İmişli Rayon Məhkəməsi Qərar — İş №3(036)-1098/2023

Azərbaycan Respublikası adından QƏRAR İmişli rayonu İş № 3(036)-1098/2023 25.10.2023 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi və Balacayev Elməddin Xudan oğlunun katibliyi ilə, xx.xx.1994-cü ildə anadan olmuş, AR vətəndaşı, subay, İmişli şəhəri, Xiyabani küçəsi ev 05-də yaşayan Şəxs barəsində AR İXM-nin 332.4-cü maddəsi ilə olan inzibati xəta haqqında iş üzrə icraatın materiallarına açıq məhkəmə iclasında baxaraq MÜƏYYƏN ETDİ: Şəxs barəsində ondan ötrü inzibati xəta haqqında protokol tərtib edilmişdir ki, o, idarə etmək hüququ olmadan «VAZ-21074» markalı **-BH-*** dövlət nömrə nişanlı avtomobillə İmişli- Qaradonlu yolu ilə Araz çayı üzərindənki körpünü keçib İmişli şəhəri istiqamətində hərəkətdə olduğu vaxt qarşıda hərəkətdə olan traktoru keçmək üçün ötmə əməliyyatına başlamış və əks istiqamətli hərəkət zolağına çıxaraq həmin zolaqla hərəkətdə olan «Toyota» minik markalı **- CA-*** dövlət nömrə nişanlı avtomobillə toqquşmuşdur. Həmin vaxt Şəxs idarə etdiyi «VAZ- 21074» markalı **-BH-*** dövlət nömrə nişanlı avtomobilin arxasında araməsafəni gözləmədən hərəkətdə olan «VAZ-21074» markalı ** UL *** dövlət nömrə nişanlı avtomobil də “Tayota minik” markalı **-CA-*** dövlət nömrə nişanlı avtomobillə toqquşmuşdur. YNH nəticəsində X3, X4 və X1 qısa müddətə pozulmasına səbəb olan sağlamlığa yüngül zərər vurmaya aid edilən xəsarətlər almış və «Toyota» minik markalı **-CA-*** dövlət nömrə nişanlı avtomobilə 13000,0 manat məbləğində maddi zərər dəymişdir. Şəxs göstərmişdir ki, xx.xx.2023-cü il tarixdə, saat 00-15 radələrində «VAZ-21074» markalı **- BH-*** dövlət nömrə nişanlı avtomaşını idarə edərək İmişli-Qaradonlu avtomobil yolu ilə İmişli şəhər istiqamətində hərəkətdə olan zaman qarşıda olan traktoru keçmək üçün ötmə əməliyyatı etmiş və əks istiqamətli hərəkət zolağına çıxaraq həmin zolaqla hərəkətdə olan «Toyota» minik markalı **-CA-*** dövlət nömrə nişanlı avtomobil də «Tayota minik» markalı **-CA-*** dövlət nömrə nişanlı avtomobillə çırpılmışdır. AR İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 327.1-ci maddəsinə əsasən yol nişanlarının və ya yolların hərəkət hissəsinin işarələrinin tələblərinə riayət edilməməsinə, yaxud nəqliyyat vasitəsinin yolların hərəkət hissələrində yerləşdirilməsi, yaxud araməsafəsi, yedəyə alma, yük daşıma, sürmə təlimi keçmə, yaşayış zonasında hərəkət etmə, əks istiqamətli hərəkət zolağına çıxmadan ötmə və ya manevr etmə qaydalarının pozulmasına, səkilərlə və “Yol hərəkəti haqqında” Azərbaycan Respublikasının Qanunu ilə nəzərdə tutulmamış hallarda yolun çiyni ilə hərəkət edilməsinə, nəqliyyat vasitələrindən bayıra hər hansı əşyanın atılmasına görə inzibati məsuliyyət nəzərdə tutmuşdur. Həmin Məcəllənin 332.2-ci maddəsinə əsasən nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə məsuliyyət nəzərdə tutulmuşdur. Həmin Məcəllənin 332.4-cü maddəsinə əsasən bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə məsuliyyət nəzərdə tutulmuşdur. Məhkəmə barəsində inzibati xəta haqqında iş üzrə icraat aparılan şəxs dinləyib toplanmış materialları araşdıraraq hesab edir ki, Şəxs Azərbaycan Respublikası İXM-nin 332.4–cü maddələrində nəzərdə tutulmuş inzibati xəta hadisəsini törətmişdir. Ona görə də o, həmin maddə ilə təqsirli bilinib inzibati qaydada tənbeh olunmalıdır. AR İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs şəxsiyyətini nəzərə alıb barəsində AR İXM-nin 332.4-cü maddəsinin sanksiyasında nəzərdə tutulmuş cərimə növündə tənbeh tədbiri tətdiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,50, 114,115, 117,130 və 138-ci maddələrini rəhbər tutaraq QƏRARA ALDİ: Şəxs Azərbaycan Respublikası İXM-nin 332.4-cü maddəsində nəzərdə tutulmuş inzibati xətanı törətməkdə təqsirli bilinib 500 (beş yüz) manat cərimə edilsin. Qərarın icrası İmişli rayon İcra və Probasiya şöbəsinə həvalə edilsin. Qərardan 10(on) gün müddətində İmişli rayon məhkəməsi vasitəsi ilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov.