İmişli Rayon Məhkəməsi Qərar — İş №3(036)-529/2020

Azərbaycan Respublikası adından QƏRAR İmişli rayonu İş № 3(036)-529/2020 24.12.2020 İMİŞLİ RAYON MƏHKƏMƏSİ Hakim: Nüsrətov Tərlan Vaqif oğlunun sədrliyi, Məhkəmə iclasının katibi: Əlizadə Qənimət Tərlan oğlunun katibliyi, Zərərçəkmiş şəxs: X1, İnzibati xəta törətmiş şəxs: Şəxs iştirakı ilə xx xxxx 1993-cü ildə İmişli rayonu, Qaraqaşlı kəndində anadan olmuş, Azərbaycan Respublikasının vətəndaşı, subay, orta təhsilli, fərdi əməklə məşğul olan, İmişli rayonu, Qaraqaşlı kəndində qeydiyyatda olan və İmişli şəhəri, Xiyabani küçəsi, ev 77 ünvanda yaşayan şəxs Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulan inzibati xəta törətməsinə dair Azərbaycan Respublikası Daxili İşlər Nazirliyi İmişli Rayon Polis Şöbəsi tərəfindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi İmişli Rayon Polis Şöbəsi tərəfindən Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulan inzibati xəta haqqında protokol daxil olmuşdur. “İnzibati xəta haqqında” protokola əsasən Şəxs xx xxxxxx 2020-ci il tarixdə, təxminən saat 17:00 radələrində İmişli şəhəri, Heydər Əliyev prospektində X1 idarə etdiyi yük avtomobilindən 1 (bir) qutu yumurtanı oğurlayaraq, sonuncuya 52 (əlli iki) AZN məbləğində maddi zərər vurmuşdur. Məhkəmə iclasında inzibati xəta törətmiş şəxs Şəxs izahatında bildirmişdir ki, o, valideynləri ilə birlikdə İmişli şəhəri, Xiyabani küçəsi, ev 77 ünvanda yaşayır. Baş vermiş hadisə barədə qeyd edir ki, xx xxxxxx 2020-ci il tarixdə, təxminən saat 17:00 radələrində İmişli şəhəri, Heydər Əliyev prospektində yerləşən “BAZAR STORE” mağazasının qarşısında dayanmış avtomobilin yük yerindən 1 (bir) qutu yumurtanı oğurlamışdır. Halhazırda törətdiyi inzibati xəta əməlində özünü təqsirli bilir və səmimi peşmanlıq hissi keçirir. Bununla yanaşı bildirir ki, ilk dəfə inzibati xəta əməli törədir, baş vermiş hadisə nəticəsində zərərçəkmiş şəxs X2 dəymiş maddi zərəri tam şəkildə ödəmiş, gələcəkdə bir daha belə xoşagəlməz əməllərə yol verməyəcək və qanunlara əməl edəcək. Bütün bunları nəzərə alaraq, məhkəmə tərəfindən barəsində Qanunvericiliklə nəzərdə tutulmuş qaydada qərar qəbul edilməsini xahiş etmişdir. Məhkəmə iclasında zərərçəkmiş şəxs X3 izahatında bildirmişdir ki, o, ailəsi ilə birlikdə Beylıqan rayonu, 1-ci Şahsevən kəndində yaşayır və firmaların birində sürücü vəzifəsində işləyir. Baş vermiş hadisə barədə qeyd edir ki, xx xxxxxx 2020-ci il tarixdə idarə etdiyi yük avtomobli ilə “BAZAR STORE” mağazasına bir neçə qutu yumurta gətirmişdir. Həmin gün, təxminən saat 17:00 radələrində idarə etdiyi avtomobilin yük yerindən dəyəri 52 (əlli iki) AZN məbləğində olan 1 (bir) qutu yumurta oğurlanmışdır. Daha sonra o, bu barədə ərizə ilə İmişli Rayon Polis Şöbəsinə müraciət edərək, məlumat vermişdir. Sonrada məlum olmuşdur ki, idarə etdiyi avtomobilin yük yerindən 1 (bir) qutu yumurtanı İmişli şəhər sakini Şəxs oğurlamışdır. Buna baxmayaraq, o, Şəxs ona dəymiş maddi zərəri tam ödəməsini, eləcə də, cavan olmasını nəzərə alaraq, onu bağışlayır, onun ilə barışmış, ona qarşı heç bir şikayəti və tələbi yoxdur. Bütün bunları nəzərə alaraq, məhkəmə tərəfindən inzibati xəta törətmiş şəxs Şəxs barəsində inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. İş materiallarında olan xx xxxxxx 2020-ci il tarixli “Cinayət işinin başlanmasının rədd haqqında” qərarın surətindən görünür ki, Şəxs əməlində cinayət tərkibi olmadığı üçün İmişli Rayon Polis Şöbəsinin Təhqiqat Bölməsinin baş təhqiqatçısı, polis mayoru Calal Azadov tərəfindən X1 şikayəti əsasında toplanmış material üzrə cinayət işinin başlanması rədd edilmiş və onun əməlində Azərbaycan Respublikasının İnzibati Xətalar Məcəlləsinin 227-ci maddəsinin tərkib əlamətləri olduğu üçün barəsində həmin maddə ilə inzibati xəta haqqında iş üzrə icraat başlanılması üçün İmişli Rayon Polis Şöbəsinin İctimai Təhlükəsizlik Bölməsinə göndərilmişdir. İş materiallarında olan MN ******* №-li, xx xxxxxx 2020-ci il tarixli “İnzibati xəta haqqında” protokoldan görünür ki, Şəxs xx xxxxxx 2020-ci il tarixdə, təxminən saat 17:00 radələrində İmişli şəhəri, Heydər Əliyev prospektində X1 idarə etdiyi yük avtomobilindən 1 (bir) qutu yumurtanı oğurlayaraq, sonuncuya 52 (əlli iki) AZN məbləğində maddi zərər vurmuşdur. İş materiallarında olan zərərçəkmiş şəxs X1 xx xxxxxx 2020-ci il tarixli ərizəsindən görünür ki, baş vermiş hadisə nəticəsində dəymiş maddi zərər inzibati xəta törətmiş şəxs Şəxs tərəfindən tam şəkildə ödənilmiş, onun ilə barışmış, ona qarşı heç bir şikayəti, tələbi yoxdur və məhkəmə tərəfindən inzibati xəta haqqında iş üzrə icraata xitam verilməsini xahiş etmişdir. İş materiallarında olan inzibati xəta törətmiş şəxs Şəxs xx xxxxxx 2020-ci il tarixli ərizəsindən görünür ki, zərərçəkmiş şəxs X1 inzibati xəta haqqında iş üzrə icraata xitam verilməsi barədə ərizəsinə etiraz etmir və məhkəmə tərəfindən inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. Məhkəmə inzibati xəta törətmiş şəxs Şəxs, zərərçəkmiş şəxs X1 izahatını dinləyib, inzibati xəta haqqında iş materialını tam, hərtərəfli və obyektiv araşdırıb, iş üzrə müəyyən edilmiş hallara hüquqi qiymət verərək hesab edir ki, inzibati xəta törətmiş şəxs Şəxs zərərçəkmiş şəxs X2 vurulmuş ziyanı tamamilə ödədiyi və zərərçəkmiş şəxs ilə barışdığı üçün o, Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulan inzibati xəta əməlinə görə inzibati məsuliyyətdən azad edilməli və barəsində başlanmış icraata xitam verilməlidir. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 53.0.10-cu maddəsinə əsasən Bu Məcəllənin 227-ci maddəsində nəzərdə tutulan inzibati xətanı törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda, inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə yuxarıda göstərilənlərə və qanunvericilik aktı normalarına əsasən hesab edir ki, inzibati xəta törətmiş şəxs Şəxs zərərçəkmiş şəxs X2 vurulmuş ziyanı tamamilə ödədiyi və zərərçəkmiş şəxs ilə barışdığı üçün barəsində Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulan inzibati xəta haqqında iş üzrə icraata xitam verilməli və inzibati məsuliyyətdən azad edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 114, 115 və 128-130-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulan inzibati xəta haqqında iş üzrə icraata xitam verilsin. Şəxs inzibati məsuliyyətdən azad edilsin. Qərarın surəti rəsmi qaydada verildiyi vaxtdan 10 (on) gün müddətində birbaşa apellyasiya instansiyası məhkəməsinə və ya İmişli Rayon Məhkəməsi (həmin qərarı qəbul etmiş hakim) vasitəsilə Şirvan Apellyasiya Məhkəməsinə apellyasiya şikayəti verilə bilər. Sədrlik edən Tərlan Nüsrətov