İmişli Rayon Məhkəməsi Qərar — İş №3(036)-1217/2023

Azərbaycan Respublikası adından QƏRAR İmişli rayonu İş № 3(036)-1217/2023 19.12.2023 İMİŞLİ RAYON MƏHKƏMƏSİ İmişli rayon Məhkəməsi Qənbərov Ülvi Oktay oğlunun sədrliyi, Əsədli Xuraman Emin qızının katibliyi, icra məmuru X2 iştirakı ilə, xx.xx.1985-ci ildə anadan olmuş, AR vətəndaşı, evli, ali təhsilli, İmişli rayonu, Ağaməmmədli kəndində yaşayan Şəxs barəsində Azərbaycan Respublikası İXM-nın 528.1-ci maddəsi ilə olan inzibati xəta haqqında protokola və toplanmış materiallara baxaraq, MÜƏYYƏN ETDİ: Şəxs barəsində AR İXM-nin 528.1-ci maddəsi ilə ondan ötrü inzibati xəta haqqında Protokol tərtib olunmuşdur ki, o, tələbkar X1 xeyrinə xx.xx.2021-ci il tarixdən başlayaraq birgə nikahdan doğulmuş iki uşağın yetkinlik yaşına çatanadək saxlanılmasından ötrü hər ay hər bir uşaq üçün 140 manat aliment ödəməsi barədə İmişli Rayon Məhkəməsinin xx.xx.2021-ci il 2(036)- 1541/2021 saylı icra sənədini üzürsüz səbəbdən icra etməmiş və cəmi 2040 manat aliment borcu yaranmışdır. Barəsində inzibati xəta haqqında Protokol tərtib olunmuş şəxs Şəxs özünü qismən təqsirli bilərək göstərmişdir ki, tələbkar X1 xeyrinə xx.xx.2021-ci il tarixdən başlayaraq birgə nikahdan doğulmuş iki uşağın yetkinlik yaşına çatanadək saxlanılmasından ötrü hər ay hər bir uşaq üçün 140 manat aliment ödəməsi barədə İmişli Rayon Məhkəməsinin xx.xx.2021-ci il 2(036)- 1541/2021 saylı icra sənədi üzrə tələbi ödəməməsi üzürsüz səbəbdən olmamışdır. Belə ki, xx.xx.2021-ci il 2(036)-1541/2021 saylı icra sənədinə əsasən kəsilmiş alimenti o maddi imkanı olmadığından hər ay natamam ödədiyi üçün qalıq məbləğlər toplanaraq ümumi borca çevrilmişdir. Hal-hazırda İmişli rayon Məhkəməsinin xx.xx.2021-ci il 2(036)-1541/2021 saylı icra sənədi üzrə tələbkar X1 xeyrinə 1000 (min) manat ödəniş etmiş və qalıq məbləği hissə-hissə ödənilməsinə imkan yaradılmasını xahiş etmişdir. AR İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. İcra işinin materiallarından görünür ki, İmişli rayon Məhkəməsinin xx.xx.2021-ci il 2(036)- 1541/2021 saylı icra sənədi xx.xx.2021-ci il tarixdə icraata qəbul edilmiş, icraat müddətində tələb tam təmin edilməmişdir. Həmin icra sənədinin icrası ilə əlaqədar icra məmuru tərəfindən görülmüş tədbirlər nəticəsində tələb qismən icra olunmuş və xx.xx.2023-cü il tarixdə 1000 manat ödənilmişdir. Borclu Şəxs tələb yönələ biləcək gəlirləri və qiymətli əmlakları aşkar edilməmişdir. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda başlanmış inzibati xəta haqqında iş üzrə icraata xitam verilir. Məhkəmədə təqdim olunmuş sübutlara əsasən Şəxs xx.xx.2021-ci il 2(036)-1541/2021 saylı icra sənədini üzürsüz səbəbdən icra etməməsi müəyyən edilməmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,50, 114,115, 117,130 və 138-ci maddələrini rəhbər tutaraq QƏRARA ALDİ: Şəxs barəsində Azərbaycan Respublikası İXM-nin 528.1-ci maddəsi ilə olan inzibati xəta haqqında iş üzrə icraata xitam verilsin. Qərardan 10 (on) gün müddətində İmişli Rayon Məhkəməsi vasitəsi ilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov