İmişli Rayon Məhkəməsi Qərar — İş №3(036)-386/2024

Azərbaycan Respublikası adından QƏRAR İmişli rayonu İş № 3(036)-386/2024 01.07.2024 İMİŞLİ RAYON MƏHKƏMƏSİ İmişli Rayon Məhkəməsinin hakimi Quliyev Telman Osman oğlunun sədrliyi, Zaid Əkrəm Əkbər oğlunun katibliyi, şikayət vermiş şəxs X2 iştirakı ilə, İmişli Rayon Polis Şöbəsi YPX inspektorunun xx.xx.2024-cü il tarixli, TP ******* nömrəli inzibati tənbeh vermə haqqında qərarından X5 tərəfindən verilmiş şikayətə açıq məhkəmə iclasında baxaraq, müəyyən etdi: İmişli Rayon Polis Şöbəsi YPX inspektoru tərəfindən xx.xx.2024-cü il tarixdə X2 barəsində Azərbaycan Respublikası İnzibati Xətalar Məcəlləsinin 327.2 və 332.1-ci maddəsində nəzərdə tutulan inzibati xətanı törətməsinə dair İXP ******* nömrəli inzibati xəta haqqında protokol tərtib olunmuşdur. Həmin protokol üzrə İmişli Rayon Polis Şöbəsi YPX inspektorunun xx.xx.2024-cü il tarixli, TP ******* nömrəli qərarı ilə X5 Azərbaycan Respublikası İnzibati Xətalar Məcəlləsinin 327.2 və 332.1-ci maddəsində nəzərdə tutulan inzibati xətanı törətməkdə təqsirli bilinərək 80 manat məbləğində cərimə olunmuşdur ona görə ki, o, 04 aprel 2024-cü il tarixdə saat 19:04 radələrində idarə etdiyi “FORD TRANSİT” markalı ** BL *** dövlət qeydiyyat nişanlı avtombillə İmişli şəhəri H.Əliyev prospekti ilə N.Savalanov küçəsinin kəsişməsində hərəkətdə olakən nəqliyyat vasitəsini etibarnamə olmadan idarə etmiş və yolayrıcını keçmə qaydalarını pozmuşdur. X5 şikayət ilə məhkəməyə müraciət edərək həmin qərarın ləğv edilməsini xahiş etmişdir. Şikayət onunla əsaslandırılmışdır ki, 04 aprel 2024-cü il tarixdə saat 19:04 radələrində idarə etdiyi “FORD TRANSİT” markalı ** BL *** dövlət qeydiyyat nişanlı avtombillə İmişli şəhəri H.Əliyev prospekti ilə N.Savalanov küçəsinin kəsişməsində hərəkətdə olarkən YPX inspektoru tərəfindən saxlanılmış və ona qarşıdan gələn avtomobili gözləməli olduğu halda gözləmədiyini bildirmişdir. O, DYP əməkdaşına heç bir qayda pozuntusu törətmədiyini bildirsə də, DYP əməkdaşı ona heç bir görüntü təqdim etmədən və hüquqlarını kobud şəkildə pozaraq inzibati xəta haqqında protokol tərtib etmişdir. O, YPX əməkdaşından videogörüntü tələb etsə də buna nail ola bilməmişdir. Həmin tarixdə onun tərəfindən hər hansı inzibati xəta hadisəsi törədilmədiyindən İmişli Rayon Polis Şöbəsi YPX inspektorunun xx.xx.2024-cü il tarixli, TP ******* nömrəli qərarı ləğv edilməlidir. Məhkəmə iclasında X5 şikayəti müdafiə edərək təmin olunmasını xahiş etdi. Məhkəmənin əvvəlki iclasında İmişli Rayon Polis X6 Patrul Xidməti inspektoru, polis serjantı X1 izahat verərək göstərdi ki, xx.xx.2024-cü il tarixdə X2 barəsində Azərbaycan Respublikası İnzibati Xətalar Məcəlləsinin 327.2 və 332.1-ci maddəsində nəzərdə tutulan inzibati xətanı törətməsinə dair İXP ******* nömrəli inzibati xəta haqqında protokol tərtib olunmuşdur. Protokol düzgün tərtib olunmuş və həmin protokol əsasında qəbul edilmiş xx.xx.2024-cü il tarixli, TP ******* nömrəli qərarın ləğv olunması üçün heç bir əsas yoxdur. Məhkəmə iclasında şahid qismində didirilmiş X4 ifadə verərək göstərdi ki, “FORD TRANSİT” markalı ** BL *** dövlət qeydiyyat nişanlı avtombil onun xüsusi mülkiyyətindədir. O, həmin avtomobili satmaq üçün elan vermişdir. 04 aprel 2024-cü il tarixdə X5 onun yanına gəlib avtomobili almaq üçün sürüb texniki vəziyyətini yoxlamaq istədiyini bildirdi. Bu məqsədlə həmin tarixdə saat 19:04 radələrində X5 onun iştirakı ilə “FORD TRANSİT” markalı ** BL *** dövlət qeydiyyat nişanlı avtombili idarə edib İmişli şəhəri H.