Zərdab Rayon Məhkəməsi Qərar — İş №3(035)-96/2024

Azərbaycan Respublikası adından QƏRAR Zərdab rayonu İş № 3(035)-96/2024 08.02.2024 ZƏRDAB RAYON MƏHKƏMƏSİ ( inzibati xəta haqqında iş üzrə ) Zərdab Rayon Məhkəməsi X8 Elxan oğlunun sədrliyi Babayeva Leyla Şirin qızının katibliyi Zərdab rayon İcra və Probasiya Şöbəsinin icra məmuru X4 X1 İnzibati xəta törətmiş şəxs Şəxs iştirakı ilə, xx.xx.1971-ci ildə Zərdab rayonu Məmmədqasımlı kəndində anadan olmuş, Azərbaycan Respublikasının vətəndaşı, orta-ixtisas təhsilli, subay, işləməyən, Zərdab rayonunun Məmmədqasımlı kəndində qeydiyyatda olan və yaşayan Şəxs barəsində Azərbaycan Respublikası İXM-nin 528.1-ci maddəsi ilə Zərdab rayon İcra və Probasiya Şöbəsindən daxil olmuş inzibati xəta haqqında protokola və ona əlavə edilmiş materiala 08 fevral 2024-cü il tarixdə Zərdab Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Zərdab rayon İcra və Probasiya Şöbəsinin rəisi vəzifəsini icra edən X9 08 fevral 2024-cü il tarixli inzibati xəta haqqında protokolla məhkəməyə müraciət edərək Şəxs Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməsi barədə qərar çıxarılmasını xahiş etmişdir. Məhkəmə iclasında Zərdab rayon İcra və Probasiya Şöbəsinin icra məmuru X9 izahatında göstərmişdir ki, Zərdab Rayon Məhkəməsinin 2(035)-480/2022 saylı, xx.xx.2022-ci il tarixli icra vərəqəsinə əsasən Şəxs məxsus cehiz əşyaları: 1 ədəd taxt, 1 ədəd şifoner, 1 ədəd sandıq, 6 ədəd stul, yataq əşyaları: yorğan, döşək, balınc, döşəkçə, palaz, 1 ədəd böyük televizor, 1 ədəd televizor altdığı, 1 ədəd kuxna üçün stol, divan-kreslo, 1 dəst çaynı servis, 10 ədəd çəngəl, 10 ədəd xörək qaşığı, 10 ədəd çay qaşığı, 10 ədəd pendir bıçağı, 10 ədəd stəkan, 10 ədəd nəlbəki, 10 ədəd armudu stəkan dəst, 10 ədəd qənd qabı, pesok qabı, elektrik qızdırıcı, elektrik çaynik, elektrik samovarı X3 yaşadığı Zərdab rayon Məmmədqasımlı kəndində yerləşən evdən çıxarılması qət edilmişdir. İcra sənədi müvafiq olaraq Zərdab rayon icra şöbəsinə daxil olmuş və icraata başlamaq haqqında qərar qəbul edilmişdir. Dəfələrlə xəbərdarlıq edilməsinə baxmayaraq borclu sənədi icra etməkdən yayınmışdır. Borclu tələbi təmin etmədiyindən xx.xx.2023-cü il tarixdə işin məcburi icrası ilə bağlı təyinat verilmiş və borclunun icra yerinə gəlməməsi səbəbindən işin icrası təxirə salınmışdır. İşin yenidən məcburi icrası ilə bağlı xx.xx.2023-cü il tarixə təyinat verilmiş, lakin icra sənədi üzrə borclu əmlakların çıxarılmaması ilə bağlı tədbir görməmiş, icra yerinə gəlməmiş və bu səbəbdən də işin icrası yenidən təxirə salınmışdır. İşin yenidən məcburi icrası ilə bağlı xx.xx.2023-c üil tarixə təyinat verilmiş, lakin bu dəfə də borclu icra yerinə gəlməməsi səbəbindən işin icrası təxirə salınmışdır. İcra sənədi borclu tərəfindən icra edilmədiyindən və yerini gizlətdiyindən onun barəsində “borclunun axtarışı barədə” qərar qəbul edilmişdir. Borclu Polis əməkdaşları tərəfindən xx.xx.2024-cü il tarixdə saxlanılaraq icra şöbəsinə təhfil verilmişdir. Borclunun izahatı alınmış, icra sənədinin icrasının zəruriliyi bir daha ona izah olunmuş, lakin borclu tələbi icra etməmişdir. Beləliklə, borclu icra vərəqəsi üzrə tələbi icra etməkdən yayınmışdır. Bununlada o, Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. Hesab edir ki, borclu Şəxs Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməlidir. Ona görə də, məhkəmədən Şəxs inzibati məsuliyyətə cəlb edilməsini xahiş edir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında bildirmişdir ki, Rusiya Fererasiyasında yaşadığından icra sənədindən xəbəri olmamış və ona görə də icra etməmişdir. Ona vaxt verilsə icra sənədini icra edəcəkdir. X2 məhkəmə iclasında bildirmişdir ki, Zərdab rayon Məhkəməsinin qətnaməsi həm Şəki Apellyasiya Məhkəməsində və həm də Ali Məhkəmədə qüvvədə qalmışdır. Borclunun icra sənədindən məlumatı olmuşdur. Lakin, bilərəkdən icra etmir. Ona görə də onun barəsində qanuni tədbir görülməsini xahiş edir. Məhkəmə icra məmurunun, tələbkarın və inzibati xəta törətmiş şəxsin izahatlarını dinləyib, iş materiallarını tədqiq edərək belə nəticəyə gəlir ki, Şəxs tərəfindən Azərbaycan Respublikası İXMnin 528.1-ci maddəsi ilə nəzərdə tutulan inzibati xətanın törədilməsi məhkəmə baxışı zamanı tam sübuta yetirilmişdir. Belə ki, işdə olan 2(035)-480/2022 saylı, xx.xx.2022-ci il tarixli icra vərəqəsindən görünür ki, Şəxs məxsus cehiz əşyaları: 1 ədəd taxt, 1 ədəd şifoner, 1 ədəd sandıq, 6 ədəd stul, yataq əşyaları: yorğan, döşək, balınc, döşəkçə, palaz, 1 ədəd böyük televizor, 1 ədəd televizor altdığı, 1 ədəd kuxna üçün stol, divan-kreslo, 1 dəst çaynı servis, 10 ədəd çəngəl, 10 ədəd xörək qaşığı, 10 ədəd çay qaşığı, 10 ədəd pendir bıçağı, 10 ədəd stəkan, 10 ədəd nəlbəki, 10 ədəd armudu stəkan dəst, 10 ədəd qənd qabı, pesok qabı, elektrik qızdırıcı, elektrik çaynik, elektrik samovarı X3 yaşadığı Zərdab rayon Məmmədqasımlı kəndində yerləşən evdən çıxarılması qət edilmişdir. İşdə olan icraata başlama haqqında xx.xx.2023-cü il tarixli qərardan görünür ki, Zərdab Rayon Məhkəməsinin 2(035)-480/2022 saylı, xx.xx.2022-ci il tarixli icra vərəqəsi əsasında Zərdab rayon İcra və Probasiya Şöbəsində icra işi başlanmışdır. İşdə olan Zərdab rayon İcra və Probasiya şöbəsinin rəisi vəzifəsini müvəqqəti icra edən X9 tərəfindən qəbul edilmiş “borclunun axtarışı haqqında” qərarın surətindən görünür ki, Şəxs barəsində xx.xx.2023-cü il tarixdə axtarış elan edilmiş və icra edilməsi üçün Zərdab rayon Polis Şöbəsinə həvalə edilmişdir. İş materiallarından görünür ki, borclu Şəxs barəsində icra məmuru tərəfindən xx.xx.2024-cü il tarixdə inzibati xəta haqqında protokol tərtib edilmiş və protokolun bir surəti imza etdirilməklə inzibati xətanı törətmiş şəxsə təqdim edilmişdir. Azərbaycan Respublikası Konstitusiyasının 129-cu maddəsinin 1-ci hissəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2-ci maddəsinə görə məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Azərbaycan Respublikası İXM-nin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə inzibati məsuliyyət yaranır. Azərbaycan Respublikası İXM-nin 32 və 33-cü maddələrinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xatakteri, inzibati xəta törədən şəxsin şəxsiyyəti, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs şəxsiyyətini, qadın olmasını məsuliyyətini yüngülləşdirən hal kimi nəzərə alır. Məhkəmə iclasında Şəxs məsuliyyətini ağırlaşdıran hal müəyyən olunmamışdır. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 16.1-ci maddəsinə görə inzibati xəta törədərkən on altı yaşı tamam olmuş fiziki şəxslər inzibati məsuliyyətə cəlb olunurlar. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə araşdırması zamanı icra məmurunun, tələbkarın və inzibati xəta törətmiş şəxsin izahatından, tədqiq edilən iş materiallarından müəyyən olundu ki, borclu Şəxs Zərdab Rayon Məhkəməsinin 2(035)-480/2022 saylı, xx.xx.2022-ci il tarixli icra vərəqəsi üzrə icra məmurunun tələblərini qərəzli olaraq yerinə yetirməmişdir. Ona görə də məhkəmə belə qənaətə gəlir ki, Şəxs Zərdab Rayon Məhkəməsinin 2(035)-480/2022 saylı, xx.xx.2022-ci il tarixli icra vərəqəsinin icrası ilə əlaqədar icra məmrunun qanuni tələblərini yerinə yetirmədiyi üçün onun əməli Azərbaycan Respublikası İXM-nin 528.1-ci maddəsinin tərkibini yaratmışdır. O, həmin maddə ilə təqsirli bilinməli və barəsində olan məsuliyyəti yüngülləşdirən halları nəzərə alaraq, onun barəsində Azərbaycan Respublikası İXM-nin 528.1-ci maddəsinin sanksiyasında nəzərdə tutulan inzibati tənbeh növü olan cərimə tətbiq edilməlidir. Beləliklə, məhkəmə yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 114, 128-130-ci maddələrini rəhbər tutaraq, Q Ə R A R A A L D İ: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 500 (beş yüz) manat məbləğində cərimə edilsin. Qərardan 10 gün müddətində Zərdab Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. HAKİM: İLQAM HƏSƏNQULİYEV