İmişli Rayon Məhkəməsi Qərar — İş №3(036)-501/2024

Azərbaycan Respublikası adından QƏRAR İmişli rayonu İş № 3(036)-501/2024 01.07.2024 İMİŞLİ RAYON MƏHKƏMƏSİ İmişli Rayon Məhkəməsinin hakimi Quliyev Telman Osman oğlunun sədrliyi, Zaid Əkrəm Əkbər oğlunun katibliyi, barəsində inzibati xəta haqqında iş üzrə icraat aparılan şəxs Şəxs, İmişli rayon icra və probasiya şöbəsinin icra məmuru, İ dərəcəli ədliyyə qulluqçusu X1 iştirakı ilə, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə toplanmış inzibati xəta haqqında materiala İmişli Rayon Məhkəməsinin binasında açıq məhkəmə iclasında baxaraq М Ü Ə Y Y Ə N E T D İ: İmişli rayon icra və probasiya şöbəsinin icra məmuru, İ dərəcəli ədliyyə qulluqçusu X4 tərəfindən Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə xx.xx.2024-cü il tarixli, MN ******* nömrəli inzibati xəta haqqında protokol tərtib olunmuşdur ona görə ki, o, İmişli Rayon Məhkəməsinin 2(036)1173/2022 nömrəli, xx.xx.2022-ci il tarixli, 2(036)78/2022 nömrəli, xx.xx.2022-ci il tarixli, 2(036)1581/2022 nömrəli,xx.xx.2022-ci il tarixli, İmişli regional “ASAN xidmət” mərkəzində notariat ofisinin 6380 saylı, xx.xx.2022-ci il tarixli, 6381 saylı, xx.xx.2022-ci il tarixli və 6382 saylı, xx.xx.2022-ci il tarixli icra sənədlərindəki tələbin üzrsüz səbəbdən icra məmuru tərəfindən müəyyən olunmuş müddətdə icra etməmiş və icra məmurunun qanuni tələblərini yerinə yetirməmişdir. Məhkəmənin iclasında barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə özünü təqsirli bilərək izahatında göstərdi ki, müvafiq icra sənədləri üzrə tələbi qəsdən deyil maddi imkanın olmaması səbəbindən icra etməmişdir. 2022-ci ildə işdən azad olunduqdan sonra icra sənədlərini icra edə bilməmişdir. Hazırda yeni işə qəbul olmuşdur və məhkəmə vaxt verərsə icra sənədləri üzrə maddi imkanı çatdığı qədər icra etməyə çalışacaqdır. Məhkəmə iclasında İmişli rayon icra və probasiya şöbəsinin icra məmuru, İ dərəcəli ədliyyə qulluqçusu X4 izahat verərək göstərdi ki, icra sənədləri üzrə bütün zəruri icra hərəkətləri həyata keçirilmiş, lakin borclu icra sənədləri üzrə dəfələrlə icradan yayınmışdır. Son dəfə 2000 manat ödəniş etmək təklif edilmiş və bunun nəticəsində bir neçə icra sənədinə xitam veriləcəyi bildirilsə də, o, maddi imkanının olmamasını bildirmişdir. Borclu ona vaxt verilməsini xahiş etsə də, bunu məqsədəmüvafiq hesab etməmişdir. İmişli Rayon Məhkəməsinin 2(036)1173/2022 nömrəli, xx.xx.2022-ci il tarixli icra sənədinə əsasən borclu Şəxs cəmi 880 manat borc alınaraq tələbkar "xxxx" MMC-nin xeyrinə ödənilməlidir İmişli Rayon Məhkəməsinin 2(036)78/2022 nömrəli, xx.xx.2022-ci il tarixli icra sənədinə əsasən borclu Şəxs cəmi 6949.39 manat borc alınaraq tələbkar "xxxx" MMC-nin xeyrinə ödənilməlidir İmişli Rayon Məhkəməsinin 2(036)1581/2022 nömrəli, xx.xx.2022-ci il tarixli icra sənədinə əsasən borclu Şəxs cəmi 312.15 manat borc alınaraq tələbkar "xxxx" QSC-nin xeyrinə ödənilməlidir İmişli regional “ASAN xidmət” mərkəzində notariat ofisinin 6380 saylı, xx.xx.2022-ci il tarixli icra sənədinə əsasən borclu Şəxs cəmi 471 manat borc alınaraq tələbkar "xxxx" MMC-nin xeyrinə ödənilməlidir İmişli regional “ASAN xidmət” mərkəzində notariat ofisinin 6381 saylı, xx.xx.2022-ci il tarixli icra sənədinə əsasən borclu Şəxs cəmi 87.33 manat borc alınaraq tələbkar "xxxx" MMC-nin xeyrinə ödənilməlidir İmişli regional “ASAN xidmət” mərkəzində notariat ofisinin 6382 saylı, xx.xx.2022-ci il tarixli icra sənədinə əsasən borclu Şəxs cəmi 349 manat borc alınaraq tələbkar "xxxx" MMC-nin xeyrinə ödənilməlidir İmişli rayon icra və probasiya şöbəsinin icra məmurunun xx.xx.2022-ci il tarixli qərarı ilə 2(036)1173/2022 nömrəli icra sənədi üzrə, xx.xx.2022-ci il tarixli qərarı ilə 2(036)1173/2022 nömrəli icra sənədi üzrə, xx.xx.2022-ci il tarixli qərarı ilə 2(036)1581/2022 nömrəli icra sənədi üzrə, xx.xx.2022-ci il tarixli qərarı ilə İmişli regional “ASAN xidmət” mərkəzində notariat ofisinin 6380 saylı, 6381 və 6382 saylı icra sənədləri üzrə icraata başlanmış və borclu Şəxs müvafiq “Tələbin könüllü icrası haqqında” bildiriş ilə borcluya tələbin könüllü icrası ilə bağlı 10 gün vaxt verilmişdir. xx.xx.2023-ci il tarixdə Şəxs axtarışı haqqında qərar qəbul edilmişdir və barəsində İmişli Rayon Polis Şöbəsində 440182 nömrəli axtarış işi açılmışdır. İş materiallarına əlavə edilmiş şəxsin kartoçkası sənəd ilə borclu Şəxs icra sənədi üzrə tələbin yönəldilə biləcəyi hər hansı əmlakının olmadığı müəyyən olunur. İşdən görünür ki, icra məmuru tərəfindən icra sənədi üzrə icra tədbirlərinin həyata keçirilməsi barədə, yəni borclunun adına hər hansı bir əmlakın, bank hesablarının, tələbin borclunun yönəldilə biləcək əmək haqqının və sair gəlirlərinin olub-olmamasının müəyyənləşdirilməsi istiqamətində icra tədbirləri görmüş, lakin tələbin yönəldilə biləcəyi əmlak aşkar edilməmişdir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə inzibati məsuliyyət nəzərdə tutulmuşdur. Azərbaycan Respublikası İnzibati Xətalar Məcəlləsi Maddə 2. Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariyaepidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Maddə 3. Bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Maddə 4. Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Maddə 8.1. Barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Maddə 12.1. Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Maddə 48. İnzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Maddə 76.1. İnzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Maddə 84.1. İnzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə işdə olan materialları tədqiq edərək hesab edir ki, Şəxs İmişli Rayon Məhkəməsinin 2(036)1173/2022 nömrəli, xx.xx.2022-ci il tarixli,2(036)78/2022 nömrəli, xx.xx.2022-ci il tarixli ,2(036)1581/2022 nömrəli,xx.xx.2022-ci il tarixli,İmişli regional “ASAN xidmət” mərkəzində notariat ofisinin 6380 saylı, xx.xx.2022-ci il tarixli,İmişli regional “ASAN xidmət” mərkəzində notariat ofisinin 6381 saylı, xx.xx.2022-ci il tarixli, İmişli regional “ASAN xidmət” mərkəzində notariat ofisinin 6382 saylı, xx.xx.2022-ci il tarixli icra sənədlərindəki tələbin üzrsüz səbəbdən icra məmuru tərəfindən müəyyən olunmuş müddətdə icra etməmiş və icra məmurunun qanuni tələblərini yerinə yetirməmişdir. Ona görə də, Məmmədov X2 Xətalar Məcəlləsinin 528.1-ci maddəsi ilə nəzərdə tutulmuş inzibati xətaya görə inzibati qaydada tənbeh olunmalıdır. İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Məhkəmə inzibati xətanın xarakterini və işin faktiki hallarını nəzərə alaraq Şəxs barəsində İnzibati Xətalar Məcəlləsinin müvafiq maddəsinin sanksiyasında nəzərdə tutulmuş inzibati həbs növündə tənbeh tətbiq olunmasını məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114,115, 117,130 və 138-ci maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 10 (on ) gün müddətə inzibati qaydada həbs edilsin. Həbsdə saxlama müddətinin əvvəli xx.xx.2024-cü il tarix saat 16:07-dən hesablanılsın. Qərarın icrası İmişli Rayon Polis Şöbəsinə tapşırılsın. Qərardan 10 (on) gün müddətində İmişli Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Hakim: Telman Quliyev