baxaraq, məhkəmə MÜƏYYƏN ETDİ: Zərdab rayon İcra və Probasiya şöbəsi tərəfindən 29 mart 2024-cü il tarixli inzibati xəta haqqında protokolla məhkəməyə müraciət edilərək Şəxs Azərbaycan Respublikası İXM-nin 528.1-1-ci maddəsi ilə inzibati məsuliyyətə cəlb edilməsi barədə qərar çıxarılması xahiş edilmişdir. Məhkəmə iclasında Zərdab rayon İcra və Probasiya Şöbəsinin rəisi X3 izahatında göstərmişdir ki, Zərdab Rayon Məhkəməsi tərəfindən verilmiş 2(035)-260/2023 saylı, xx.xx.2023-cu il tarixli icra sənədinə əsasən Şəxsdan 1823.80 manat alınaraq BOKT "xxxx" QSC-yə verilməli, Zərdab Rayon Məhkəməsi tərəfindən verilmiş 2(035)-289/2023 saylı, xx.xx.2023-cu il tarixli icra sənədinə əsasən Şəxsdan 644.7 manat alınaraq "xxxx" MMC-yə verilməli, Zərdab Rayon Məhkəməsi tərəfindən verilmiş 2(035)-588/2023 saylı, xx.xx.2023-cu il tarixli icra sənədinə əsasən Şəxsdan 560.4 manat alınaraq "xxxx" MMCyə verilməli, Zərdab Rayon Məhkəməsi tərəfindən verilmiş 2(035)-341/2023 saylı, xx.xx.2023-cu il tarixli icra sənədinə əsasən Şəxsdan 1020 manat alınaraq "xxxx" MMC-yə verilməlidir. İcra vərəqələri müvafiq olaraq Zərdab rayon İcra və Probasiya şöbəsinə daxil olmuş və icraata başlamaq haqqında qərarlar qabul edilərək bildirişlərlə birlikdə borclunun yaşayış ünvanına göndərilmiş və tələbi təmin etməsi üçün 10 (on) gün könüllü vaxt verilmişdir. Borclu icra sənədlərində qeyd olunan öhdəliyi könüllü şəlikldə icra etməməsi səbəbindən onun ünvanına inzibati məsuliyyəyə cəlb ediləcəyi barədə göndərilmiş xəbərdarlıqları almasına baxmayaraq, çağırışlara gəlməmiş və öhdəliyi icra etməmişdir. Borclu tələbi təmin etmədiyindən, çağrılara gəlmədiyindən və ünvanını gizlətdiyindən onun barəsində axtarış qərarı qəbul edilərək icrası üçün Zərdab rayon Polis şöbəsinə göndərilmişdir. Zərdab rayon Polis şöbəsi tərəfindən borclu tapılaraq rayon İcra və probasiya şöbəsinə gətirilmişdir. Borcluya hüquqları, vəzifələri və məluliyyəti izah olunmaqla izahatı alınmış, ancaq icra sənədi üzrə tələblər təmin etməmişdir. Bunda sonra borclunun barəsində protokol tərtib olunaraq baxılması üçün məhkəyə verilmişdir. Borclu Azərbaycan Respublikası İXM-nin 528.1-ci maddəsi ilə təqsirli bilib inzibati qaydada həbs olunmuşdur. Bundan sonra da borclu tərəfindən tələb təmin edilmədiyindən və çağırışlara gəlmədiyimdən onun barəsində yenidən axtarış qərarı qəbul edilərək aidiyyatı üzrə göndərilmişdir. Axtarış nəticəsində borclu rayon İcra və probasiya şöbəsinə təqdim edilmişdir. Borcluya hüquqları, vəzifələri və məsuliyyəti izah olunmaqla məhkəmə qərarının dövlətin adından çıxdığının və icrasının hər kəs üçün məcbuririliyi izah olunmasına baxmayaraq borclu tələbi təmin etməmişdir. Ona görə də onun barəsində Azərbaycan Respublikası İXM-nin 528.1-1-ci maddəsi ilə inzibati xəta haqqında protokol tərtib olunaraq baxılması üçün məhkəməyə göndərilmişdir. Borclu xx.xx.2025-ci il tarixdə "xxxx" MMC-yə olan borcunu tam şəkildə və "xxxx" MMC-yə olan borcundan isə 456 manat ödəniş etmişdir. Onun inzibati məsuliyyətə cəlb edilməsi məsələsini məhkəmənin mülahizəsinə buraxır. Barəsində inzibati xəta haqqında iş üzrə icraat aparılan şəxs Şəxs məhkəmə iclasında bildirmişdir ki, haqqında məhkəmə qərarlarının olduğunu bilir. Əvvəllər maddi imkanı olmadığından ödənişlər edə bilməmişdir. Hazırda "xxxx" MMC-yə olan borcunu tam şəkildə ödəmiş və "xxxx" MMC-yə olan borcundan isə 456 manat ödəniş etmişdir. Qalan borcunu da tələbkarlarla razılaşıb hissə-hissə ödəyəcəkdir. Qeyd olunanların nəzərə alınmasını məhkəmədən xahiş edir. Məhkəmə Zərdab rayon İcra və probasiya şöbəsinin rəisini və barəsində inzibati xəta haqqında iş üzrə icraat aparılan şəxsin izahatlarını dinləyib, iş materiallarını araşdırıb belə nəticəyə gəlir ki, X2 barəsində olan inzibati xəta haqqında iş üzrə icraata xitam verilməlidir. Belə ki, iş materiallarında olan və məhkəmə iclasında tədqiq edilən: Zərdab Rayon Məhkəməsi tərəfindən verilmiş 2(035)-260/2023 saylı, xx.xx.2023-cu il tarixli icra sənədindən görünür ki, Şəxsdan 1823.80 manat alınaraq BOKT "xxxx" QSC-yə verilməlidir. Zərdab Rayon Məhkəməsi tərəfindən verilmiş 2(035)-289/2023 saylı, xx.xx.2023-cü il tarixli icra sənədindən görünür ki, Şəxsdan 644.7 manat alınaraq "xxxx" MMC-yə verilməlidir. Zərdab Rayon Məhkəməsi tərəfindən verilmiş 2(035)-341/2023 saylı, xx.xx.2023-cu il tarixli icra sənədindən görünür ki, Şəxsdan 1020 manat alınaraq "xxxx" MMC-yə verilməlidir. Zərdab Rayon Məhkəməsi tərəfindən verilmiş 2(035)-588/2023 saylı, xx.xx.2023-cu il tarixli icra sənədindən görünür ki, Şəxsdan 560.4 manat alınaraq "xxxx" MMC-yə verilməlidir. Zərdab Rayon Məhkəməsinin xx.xx.2023-cü il tarixli, 3(035)-458/2023 saylı qərarının surətindən görünür ki, Şəxs icra sənədləri üzrə icra məmurunun qanuni tələblərini yerinə yetirmədiyi üçün Azərbaycan Respublikası İXM-nin 528.1-ci maddəsi ilə təqsirli bilinib 10 (on) gün müddətində inzibati qaydada həbs edilmişdir. xx.xx.2024-cü il tarixdə tərtib edilmiş inzibati xəta haqqında protokoldan görünür ki, borclu Şəxs barəsində icra məmuru tərəfindən Azərbaycan Respublikası İXM-nin 528.1-1-ci maddəsi ilə inzibati xəta haqqında protokol tərtib edilmiş və protokolun bir surəti imza etdirilməklə inzibati xətanı törətmiş şəxsə təqdim edilmişdir. Zərdab Rayon Məhkəməsinin xx.xx.2024-cü il tarixli, 3(035)-190/2024 saylı qərarından görünür ki, barəsində inzibati xəta haqqında iş üzrə icraat aparılan şəxs Şəxs məhkəmə iclaslarına gəlmədiyi üçün onun barəsində axtarış elan olunaraq, barəsində inzibati xəta haqqında iş üzrə icraata aparılan şəxs tapılıb məhkəməyə təqdim olunanadək iş üzrə icraat dayandırılmışdır. Zərdab Rayon Polis Şöbəsinin xx.xx.2025-ci il tarixli məktubundan görünür ki, Şəxs həmin tarixdə polis əməkdaşları tərəfindən tapılaraq məhkəməyə təqdim edilmişdir. Zərdab Rayon Məhkəməsinin xx.xx.2025-ci il tarixli, 3(035)-6/2025 saylı qərarından görünür ki, barəsində inzibati xəta haqqında iş üzrə icraat aparılan şəxs Şəxs polis əməkdaşları tərəfindən məhkəməyə təqdim edildiyindən iş üzrə icraatın dayandırılması barədə Zərdab Rayon Məhkəməsinin 3(035)-190/2024 saylı, xx.xx.2024-cü il tarixli qərarı ləğv edilərək 3(035)-190/2024 saylı inzibati xəta haqqında iş üzrə icraat təzələnmişdir. İş materiallarına əlavə olunan ödəniş qəbzlərindən görünür ki, Şəxs xx.xx.2025-ci il tarixdə "xxxx" MMC-yə olan borcunu tam şəkildə ödəmiş və "xxxx" MMC-yə olan borcundan isə 456 manat ödəniş etmişdir. Barəsində inzibati xəta haqqında icraat aparılan Şəxs Azərbaycan Respublikası İnzibati Xətalar Məcəlləsinin 528.1-1-ci maddəsində nəzərdə tutulan inzibati xətanı törətməsi özünün ifadəsi və icra məmurunun izahatları və iş materiallarında olan digər sənədlərlə tamamilə sübuta yetirilir. Lakin, məhkəmə hesab edir ki, Şəxs inzibati məsuliyyətə cəlb olunması üçün qanunvercilikdə nəzərdə tutulmuş müddət keçdiyi üçün onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 38.1-ci maddəsinə əsasən inzibati tənbeh inzibati xətanın törədildiyi gündən ən geci üç ay keçənədək verilə bilər. Yol hərəkəti qaydaları, gömrük qaydaları, ətraf mühitin qorunması qaydaları, xarici dövlətlərin qeyrihökumət təşkilatlarının filial və ya nümayəndəliklərinin fəaliyyət göstərməsi qaydaları, qrant müqavilələrinin (qərarlarının) qeydə alınması qaydaları, eləcə də maliyyə, vergilərin və rüsumların ödənilməsi qaydaları əleyhinə olan inzibati xətalara görə, habelə hüquqi şəxslərin dövlət reyestri üçün zəruri məlumatların verilməməsinə, qeyri-hökumət təşkilatları haqqında və cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulmasına görə inzibati tənbeh inzibati xətanın törədildiyi gündən ən geci bir il keçənədək verilə bilər. Həmin Məcəllənin 38.5-ci maddəsinə əsasən inzibati xəta törətmiş şəxs qaçıb gizlənərsə, müddətin axımı dayanır. Bu halda müddətin axımı, həmin şəxsin aşkarlandığı vaxtdan bərpa olunur. Lakin inzibati xətanın törədildiyi vaxtdan bir il keçərsə, qaçıb gizlənən şəxs inzibati məsuliyyətə cəlb oluna bilməz. Həmin Məcəllənin 53.1.6-ci maddəsinə əsasən bu Məcəllənin 38-ci maddəsində nəzərdə tutulmuş müddətlər başa çatdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.2.1-ci maddəsinə əsasən inzibati xətalar haqqında işlərə baxılarkən bu Məcəllənin 53-cü maddəsində nəzərdə tutulan hallardan biri mövcud olduqda iş üzrə icraata xitam verilməsi haqqında qərar çıxarılır. Beləliklə iş materiallarını araşdırıb, iş üzrə toplanmış sübutlara hüquqi qiymət verərək məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 528.1-1-ci maddəsində nəzərdə tutulmuş xətanı törətməkdə təqsirli bilinməli, lakin, Azərbaycan Respublikası İnzibati Xətalar Məcəlləsinın 38-ci maddəsində nəzərdə tutulmuş müddət keçdiyindən iş üzrə icraata xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 38, 53, 114, 115, 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-1-ci maddəsində nəzərdə tutulmuş inzibati xətanı törətməkdə təqsirli bilinsin və inzibati məsuliyyətə cəlb etmə müddəti başa çatdığından barəsində başlanılmış inzibati xəta haqqında iş üzrə icraata xitam verilsin. Qərardan 10 gün müddətində Zərdab Rayon Məhkəməsi vasitəsilə və ya birbaşa Şəki Apellyasiya Məhkəməsinə apellyasiya şikayəti və ya protesti verilə bilər. Hakim: Cavid Abbasov