Əliyev prospekti ilə N.Savalanov küçəsinin kəsişməsində hərəkətdə olarkən, YPX inspektoru tərəfindən saxlanılmış və ona qarşıdan gələn avtomobili gözləməli olduğu halda gözləmədiyini bildirmiş və bu barədə inzibati xəta haqqında protokol tərtib etmişdir. Lakin həmin vaxt yol hərəkəti ilə bağlı hər hansı bir inzibati xətaya yol verilməmişdir. İşin baxılması dəfələrlə təxirə salınıb, İmişli Rayon Polis Şöbəsi YPX inspektorunun xx.xx.2024-cü il tarixli, TP ******* nömrəli qərarın qəbul edilməsi üçün əsas olmuş hallar və həmin halları təsdiq edən başqa sübutların məhkəməyə təqdim olunması barədə İmişli Rayon Polis Şöbəsinə məhkəmə bildirişi göndərilməsinə baxmayaraq, bu barədə heç bir sübut təqdim olunmamışdır. Azərbaycan Respublikası İnzibati Xətalar Məcəlləsi Maddə 2. Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariyaepidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Maddə 3. Bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Maddə 4. Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Maddə 8.1. Barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Maddə 12.1. Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Maddə 48. İnzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Maddə 76.1. İnzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Maddə 84.1. İnzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 327.2-ci maddəsinə əsasən svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 “Giriş qadağandır” yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaqdoldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçmək inzibati xəta hesab olunur. Həmin Məcəllənin 332.1-ci maddəsinə əsasən nəqliyyat vasitəsinə sahiblik hüququ olan şəxsin nəqliyyat vasitəsində olması halları istisna olmaqla, nəqliyyat vasitəsinin etibarnamə olmadan idarə edilməsi inzibati xəta hesab olunur. Azərbaycan Respublikası İnzibati Xətalar Məcəlləsinin 134.1.4-cü maddəsinə görə inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında qərar qəbul edilir. Həmin Məcəllənin 134.1.2-ci maddəsinə görə inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında qərar qəbul edilir. Həmin Məcəllənin 135.1.5-1-ci maddəsinə əsasən bu Məcəllənin 53-cü maddəsində nəzərdə tutulmuş halların müəyyən olunması inzibati qərarın ləğv edilməsi üçün əsasdır. Həmin Məcəllənin 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Məhkəmə iclasında X2 04 aprel 2024-cü il tarixdə saat 19:04 radələrində idarə etdiyi “FORD TRANSİT” markalı ** BL *** dövlət qeydiyyat nişanlı avtombillə İmişli şəhəri H.Əliyev prospekti ilə N.Savalanov küçəsinin kəsişməsində hərəkətdə olakən nəqliyyat vasitəsini etibarnamə olmadan idarə etməsi və yolayrıcını keçmə qaydalarını pozması halları müəyyən olunmamış və Azərbaycan Respublikası İnzibati Xətalar Məcəlləsinin 327.2 və 332.1-ci maddəsində nəzərdə tutulmuş inzibati xəta törətməsi faktı öz təsdiqini tapmamışdır. Qeyd olunanları nəzərə alaraq və işin faktiki hallarına qiymət verərək məhkəmə hesab edir ki, X5 barəsində İmişli Rayon Polis Şöbəsi YPX inspektoru tərəfindən tərtib olunmuş xx.xx.2024-cü il tarixli, İXP ******* nömrəli protokol üzrə xx.xx.2024-cü il tarixli, TP ******* nömrəli nömrəli inzibati tənbeh vermə haqqında qərarı Azərbaycan Respublikası İXM-nin tələblərinə uyğun olaraq əsaslığı təsdiq olunmadığı üçün X5 tərəfindən verilmiş şikayət təmin edilməli və mübahisələndirilən qərar ləğv olunaraq iş üzrə icraata xitam verilməlidir. Göstərilənlərə əsasən və Azərbaycan Respublikası İXM-nin 115, 117 və 128-130-cu maddələrini rəhbər tutaraq, məhkəmə Qərara aldı: Şikayət təmin edilsin. İmişli Rayon Polis Şöbəsi YPX inspektorunun xx.xx.2024-cü il tarixli, TP ******* nömrəli qərarı ləğv edilsin və iş üzrə icraata xitam verilsin. Qərardan təqdim edildiyi və ya alındığı gündən 10 gün müddətində Şirvan Apellyasiya məhkəməsinə apellyasiya şikayəti verilə bilər. Hakim: Telman Quliyev