İmişli Rayon Məhkəməsi Qərardad — İş №3(036)-210/2024

Azərbaycan Respublikası adından QƏRARDAD İmişli rayonu İş № 3(036)-210/2024 05.03.2024 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlu Şəxs barəsində AR İXM-nin 342.9-cu maddəsi ilə olan inzibati xəta inzibati xəta haqqında protokola baxaraq, MÜƏYYƏN ETDİ: Şəxs barəsində AR İXM-nin 342.9-cu maddəsi ilə ondan ötrü inzibati xəta haqqında protokol (xx.xx.2024-cü il tarixli İXP № 6027649) baxılması üçün İmişli rayon məhkəməsinə göndərilmişdir. Aşağıda göstərilənlərə əsasən məhkəmə hesab edir ki, Şəxs barəsində AR İXM-nin 342.9cu maddəsi ilə ondan ötrü inzibati xəta haqqında protokol geri qaytarılmalıdır. AR İXM-nin 100.1.4-cü maddəsinə əsasən inzibati xəta haqqında protokolda inzibati xətanın törədildiyi vaxt, yer və bu xətanın mahiyyəti göstərilməlidir. Həmin Məcəllənin 100.1.10-cu maddəsinə əsasən inzibati xəta haqqında protokolda inzibati xəta haqqında iş üzrə icraat üçün zəruri olan başqa məlumatlar göstərilməlidir. Həmin Məcəllənin 100.2-ci maddəsinə əsaən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. Həmin Məcəllənin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. İşdə olan materiallardan görünür ki, AR İXM-nin 3342.9-cu maddəsində nəzərdə tutulan inzibati xəta xx.xx.2024-cü il tarixdə İmişli rayonu ərazisində aşkar edilmiş, barəsində inzibati xəta haqqında protokol tərtib edilən şəxsə hüquqları və vəzifələri izah edilməmiş, barəsində AR İXM-nin 342.9-cu maddəsi ilə olan inzibati xəta haqqında işə onun yaşadığı yer üzrə baxılması barədə vəsatəti olub olmadığı öyrənilməmişdir. Şəxs barəsində olan inzibati xəta haqqında protokolda aşkar edilən inzibati xətanın mahiyyəti və iş üzrə zəruri olan məlumatlar göstərilməmiş, sübutlar barədə qeyd olunmamış və hər hansı bir sübut toplanaraq materiala əlavə edilməmişdir. AR İXM-nin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Məhkəmə hesab edir ki, Şəxs barəsində tərtib edilmiş inzibati xəta haqqında protokolda aşkar edilmiş inzibati xətanın mahiyyəti qanunvericilikdə nəzərdə tutulmuş qaydada əks olunmadığından, törədilmiş inzibati xətaya dair heç bir material toplanmadığından və barəsində inzibati xəta haqqında iş üzrə icraat aparılan şəxə hüquqları və vəzifələri izah edilərək işə yaşadığı yer üzrə baxılması haqqında fikri öyrənilmədiyindən işin baxılması mümkün deyil. Ona görə də, protokol və ona əlavə edilmiş sənədlərlə birlikdə geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106 və 109-cu maddələrini rəhbər tutaraq QƏRARA ALDİ: Şəxs barəsində AR İXM-nin 342.9-cu maddəsi ilə ondan ötrü inzibati xəta haqqında protokol (xx.xx.2024-cü il tarixli İXP № 6027649) AR DİN İmişli RPŞ-ə qaytarılsın. Hakim: Ülvi Qənbərov