İmişli Rayon Məhkəməsi Qərar — İş №3(036)-247/2020

Azərbaycan Respublikası adından QƏRAR İmişli rayonu İş № 3(036)-247/2020 30.06.2020 İMİŞLİ RAYON MƏHKƏMƏSİ Hakim Hacıyev Qurban Hamid oğlununsədrliyi, Hacıyeva Nuranə Büsat qızının katibliyi, barəsində inzibati xəta haqqında iş üzrə icraat aparılan şəxs Şəxs və Zərərçəkmiş şəxs iştirakları ilə, xx.xx.1990-cı il tarixdə İmişli rayonunun Sarıxanlı kəndində doğulmuş, Azərbaycan Respublikasının vətəndaşı, subay, orta təhsilli, fərdi əməklə məşğul olan, İmişli rayonunun Sarıxanlı kəndində qeydiyyatda olmaqla yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 157-ci maddəsi ilə toplanmış inzibati xəta haqqında icraat materialına açıq məhkəmə iclasında baxaraq, Müəyyən etdi: Şəxs barəsində inzibati xəta haqqında protokol tərtib olunmuşdur ona görə ki, o, 26.04.2020-ci il tarixdə aralarında yaranmış mübahisə zəminində həmkəndlisi Zərərçəkmiş şəxs döymüşdür. Məhkəmə iclasında barəsində inzibati xəta haqqında iş üzrə icraat aparılan şəxs Şəxsizahatında göstərmişdir ki, 26.04.2020-ci il tarixdə Sarıxanlı kəndində yerləşən bankomatın qarşısından keçərkən Zərərçəkmiş şəxs görmüş, bu zaman avtomobili saxlayaraq onu yanın çağırmış və atasını nə üçün söydüyünü soruşmuşdur. Zərərçəkmiş şəxs isə cavabında onun atasını təkrarən söyüb təhqir etməyə başlamış, o da əsəbiləşərək sonuncunun göz və qol nahiyələrindən yumruqla vurmuşdur. Hazırda əməlindən peşmandır və zərərçəkmiş şəxslə barışmaq istəyir. Məhkəmə iclasında Zərərçəkmiş şəxs izahatında göstərdi ki, 26.04.2020-ci il tarixdə Sarıxanlı kəndində yerləşən bankomatın qarşısında olarkən Şəxs onu yanına çağıraraq heç bir əsaslı səbəb olmadan onun göz və qol nahiyəsindən vurmaqla döymüşdür. Buna görə də o, sonuncunun barəsində polisə şikayət etmişdir. O, Emini bağışlamır və cəzalandırılmasını istəyir. Məhkəmə qeyd edir ki, Şəxs tərəfindən yuxarıda təsvir olunun inzibati xətanın törədilməsi onun özünün izahatı, zərər çəkmiş şəxsin izahatı və inzibati xəta haqqında iş üzrə icraatın materialları ilə öz təsdiqini tapır. Belə olan halda məhkəmə hesab edir ki, Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulan inzibati xətanı törətmişdir, ona görə də o, həmin maddə ilə təqsirli bilinib cəzalandırılmalıdır. Azərbaycan Respublikasının İnzibati Xətalar Məcəlləsinin 157-ci maddəsinə əsasən, döymə və sair zorakı hərəkətlərlə qəsdən fiziki ağrı yetirməyə görə-beş yüz manatdan min manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Həmin Məcəllənin 31.2-ci maddəsinə görə fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs cəza təyin edərkən onun əməlindən səmimi peşmançılığını məsuliyyətini yüngülləşdirən hal kimi nəzərə alır. Məsuliyyəti ağırlaşdıran hallar müəyyən edilmədi. Məhkəmə Şəxs cəza təyin edərkən onun şəxsiyyətini, törətdiyi xətanın xarakterini, təqsirinin dərəcəsini və məsuliyyətini yüngülləşdirən halları nəzərə alaraq ona Azərbaycan Respublikası İXM-nin 157-ci maddəsinin sanksiyasında nəzərdə tutulmuş qaydada cərimə növündə inzibati tənbeh tətbiq edilməsini qanuni və ədalətli hesab edir. Yuxarıda qeyd olunanlara əsasən Azərbaycan Respublikası İXM-nin 115, 117 və 128-130-cu maddələrini rəhbər tutaraq, məhkəmə Qərara aldı: Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməkdə təqsirli bilinərək 300 (üç yüz) manat məbləğində cərimə edilsin. Qərardan təqdim edildiyi və ya alındığı gündən 10 gün müddətində Şirvan Apelyasiya məhkəməsinə apelyasiya şikayəti verilə bilər. Hakim: Qurban Hacıyev