İmişli Rayon Məhkəməsi Qərar — İş №3(036)-224/2024

Azərbaycan Respublikası adından QƏRAR İmişli rayonu İş № 3(036)-224/2024 08.04.2024 İMİŞLİ RAYON MƏHKƏMƏSİ İmişli rayon Məhkəməsi Qənbərov Ülvi Oktay oğlunun sədrliyi, Əsədli Xuraman Emin qızının katibliyi və icra məmuru X3 iştirakı ilə, xx.xx.1982-ci ildə anadan olmuş, AR vətəndaşı, subay, orta təhsilli, İmişli rayon Yalavac kəndində yaşayan Şəxs barəsində Azərbaycan Respublikası İXM-nın 528.1-ci maddəsi ilə olan inzibati xəta haqqında protokola və toplanmış materiallara baxaraq, MÜƏYYƏN ETDİ: Şəxs barəsində AR İXM-nin 528.1-ci maddəsi ilə ondan ötrü inzibati xəta haqqında Protokol tərtib olunmuşdur ki, o, tələbkar X1 xeyrinə 1200 manat dəyərində komplekt qızıllar (1 ədəd boyunbağı, 1 ədəd bilərzik və 1 cüt sırğa), 800 manat dəyərində 4 ədəd qızıl üzük, 200 manat dəyərində 1 ədəd qızıl üzük, ödəniş vaxtı məzənnədə milli valyuta ilə 2250 (iki min iki yüz əlli) ABŞ dolları və ödənilmiş dövlət rüsumuna görə 30 (otuz) manat pulun ödəməsi barədə İmişli rayon məhkəməsinin xx.xx.2015-ci il 2(036)-118/2015 saylı icra sənədini üzürsüz səbəbdən icra etməmişdir. Barəsində inzibati xəta haqqında Protokol tərtib olunmuş şəxs Şəxs izahatında göstərmişdir ki, tələbkar X1 xeyrinə 1200 manat dəyərində komplekt qızıllar (1 ədəd boyunbağı, 1 ədəd bilərzik və 1 cüt sırğa), 800 manat dəyərində 4 ədəd qızıl üzük, 200 manat dəyərində 1 ədəd qızıl üzük, ödəniş vaxtı məzənnədə milli valyuta ilə 2250 (iki min iki yüz əlli) ABŞ dolları və ödənilmiş dövlət rüsumuna görə 30 (otuz) manat pulun ödəməsi barədə İmişli rayon məhkəməsinin xx.xx.2015-ci il 2(036)-118/2015 saylı icra sənədi üzrə tələbi ödəməməsi üzürsüz səbəbdən olmamışdır. Belə ki, o, işləmədiyindən qazancı olmamış və borcunu ödəyə bilməmişdir. Halhazırda icra sənədi üzrə tələbkar X2 250 ABŞ dolları ödəniş etmiş və qalıq məbləği hissə-hissə ödənilməsinə imkan yaradılmasını xahiş etmişdir. AR İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. İcra işinin materiallarından görünür ki, İmişli rayon məhkəməsinin xx.xx.2015-ci il 2(036)- 118/2015 saylı icra sənədi xx.xx.2015-ci il tarixdə icraata qəbul edilmiş və könüllü icra üçün müəyyən edilmiş müddətdə tələb təmin edilməmişdir. Həmin icra sənədinin icrası ilə əlaqədar icra məmuru tərəfindən görülmüş tədbirlər nəticəsində 08 aprel 2024-cü il tarixdə 250 ABŞ dolları ödənilmişdir. Borclu Şəxs tələb yönələ biləcək gəlirləri və qiymətli əmlakları aşkar edilməmişdir. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda başlanmış inzibati xəta haqqında iş üzrə icraata xitam verilir. Məhkəmədə təqdim olunmuş sübutlara əsasən Şəxs xx.xx.2015-ci il 2(036)-118/2015 saylı icra sənədini üzürsüz səbəbdən icra etməməsi müəyyən edilməmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,50, 114,115, 117,130 və 138-ci maddələrini rəhbər tutaraq QƏRARA ALDİ: Şəxs barəsində Azərbaycan Respublikası İXM-nin 528.1-ci maddəsi ilə olan inzibati xəta haqqında iş üzrə icraata xitam verilsin. Qərardan 10 (on) gün müddətində İmişli Rayon Məhkəməsi vasitəsi ilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov