Zərdab Rayon Məhkəməsi Qərar — İş №3(035)-97/2025

Azərbaycan Respublikası adından QƏRAR Zərdab rayonu İş № 3(035)-97/2025 07.04.2025 ZƏRDAB RAYON MƏHKƏMƏSİ Zərdab Rayon Məhkəməsi X3 Elxan oğlunun sədrliyi Rəsulov Rəsul Xalid oğlunun katibliyi İnzibati xəta haqqında protokolu tərtib edən Zərdab rayon Polis Şöbəsinin İTB-nin polis rəisi X1 Zərərçəkmiş şəxslər Zərərçəkmiş şəxs1 və Zərərçəkmiş şəxs2 İnzibati xəta törətmiş şəxs Şəxs iştirakı ilə, xx.xx.1973-cü ildə Zərdab rayonunun Dəliquşçu kəndində anadan olmuş, Azərbaycan Respublikasının vətəndaşı, orta təhsilli, evli, Zərdab rayonunun Dəliquşçu kəndində yaşayan Azərbaycan Respublikası İXM-nin 510-cu maddəsi ilə Şəxs barəsində Zərdab rayon Polis Şöbəsindən daxil olmuş inzibati xəta haqqında materiala 07 aprel 2025-ci il tarixdə Zərdab Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Zərdab rayon Polis Şöbəsindən daxil olmuş xx.xx.2025-ci il tarixli, MN ******* saylı inzibati xəta haqqında protokoldan və əlavə edilmiş materiallardan görünür ki, Şəxs xx.xx.2025-ci il tarixdə saat 09:30 radələrində Zərdab rayonu Dəliquşçu kəndi ərazisində həmkəndliləri Zərərçəkmiş şəxs1 və Zərərçəkmiş şəxs2 nalayiq ifadələrlə söyüb təhqir etməklə içtimai qaydanı pozmuşdur. Məhkəmə iclasında Zərdab rayon Polis Şöbəsinin İTB-nin polis sahə rəisi X2 izahatında göstərmişdir ki, Zərdab rayonu Dəliquşçu kənd sakini Şəxs xx.xx.2025-ci il tarixdə saat 09:30 radələrində Zərdab rayonu Dəliquşçu kəndi ərazisində həmkəndliləri Zərərçəkmiş şəxs1 və Zərərçəkmiş şəxs2 nalayiq ifadələrlə söyüb təhqir etməsi barədə Zərərçəkmiş şəxs2 Zərdab rayon Polis Şöbəsinə etdiyi müraciətlə əlaqədar həmin şəxs Zərdab rayon Polis Şöbəsinə gətirilərək növbətçi hissəyə təfil verilmiş və raportla şöbə rəhbərinə məlumat verilmişdir. Həmin raport əsasında Şəxs barəsəində onun tərəfindən Azərbaycan Respublikası İXM-nin 510-cu maddəsi ilə inzibati xəta haqqında protokol tərtib olunaraq baxılması üçün aidiyyəti üzrə Zərdab Rayon Məhkəməsinə təqdim olunmuşdur. Məhkəmə iclasında inzibati xəta törətmiş şəxs Şəxs bildirmişdir ki, ailə üzvüləri ilə birlikdə Zərdab rayonunun Dəliquşçu kəndində yaşayır. Zərərçəkmiş şəxs2 onun bacısıdır və aralarında torpaq mübahisələri vardır. xx.xx.2025-ci il tarixdə saat 09:30 radələrində Zərdab rayonu Dəliquşçu kəndi ərazisində Zərərçəkmiş şəxs1 və Zərərçəkmiş şəxs2 ilə aralarında mübahisə yaranmış və birbirlərini söymüşlər. Hazırda əməlindən peşmandır, gələcəkdə belə hallara yol verməyəcəkdir. Məhkəməiclasında zərərçəkmiş şəxs qismində dindirilən Zərərçəkmiş şəxs2 bildirmişdir ki, Zərdab rayonunun Dəliquşçu kəndində yaşayır. Şəxs onun qardaşıdır və aralarında torpaq mübahisələri vardır. xx.xx.2025-ci il tarixdə saat 09:30 radələrində Zərdab rayonu Dəliquşçu kəndi ərazisində Şəxs onu və Zərərçəkmiş şəxs1 söyüb təhqir etmişdir. Hazırda Şəxs bağışlayır və ona yüngül cəza verilməsini xahiş edir. Məhkəmə iclasında zərərçəkmiş şəxs qismində dindirilən Zərərçəkmiş şəxs1 bildirmişdir ki, Zərdab rayonunun Dəliquşçu kəndində yaşayır. xx.xx.2025-ci il tarixdə saat 09:30 radələrində Zərdab rayonu Dəliquşçu kəndi ərazisində Şəxs onu və Zərərçəkmiş şəxs2 söyüb təhqir etmişdir. Hazırda Şəxs bağışlamır, barəsində tədbir görülməsini xahiş edir. Məhkəmə inzibati xəta törətmiş şəxsin və zərərçəkmiş şəxslərin izahatını dinləyib, iş materiallarını tədqiq edərək belə nəticəyə gəlir ki, Şəxs tərəfindən Azərbaycan Respublikası İXMnin 510-cu maddəsi ilə nəzərdə tutulan inzibati xətanın törədilməsi məhkəmə baxışı zamanı tam sübuta yetirilmişdir. Belə ki, işdə olan Zərdab rayon Polis Şöbəsinin İTB-nın polis sahə rəisi X2 tərəfindən tərtib edilmiş 07 aprel 2025-cü il tarixli, ******* saylı inzibati xəta haqqında protokoldan görünür ki, Şəxs xx.xx.2025-ci il tarixdə saat 09:30 radələrində Zərdab rayonu Dəliquşçu kəndi ərazisində həmkəndliləri Zərərçəkmiş şəxs1 və Zərərçəkmiş şəxs2 nalayiq ifadələrlə söyüb təhqir etməklə içtimai qaydanı pozmuşdur. Bununla da, o, Azərbaycan Respublikası İXM-nin 510-cu maddəsində nəzərdə tutulmuş inzibati xətanı törətmişdir. Azərbaycan Respublikası İXM-nin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 16.1-ci maddəsinə görə inzibati xəta törədərkən on altı yaşı tamam olmuş fiziki şəxslər inzibati məsuliyyətə cəlb olunurlar. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 32 və 33-cü maddələrinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xatakteri, inzibati xəta törədən şəxsin şəxsiyyəti, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xəta törətmiş şəxs Şəxs ilk dəfə inzibati xəta törətməsini, əməlindən peşman olmasını, Zərərçəkmiş şəxs2 onu bağışlamasını məsuliyyətini yüngülləşdirən hal kimi nəzərə alır. Məhkəmə araşdırması zamanı Şəxs məsuliyyətini ağırlaşdıran hal müəyyən olunmamışdır. Məhkəmə Şəxs şəxsiyyətini, törətdiyi inzibati xətanın xarakterini nəzərə alaraq hesab edir ki, onun barəsində həmin maddənin sanksiyasında nəzərdə tutulan inzibati tənbeh növü olan cərimə tətbiq edilməlidir. Beləliklə, məhkəmə yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 114, 128-130-ci maddələrini rəhbər tutaraq, QƏRARA ALDİ: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 100 (yüz) manat məbləğində cərimə edilsin. Qərardan 10 gün müddətində Zərdab Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. HAKİM : İLQAM HƏSƏNQULİYEV