İmişli Rayon Məhkəməsi Qərar — İş №3(036)-1189/2023

Azərbaycan Respublikası adından QƏRAR İmişli rayonu İş № 3(036)-1189/2023 23.11.2023 İMİŞLİ RAYON MƏHKƏMƏSİ Hakim Qənbərov Ülvi Oktay oğlunun sədrliyi, Əsədli Xuraman Emin qızının katibliyi, barəsində inzibati xəta haqqında iş üzrə icraat aparılan şəxs Şəxs və İmişli rayon İcra və Probasiya şöbəsinin böyük icra məmuru, İ dərəcəli ədliyyə qulluqçusu X4 iştirakı ilə, xx.xx.1982-ci ildə anadan olmuş, AR vətəndaşı, subay, İmişli rayon, Aranlı kəndində yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında protokola və əlavə edilmiş materiallara açıq məhkəmə iclasında baxaraq, MÜƏYYƏN ETDİ: Şəxs barəsində Azərbaycan Respulikası İXM-nin 528.1-ci maddəsi ilə ondan ötrü inzibati xəta haqqında Protokol tərtib olunmuşdur ki, o, tələbkar X1 xeyrinə xx.xx.2019-cu il tarixdən başlayaraq birgə nikahdan doğulmuş bir uşağın yetkinlik yaşına çatanadək saxlanılmasından ötrü hər ay 160 manat aliment ödəməsi barədə İmişli Rayon Məhkəməsinin xx.xx.2019-cu il 2(036)-1321/2019 saylı icra sənədini və tələbkar X2 xeyrinə xx.xx.2014-cü il tarixdən başlayaraq birgə nikahdan doğulmuş iki uşağın yetkinlik yaşına çatanadək saxlanılmasından ötrü hər ay minimum əmək haqqının 75 faizindən az olmamaqla və bütün gəlirlərinin 33 faizi hissəsi aliment ödəməsi barədə Belarus Respublikası Minsk şəhərinin Oktyabr Rayon Məhkəməsinin xx.xx.2014-cü il tarixli (Azərbaycan Respublikasının Ali Məhkəməsinin xx.xx.2016-cı il tarixli 10(102)-52/2019 saylı qərardadı ilə tanınmışdır) icra sənədini üzürsüz səbəbdən icra etməmiş və hər iki icra sənədi üzrə cəmi 13517.75 manat aliment borcu yaranmışdır. Barəsində inzibati xəta haqqında Protokol tərtib olunmuş şəxs Şəxs özünü qismən təqsirli bilərək göstərmişdir ki, tələbkar X1 xeyrinə xx.xx.2019-cu il tarixdən başlayaraq birgə nikahdan doğulmuş bir uşağın yetkinlik yaşına çatanadək saxlanılmasından ötrü hər ay 160 manat aliment ödəməsi barədə İmişli Rayon Məhkəməsinin xx.xx.2019-cu il 2(036)-1321/2019 saylı icra sənədi və tələbkar X2 xeyrinə xx.xx.2014-cü il tarixdən başlayaraq birgə nikahdan doğulmuş iki uşağın yetkinlik yaşına çatanadək saxlanılmasından ötrü hər ay minimum əmək haqqının 75 faizindən az olmamaqla və bütün gəlirlərinin 33 faizi hissəsi aliment ödəməsi barədə Belarus Respublikası Minsk şəhərinin Oktyabr Rayon Məhkəməsinin xx.xx.2014-cü il tarixli icra sənədi üzrə tələbi ödəməməsi üzürsüz səbəbdən olmamışdır. Belə ki, o, işləmədiyindən qazancı olmamış və aliment borcunu ödəyə bilməmişdir. Hazırda, hündürlükdən yıxılması nəticəsində aldığı xəsarətlərlə əlaqədar sağlamlığı uzun müddətdə pozulduğundan əmək qabiliyyətini tamamilə itirmişdir. Ona görə də, borcunun ödənilməsinə möhlət verilməsini xahiş edir. AR İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə barəsində inzibati xəta haqqında protokol tərtib olunmuş şəxsi dinləyib işdə olan materialları tədqiq edərək hesab edir ki, Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. Ona görə də o, həmin maddə ilə təqsirli bilinib inzibati qaydada tənbeh olunmalıdırlar. Azərbaycan Respublikası İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuıiyyəti yüngülləşdirən və ağırlaşdıran hallar nəzərə alınır. İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Məhkəmə Şəxs sağlamlıq vəziyyətinin faktiki olaraq pozulmasını nəzərə alaraq barəsində AR İXM-nin müvafiq maddəsinin sanksiyasında nəzərdə tutulmuş cərimə növündə tənbeh tədbiri tətdiq edilməsini məqsədəmüvafiq hesab edir. Yuxarıda göstərilənlərə əsasən Azərbaycan Respublikası İXM-nin 114,115, 117,130 və 138-ci maddələrini rəhbər tutaraq, QƏRARA ALDİ: Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətməkdə təqsirli bilinib 500 (beş yüz) manat cərimə edilsin. Qərarın icrası İmişli rayon İcra və Probasiya şöbəsinə həvalə edilsin. . Qərardan 10 gün müddətində İmişli rayon Məhkəməsi vasitəsilə Şirvan Apelyasiya məhkəməsinə apelyasiya şikayəti verilə bilər. Hakim: Ülvi Qənbərov